ISAI 59:14 - Pathien Lekhabu Inthieng (BSI)

¹⁴ Chuongchun, rorêlna chun hnungtieng a mîn nghatsan a, felna chun hlatakah a mi ngîrsan tah; thutak chu kawtthlêra chun a tlu zing si a, indikna hlak chu a lût thei naw a.

ISAI 59:14 ပူးပေါင်းရင်းမြစ်များ

1 LALHAI 21:10

mi pahni Belial nauhai a hmaa chun inṭhungtir unla, ‘Pathien le lal i hrilsiet a nih,’ tia a hêktu dingin lo siem ro. Chun, ama chu ṭhuoi suok unla, lo dêng hlum ro,” a ta.

1 LALHAI 21:11

Chun, a umna khuoa mi, a umna khuoa um upahai le mi ṭhahai chun Jezebelin ân phur lekhaa a ziek ang chun an thaw a.

INPÂKNA HLABU 119:150

Ngaituona suol hnawttuhai chun an hung hnai a, Anni chu i dân hlata um an nih.

THUHRILTU 3:16

Chu nawa khawm chun nisa hnuoia hin, rorêlna umnaa chun, rîtlona khawm a um a; felna umna hmuna chun rîtlona khawm a um ka hmu a.

ISAI 1:21

Iengtiziea khawpui ringumtak chu nawchizawra inchang el am a ni le aw! Rorêl felnaa sipnu a ni hlak vei leh! Amaa chun felna a um hlak a, tu ruok hin chu tuolthattuhai an um lem ta hi.

ISAI 46:12

Lungril uong, felna hlata umhai, ka thu hi ngai ro; ka felna chu ka hung lâk hnai a, hlatakah um naw ni, ka sandamna khawmin sâwt riel naw nih;

ISAI 5:23

thamna fâk leia misuol thiem inchangtir hlaka, mi fel felna lâkpêk hlaktuhai chu!

ISAI 5:7

Sipaihai Lalpa grêp huon chu Israel sûngkuo hi a na, Juda mihai hi a kûng ditumtak chu an ni si a; rorêlna fel a beisei a, nisienlakhawm, ngai ta, nêksâwrna a hung um ta lem a; felna a beisei a, nisienlakhawm, ngai ta, khêk ri a hung um ta lem a nih.

ISAI 59:11

Savawmhai angin ei rêngin ei inhûk dur dur hlak a; vaṭhuhai angin nasatakin ei in ṭuk rût rût hlak; rorêlna ei nghâk hlak a, nisienlakhawm, a um dêr si naw a; sandamna ei nghâk hlak a, nisienlakhawm, einia inthawka hlatakah a um hlak.

ISAI 59:4

Tukhawma thubuoi indiktakin an hril naw a, tukhawma indikna leh thubuoi an hril ngai nawh; thu teplo mei mei an ring a, khêl an hril hlak a; thil suksuolna an vawn a, khawhlona an nei hlak.

ISAI 59:9

Chuleiin, rorêlna chu einia in- thawka hlatakah a um hlak a, felna chun a mi hnawt phâk ngai bawk nawh: var ei nghâk hlak a, nisienlakhawm, ngai ta, inthim a hung ni hlak; varna ei nghâk hlak a, nisienlakhawm, inthim mupa bawk ei fe hlak.

JEREMIA 5:31

zâwlneihai chun indik lotakin an lo hrillâwk a, thiempuhai hlak chun anni thu ang angin ro an lo rêl ta a, ka mihai hlak chun, chuong chu nei an lo châk bawk si a: a tâwpa chun ieng am thâw tâng i ta?

JEREMIA 7:28

Chun, an kuoma chun, “Lalpa an Pathien râwl khawm ngai lova, inchûktirna khawm pawm bawk lohai chu hi hnam hi an nih; thudik chu a riral a, an baua inthawk chun sât thlâkin a um a,” tîng i tih.

DANIEL 8:12

Chun, bawsietna leia pumrawhmanga inthâwina inhlân zing zingna le chun mipuihai chu a kuoma pêk a ni ta a. Thudik chu hnuoiah a peithlâk a, a nuom nuom a thaw a, a hlawtling bawk a.

HOSEA 7:1

Israel sukdam ka tum leh Ephraim khawhlona a hung inlang a. Samaria rîtlona leh, hlêm an chîng a nih. Sûng tieng inru a hung lût a, Tuol tienga chun suomhmang ruolin an suom si a,

AMOS 5:11

Chuleiin, mi rimsihai sirdein bu in lâkpêk a, lung intieng inhai in bâwl a, nisienlakhawm, a sûngah chêng naw ti niu; grêp huon inhawihai in siem a, nisienlakhawm, a uoin dâwn naw ti niu.

AMOS 5:7

rorêlna sairam thinga inchangtir a, felna chu hnuoia pei thlahai;

AMOS 6:12

Sakawrhai chu lungpui chungah an tlân ding am a nih? Chutaka chun miin sebâwngin hnuoi an inlet ding am a nih? Nangnîn rorêlna chu thina hloa le, felna chu sairam thingah in inchangtir hi;

HABAKKUK 1:4

Chuleiin, dân chu a dul a, rorêlna chu a zîksuok thei naw a, Mi rilohai chun mi fel chu an inhuol vêl si a; Chuleichun, rorêlna chu a fe suol hlak a nih.