ISAI 59:21 - Pathien Lekhabu Inthieng (BSI)

²¹ “Kei chu hi hi a nih an kuoma ka thuthlung chu: ka thlarau i chunga um le, ka thu i baua ka siehai chun, tuta inthawka chatuon chen khawmin i bau chu suoksan naw ni hai a, i thlahai thla nâwk sâwng bau khawm suoksan bawk naw ni hai,” Lalpain a tih.

ISAI 59:21 ပူးပေါင်းရင်းမြစ်များ

INPÂKNA HLABU 119:43

Chun, thutak thu chu ka baua inthawk hin la suok vawng naw la, I rorêlnahai chu ka beisei si hlak a.

FESUOKNA 4:15

Ama kuoma chun thu hril i ta, thuhai chu ama bauah sieng i ta: i bau le ama baua chun um ka ta, ieng am in thaw ding chu inchûktir ka ti cheu.

THUVARHAI 7:3

I kutpârhaia chun khuopde la, I lungril phêk chunga chun ziek rawh.

ISAI 32:15

Chung tienga thlarau chu ei chunga bura a um a, thlalêr chu hnuoi ṭhatak hmuna ân chang a, hnuoi ṭhatak hmun chu rampuia ngaia a um hmakhat chun.

ISAI 40:8

Hlobet chu a vuoi a, a pâr chu a ṭuoi hlak: ei Pathien thu ruok hi chu chatuonin um zing a tih.”

ISAI 42:1

Ka siehlaw, ka chel zing, ka ithlang, ka lungrilin a ilawm êm êm hi en ta u; a chungah ka thlarau ka sie tah: Jentailhai kuoma pêk dingin rorêlna thu la suok a tih.

ISAI 44:3

Dangchâr chunga chun tui ka hung buok ding a ni si a, hnuoi ṭâwlahai chun tuiluonghai chu ka hung buok bawk ding a nih; in thlahai chungah ka thlarau buok ka ta, in nauhai chungah ka malsâwmna buok bawk ka tih:

ISAI 49:8

Lalpa chun hieng ang hin a tih, “ Hun lâwmumah ka ngaithlâk che a, sandamna niah ka ṭhangpui che; ram inngîr ding le rochan ram râusan ta hnunghai annirawi chu inhluotir dingin ka humhim chein, mihai thuthlung dingin ka ruot che:

ISAI 51:16

Chun, vân khi ka keiphar thei a, leihnuoi innghatsan chu ka phûm thei a, Zionhai kuomah, “Ka mihai in nih,” ka ti theina dingin ka thuhai chu i bauah ka sie a, ka kutin ka hum che a nih.

ISAI 54:10

Tlâng lienhai chu fe hmang an ta, tlâng chînhai chu sawnin um bawk an tih; ka zainêmna ruok hi chu i kuoma inthawkin fe hmang naw ni a, ka remna thuthlung chu sawnin um bawk naw ni, Lalpa a lunginsiettu che chun a tih.

ISAI 55:11

chuong ang bawkin ka baua inthawka ka thu suok chu um a tih: iengkhawm thaw nei lovin ka kuomah hung kîr nâwk naw ni a, ka dit ang chu thaw lem a ta, thil thaw dinga ka tirnaa chun hlawtling bawk a tih.

ISAI 55:3

In na hung sit unla, ka kuomah hung ro; ngai unla, chuongchun, in hringna chu hring a tih; chun, in kuomah kumkhaw thu thlung ka tih; David kuoma lunginsietna tiem tlat tahai chu.

ISAI 57:19

Kei chun hmûrhai ra ka siem hlak a, ‘Inremna, inremna, hlataka um kuoma le hnaitaka um kuoma chun um raw se,’Lalpain a tih, ama chu sukdam ka tih.

ISAI 66:22

Vân tharhai le hnuoi thar ka la siem ding chu ka hmaa a um zing angin, in thlahai le in hming chu a um zing bawk ding a nih, Lalpain a tih.

JEREMIA 1:9

Chun, Lalpa chun a kutin a hung ban a, ka bau chu a tâwk ta a; chun, Lalpa chun ka kuoma chun, “Ngai ta, i baua chun ka thuhai chu ka sie tah,

JOHAN 1:33

Ama chu ka hriet si naw a, nisienlakhawm, tuia baptis dinga a mi tirtu khan ka kuomah, ‘Tû chunga khawm Thlarau zu fua, a chunga um zing i hmu chun, ama chu Thlarau Inthienga baptistu ding chu nîng a tih,’ a ti a.

JOHAN 17:8

Nangin thu i mi pêkhai kha an kuoma ka pêk ta si a; chuong chu an vawn a, i kuoma inthawka suok ka nih ti indiktakin an hriet tah, nangin i mi tir ti khawm an awi tah.

JOHAN 3:34

Pathien itir chun Pathien thu a hril hlak; ama chu Pathienin inkhi kherin Thlarau a pêk si nawh.

JOHAN 4:14

tûkhawm an kuoma ka pêk ding tui dâwn taphawt ruok chu, kumkhuoin dangchâr naw ni hai, keiin an kuoma tui ka pêk ding chu, an sûngah tuihnâr hung um a ta, chatuona hringna chenin inchik dawk a tih,” a ta.

JOHAN 7:39

(Chuong thu chu ama ringtuhaiin Thlarau an nei dingzie thu a hrilna a nih; Thlarau chu pêk a la ni hri nawh, Isu chu chawimawia a la um hri naw leiin.)

JOHAN 8:38

Keiin ka Pa kuoma thil ka hmu chu ka hril hlak; nangni khawmin in pa kuoma thil in hriet chu in thaw hlak,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:27

Chu chu an kuoma ka thu thlung ding chu a nih, An suolhai ka lâk hmang pha chun,” tia ziek ang khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:9

Chuongchun, Pathien Thlarau chu nangniah a chêng takzet a ni chun, tisaa um ni lovin, Thlaraua um in ni lem. Tukhawm Krista Thlarau nei naw chu ama mi a ni nawh.

2 KORINTH 3:8

Thlarau rawngbâwlna chu ieng ang taka ropuiin am a tlung ding chu?

HEBRAIHAI 10:16

“Chuong ni hnunga chun, An kuoma thu ka thlung dinghai chu hieng hi a nih, Lalpain a tih, An lungrilah ka thupêkhai sieng ka ta, An lungrilah ziek bawk ka tih,” tia a hril hnung khan;