ISAI 59:18 - Pathien Lekhabu Inthieng (BSI)

¹⁸ An thilthawhai angin, an thilthawhai ang ngeiin, ama chun thung a tih, ama dotuhai chu lunginsennain, a hmêlmahai chu thungnain thung a tih; thlierkârhai khawm thungrul a tih.

ISAI 59:18 ပူးပေါင်းရင်းမြစ်များ

JOB LEKHABU (THE BOOK OF JOB) 34:11

Mi chu a sinthaw ang peiin ama kuomah a pêk ding a na, A lampuihai ang peiin mi tin chu ân hmutir ding a ni hi.

INPÂKNA HLABU 62:12

Aw Lalpa, zainêmna hi i ta bawk a nih, Mi tin an thilthaw ang sengin i thung hlak si a.

ISAI 1:24

Chuleiin, Lalpa, Sipaihai Lalpa, Israelhai Mi Hrât chun, hieng ang hin a hril a nih: “A! A mi dotuhai hi sukfithla el ka ta, ka hmêlmahai chungah phuba lâng ka tih:

ISAI 35:4

Lungril dâwihai kuoma chun, “Hrâttakin um unla, ṭi naw ro, ngai ta u, in Pathien chu phubalâkna leh hung a tih, Pathien thungna le chun; hung a ta, sandam a ti cheu,” ti ro.

ISAI 40:10

En ta u, Lalpa Pathien chu mi hrâttak angin a hung ding a ni hi; a bân chun a aiah ro rêl a tih; en ta u, a lâwmman chu a kuomah a um hi, a thungna chu a hmaah a um bawk a.

ISAI 49:4

Kei ruok chun, “Athlâwn elin sin ka thaw inrim a, iengkhawm ni lova le boruok elah ka tha ka sêng a, nisienlakhawm, matheilovin ka chunga rorêlna ding chu Lalpa kuomah a nih a um chu, mi thungna ding khawm chu ka Pathien kuomah a nih a um chu, ” ka ti a.

ISAI 63:3

Keima chauin grêp sâwrna khurah ka sirsâwr a; mi tin laia mi pakhat khawm ka kuomah an um naw a, anih, anni chu ka lunginsenin ka sir a, ka lunginsenin ka chîl a; chuongchun, an hringna thisen chu ka silfênahai hin thein a um a, ka puon po po hi ka sukpawrche ta a.

ISAI 63:6

Chuongchun, mi tin chu ka lunginsenin ka sirde a, ka lunginsenin ka sukrui a, an hringna thisen chu hnuoiah ka bunthlâk tah.

ISAI 65:6

Ngai ta u, ka hmaah ziekin a um a, to zing naw ningah a, thung lem ka tih, anih, an ângsûngah thung ve vêng ka tih,

ISAI 65:7

nangni khawhlona le in puhai khawhlona chu, Lalpain a tih, chuonghai chun tlâng lien chungahai thil rim inhnik an raw a, tlâng chungahai chun ka hming an hrilsiet hlak; chuleiin, an sinthaw chu a hmasatakin an ângsûngah inkhipêk ka tih.

ISAI 66:14

Chun, chu chu hmûng in ta, in lungril chu hlim a ta, in ruhai khawm hlohna hring dup angin inno hlut hlut a tih; chuongchun, Lalpa kut chu a siehlawhai tieng a um ti hrieng an ta, a hmêlmahai chunga chun lungni naw ni.

ISAI 66:15

Ngai ta u, a lunginsenna chu hrîkthla ding le, a kâwkna chu meichawkhaia hrîkthla dingin, Lalpa chu mei leh a hung ding a ni si a, a tawlailîrhai chu thlivir ang el nîng a tih.

ISAI 66:6

Ngai ro, khawpuia sa mur mur ri chu! biek ina ri a ni chu! a hmêlmahai thungtu Lalpa ri a ni chu!

JEREMIA 17:10

Kei Lalpa hin lungril chu ka zawng suok hlak a, mi tin chu a thilthawhai ra ang pei le, a lampuihai ang peia pêk dingin an inthununna chu ka fie bawk a.

JEREMIA 32:19

rorêlnaa ropui le, sinthawa thilthawthei tak, mihriem nauhai umdân po po hmu zing hlak; mi tin chu ama um dân le a thilthawhai ang peia pe dingin;

JEREMIA 50:15

A vêlin ama chu khêkkhum unla; ama chu a hung inpêklût ta a, a kulhai chu a chim a, a banghai chu sukchim an na. Lalpa phubalâkna a ni si a; ama chunga chun phuba la unla, amain a lo thaw ta ang khan a chunga khawm thaw ve ro.

JEREMIA 50:29

“Thalkâptuhai, thalngul kuoi- hai po po chu Babulon chunga chun ko khâwm ro; a vêl el chun riekngha unla, chutaka inthawk chun tukhawm insuokthlengtir naw ro; a sinthaw ang pei chun ama chu thung unla, a lo thaw ta ang tak khan ama chungah thaw ve ro; Lalpa chungah, Israel Mi Inthieng chunga chun a lo chapo ta si a.

ṬAP HLA 4:11

Lalpa chun a ṭiumna chu a hung sukpuitling a, a lunginsenna ṭium chu a hung bunthlâk a; Ziona chun mei a sukchawk a, a lungphûmhai kâng hmangtu chu.

EZEKIEL 23:49

Chun, in hurna chu in chungah thung an ti cheu a, in milimhai suolna chu phur in ta, chun, Lalpa Pathien chu ka nih ti mi hre tâng in tih,” tiin.

EZEKIEL 38:18

“Gog chun Israel ram chu a hung do pha, chu nia chun, Lalpa Pathien chun a tih; Ka ṭiumna chu ka hnârkuoa inthawkin khu suok a tih.

EZEKIEL 5:13

“Chuongchun, ka lunginsenna chu sukpuitling ni tâng a ta, ka lung inthakna chu an chunga chun suktlai tâng ka ta, inhawi ti tâng ka tih; chun, an chunga ka lung inthakna ka sukpuitling pha chun kei Lalpa hin ṭhahnemngaia ka lo hril a ni ti hre tâng an tih.

EZEKIEL 6:12

Hlataka umhai chu hripuiin thîng an ta; a hnaia umhai chu kâwlhnâmah tlûng an ta, chun, umhmuna uma inhuol khuma um chu ṭâmin thîng a tih: chuong ang chun ka lungsenna chu an chunga chun ka sukpuitling ding a nih.

JOEL 3:4

Anih, aw Tura le Sidon le Philistin ram po pohai, ka ta dingin ieng am in ni a? In mi thung ding am a nih? In mi thung chun, hrâttakin, inhmawtakin in mi thungna chu in lu chung ngeiah thung vêng ka ti cheu.

LEVI DÂN 26:28

lunginsentakin nangni kal zâwngin um ka ta; in suol leiin a let sariin hrem bawk ka ti cheu.

NAHUM 1:2

Lalpa chu thîkthusie Pathien le phuba lâk hmang a nih; Lalpa chun phuba a lâk a, lunginsennain a sip a nih; Lalpa chun ama dotuhai chungah phuba a lâk a, a hmêlmahai ta ding chun lunginsenna ân khâwlkhâwm a nih.

MATTHAI 16:27

Mihriem Naupa hi a vântirkohai leh, a Pa ropuinaa inthuomin a hung ding a ni si a; chu pha chun mi tin an thilthaw ang peiin thung seng a tih.

LUKA 19:27

Nisienlakhawm, hieng a mi dotuhai an lal dinga mi dit nawhai hi hung ṭhuoi unla, ka hmaah that ro,’ a ti a,” a ta.

LUKA 21:22

Chuong ni chu phuba lâk ni a nih, thu an ziek po po a hung tlung theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:6

Pathien chun mi tin an sinthaw ang peiin rêlpêk a tih,

DÂN PAHNINA 32:41

Ka kâwlhnâm tle ka tâtngei a, Ka kutin rorêlna ka kawl chun, Ka hmêlmahai chungah phuba lâng ka ta; A mi theidatuhai chu thung ka tih.

DÂN PAHNINA 7:10

ama theidatuhai sukbohmang dinga anni chung ngeia thung hlak a nih; ama theidatuhai chu riel sâwt naw ni a; anni chunga ngei thung a tih.

THUPUONGSUO 16:19

Chuongchun, khaw ropui chu hmun thumah a hung inṭhe a, hnam tin khuohai chu a hung chim a; chun, a lunginsen nasatna uoin no chu a kuoma pêk dingin Babulon khaw ropui chu Pathien hmaa hriet zingin a lo um ta a.

THUPUONGSUO 19:15

Chun, a baua inthawkin kâwlhnâm ngeitak a suok a, chu chu hnam tin a sâtna ding a nih; chun, thîr hmawlin an ro rêl a ta; Pathien Iengkimthawthei lunginsen nasatna grêp sâwrna khura chun sir sâwr a tih.