ISAI 59:4 - Pathien Lekhabu Inthieng (BSI)

⁴ Tukhawma thubuoi indiktakin an hril naw a, tukhawma indikna leh thubuoi an hril ngai nawh; thu teplo mei mei an ring a, khêl an hril hlak a; thil suksuolna an vawn a, khawhlona an nei hlak.

ISAI 59:4 ပူးပေါင်းရင်းမြစ်များ

JOB LEKHABU (THE BOOK OF JOB) 15:31

Ama inhlêmin, teplo mei mei chu ring naw raw se, Teplo chu ama thungna ding a ni si a.

JOB LEKHABU (THE BOOK OF JOB) 15:35

Pawitâwkna chu an vawn a, khawhlona chu an nei hlak a, An phîng chun hlêmna a buotsai hlak,” tiin.

INPÂKNA HLABU 12:3

Lalpa chun inpâk tehlêmna hmûr po po chu ât thlâng a ta, Thu chapotak hrilna lei le chun.

INPÂKNA HLABU 62:10

Nêksâwrna hi ring naw unla, Inrûknaa chun beiseina teplo innghat naw ro, Hausakna hung pung sien khawm, a chunga chun in lungril innghat bawk naw ro.

INPÂKNA HLABU 62:4

A ropuinaa inthawka nam thla ding ngawtin an inrâwn a, Khêl hril hi an lâwm zâwngtak a na, An bauin mal an sâwm a; nisienlakhawm, an lungrilin ṭawngsie an inphur si hlak.

INPÂKNA HLABU 7:15

Khur a siem a, inthûktakin a cho a, Ama khur siema chun a tla ta a.

THUVARHAI 4:16

Thil pawi an thaw zet naw chun an in ngai si naw a; Mi ṭhenkhat bêk an sukthlûk naw chun, an îmu chu lâk hmang a ni hlak.

ISAI 10:1

Fel nawtaka thu ruottuhai le indik nawtaka ziektuhai chu an chung a rik ie!

ISAI 26:18

Nau kan vawn a, kan na a, thli ang chau el kan nei kha, hnuoia hin sansuokna kawng hrim kan sukkaw naw a, khawvêla umhai hlak an tlu bawk nawh.

ISAI 28:15

“Thina kuomah thu kan thlung tah, Seol leh thu kan intiem tah; vuokna tui lien liem chu a luong tlang pha khawm keini chen chun luong naw nih; khêl thu dâm kan inhumhimna dingin kan hmang a, khêl hnuoiah kan inbihmang ta si a,” in ti leiin;

ISAI 29:20

Mi ṭium chu iengkhawm ni lova siemin um tâng a ta, hmusittu chu a bo ta a, khawhlona nghâkhlatuhai po po chu sukbohmangin an um ta si a,

ISAI 30:12

Chu lei chun, Israelhai Mi Inthieng chun hieng ang hin a hril a, “Hi hi thu hi in hmusit lei le nêksâwrna le kâwmawsietna in ring a, a chunga in innghat leiin;

ISAI 30:9

Chuonghai chu mi hel hmang dâm, nau khêlhlip dâm, nau, Lalpa dân ngai nuom lohai an ni si a;

ISAI 33:11

Hlo ṭâwl vawn in ta, bupâwl nei in tih; in thuok chu nangni kâng hmang ding mei a nih.

ISAI 44:20

Vut chau a fâk hlak a; a lungril hlêma um chun, a hringna ân sanhim thei nawna ding le, ‘Ka kut changtieng hin khêl a um naw am a nih?’ a ti thei nawna dingin ama chu ân pêttir tah.

ISAI 47:10

I rîtlona chu i ring a, “Tukhawma an mi hmu nawh,” i ti vei si a, i varna le i hrietna chun a sukkhawhlo che a, “Keima ka nih, keima naw chu mi dang hrim an um nawh,” i lungrilin i ti bawk a.

ISAI 5:18

Iengkhawm ni lo hruihruola khawhlona kei a, tawlailîr hruihruola kei ang suolna kei hlaktuhai chu an chung a rik ie!

ISAI 5:7

Sipaihai Lalpa grêp huon chu Israel sûngkuo hi a na, Juda mihai hi a kûng ditumtak chu an ni si a; rorêlna fel a beisei a, nisienlakhawm, ngai ta, nêksâwrna a hung um ta lem a; felna a beisei a, nisienlakhawm, ngai ta, khêk ri a hung um ta lem a nih.

ISAI 59:15

Anih, thutak a um ta naw a; thil ṭha naw bânsantu chu râllâkah ân siem hlak; Lalpain chu chu a hmu a, indikna hrim hrim um ta naw chun a suklungni ta naw a.

ISAI 59:16

Chun, mi hrim hrim an um nawh ti a hriet a, hnipêktu hrim hrim an um nawh ti a hriet a, hnipêktu hrim hrim an um naw chu mak a ti a; chuleiin, ama bân ngei chun sandamna ân siempêk a, ama felna ngei chun ama le ama ân chelngîr ta a.

ISAI 59:3

In kuthai chu thisen sukpawrchein a um a, in kutpârhai hlak khawhlonaa sukpawrchein a um si a; in hmûrhai chun khêl a hril a, in lei chu rîtlona thu hrilin a chier num num hlak.

ISAI 64:7

Chuongchun, i hming lama, nangma chel dinga mâni insukhar tukhawm an um dêr naw a, keini kuoma hin i hmai i thup ta si a; kan khawhlonahai hmangin i mi sukbohmang tah a nih.

ISAI 9:15

Upa le mi inzaumhai chu a lu chu an na, khêl inchûktir hlak zâwlneihai chu a mei chu an nih.

JEREMIA 48:7

I sinthawhaia le i roa chun i ringna în nghat leiin, nang khawm man nîng i ta; Kemos khawm chu sala intâng dingin fêng a ta, a thiempuhai le a rorêltuhai leh.

JEREMIA 5:1

Jerusalem kawtthlêrahai chun hmatieng hnungtieng tlân unla, tuhin va en ta u! chutaka hmun lienahai chun va zawng unla, va hre ta u, mi hrim in va hmuin, mi thil indiktaka thaw a, thudik zawng hrim an um am; chun, chuong a ni chun ngaidam ka tih.

JEREMIA 7:4

‘Lalpa biekin chu, Lalpa biekin chu, Lalpa biekin chu hi hi a nih,’ ti thukhêl dâm hi ring naw ro.

JEREMIA 7:8

Ngai ta u, thukhêlhliphai, ṭhathnemna neilohai chu in ring a.

HOSEA 4:1

Israel mipuihai, Lalpa thu chu ngai ta u; Hi rama hin thutak le lunginsietna le Pathien hrietna a um naw leiin, Lalpa chun ram hluotuhai hêkna ding a nei.

MIKA 2:1

An khum laizâwla khawhlona suongtuotuhai le thil ṭha naw ngaituo suoktuhai chu an chung a rik de! Zîngkâra khuo a hung var hin chu chu an thaw hlak a, anni kut thilthawtheina a ni si leiin.

THILTHAWHAI 24:9

Judahai khawm chun, “Chuong thu chu chuong ang tak chu a nih,” tiin an lo ṭhangpui a.

JAKOB 1:15

Chun, châkna chun tê a vawn a, suol a nei hlak; chun, suol chu a hung puitlingin thina a hung suksuok hlak.