ISAI 59:13 - Pathien Lekhabu Inthieng (BSI)

¹³ kan bawsiet dâm, Lalpa kan inphatsan dâm, kan Pathien zui pei lova kan nghatsan dâm, nêksâwr thu le hel thu kan hril dâm, khêl thu kan vawng a, lungrila inthawka kan hril suok hlak hi.

ISAI 59:13 ပူးပေါင်းရင်းမြစ်များ

JOB LEKHABU (THE BOOK OF JOB) 31:28

Hi khawm hi rîtlona rorêltuin a hrem ding chu a nih: Chunga um Pathien chu ka hlêm a ni ding an si a.

INPÂKNA HLABU 18:21

Lalpa lampuihai chu ka hraw a, Ka Pathien kuoma inthawkin rilotakin ka fe hmang ngai si naw a.

INPÂKNA HLABU 78:36

Nisienlakhawm, ama chu an bauin an inpâk tehlêm a, An leiin a kuomah khêlthu an hril hlak.

THUVARHAI 30:9

Ka hung tlai hin inphat ka ti che a “Lalpa chu tu am a na?” ti hlau rawi ka tih, Annawleh, ka hung pasiet hin inru rawi ka ta, Ka Pathien hming hi hrilsietnain hmang rawi ka tih.

ISAI 10:1

Fel nawtaka thu ruottuhai le indik nawtaka ziektuhai chu an chung a rik ie!

ISAI 30:12

Chu lei chun, Israelhai Mi Inthieng chun hieng ang hin a hril a, “Hi hi thu hi in hmusit lei le nêksâwrna le kâwmawsietna in ring a, a chunga in innghat leiin;

ISAI 31:6

“Aw Israel thlahai, nasataka in helsan tieng chu ngha nâwk ta ro.

ISAI 32:6

Pathien inza nawna thil thaw ding le, Lalpa hêkna dinga thu indik naw hril dingin, phîngṭâmhai phîng sûng sukruok ding leh, dangchârhai dâwn ding sukbohmang dingin, mi suol chun suol thu a hril ding a ni si a, a lungril chun thil suksuol bawk a tih.

ISAI 48:8

Anih, in nain in hriet ngai naw a; anih, in lungrilin in hriet ngai bawk nawh; anih, inhma hrim hrim khan in na chu hawngin a um ngai nawh; vervêktak takin in thaw hlak ti le, sula inthawk hrimin bawsetuhai an ti hlak cheu ka hriet si a.

ISAI 5:7

Sipaihai Lalpa grêp huon chu Israel sûngkuo hi a na, Juda mihai hi a kûng ditumtak chu an ni si a; rorêlna fel a beisei a, nisienlakhawm, ngai ta, nêksâwrna a hung um ta lem a; felna a beisei a, nisienlakhawm, ngai ta, khêk ri a hung um ta lem a nih.

ISAI 57:11

Tu am i ṭi a, în lau a, khêl i hril hlak a, kei i mi hriet ta naw a, i lungrila i ngaituo ta naw hi? Sâwttak ka to zing an nâwm a nih? Ṭi khawm i mi ṭi naw hi.

ISAI 58:13

“Châwlni bawse lo dinga, ka ni inthienga i nuom zâwng thaw lo dinga i kepha chu în nghatkîrtir a, châwlni chu ni lâwmum le Lalpa ni inthieng chu inzaum i ti a, mâni lampui hraw lova, i chawimawi chun,

ISAI 58:2

Anni chun zawng chu ni tin el an mi zawng hlak a, ka lampui thuhai hriet chu an inhâwk hlak; feltaka thaw le an Pathien rorêlna bânsan ngai naw hnam angin, ka kuomah rorêlna feltak an mi hni hlak a. Pathien hung hnai khawm an inhâwk hlak a nih.

ISAI 58:9

Chu pha chun ko i ta, chuongchun, Lalpa chun dawn a tih; hang ko i ta, chuongchun, ama chun, ‘Hitaka hin ka um,’ tîng a tih. Nangni laia inthawka rîngkawl dâm, kutchala mi khîk dâm, suoltaka ṭawnghai hi i sukbo a,

JEREMIA 12:8

Ka rochan khawm chu ka ta ding chun ramhnuoia sakeibaknei ang a lo ni ta a; ka chunga chun a râwl chu a mîn suo khum a; chuleiin, ama chu ka theida a nih.

JEREMIA 17:13

Aw Lalpa, Israel beisei, nangma nghatsantuhai che chu inzak an tih; nangma mâksantuhai chu, Lalpa, tuihring tuikhur chu an nghatsan tâk leiin hnuoia chun ziek nîng an tih.

JEREMIA 2:13

Ka mihai chun thil ṭha naw pahni chu an thaw ta si a; kei tui hringhai tuikhur chu an mi mâksan a, tuisunsuohai an cho a, tuisunsuo ṭehai, tui intling thei lohai chu.

JEREMIA 2:16

Noph le Tahpanhes thlahai el khawm chun i lua lallukhum chu an sukṭiek el a ni ta hi.

JEREMIA 2:17

Lampuia chun a ṭhuoi lai chea, Lalpa i Pathien i nghatsan khan, hi hi nang chun i nei tlat ni lo am a nih?

JEREMIA 3:10

Hieng thil po pohai lei khawm hin a zuorpuinu hlêm hmang Juda chu a lungril po po leh a hung kîr naw ta rawp a, a hung kîr tehlêm ringawt a, Lalpa chun a tih,” tiin.

JEREMIA 3:20

Anachu, nuhmeiin a pasal chu khawhlotaka a ṭhe angin, chuong ang tak chun ka chungah khawhlotakin i lo thaw ta tlat el a; Aw Israel sûngkuo,” Lalpa chun a tih.

JEREMIA 32:40

Anni chu sukṭha dingin, annia inthawka kân her hmang nawna dingin, anni le chun kumkhaw thuthlung siem ka ta; chun, an lungrila chun keia ṭina sieng ka ta, keimaa inthawk chun fe hmang ta naw ni hai.

JEREMIA 42:20

In thlarauhai chunga chun hmusitumtakin in lo thaw ta a; ‘Lalpa kan Pathien kuoma chun mi ṭawngṭaipêk la, Lalpa kan Pathienin a hril ang ang che chu kan kuomah hrilfie la, thâwng kan tih,’ tiin Lalpa in Pathien kuoma chun in mi tir ta si a,

JEREMIA 5:23

Amiruokchu, hi hnam hin lungril hel le, lungril inher an nei a, an hel a, an fe ta a.

EZEKIEL 18:25

Amiruokchu, Lalpa lampui chu ân ang rawp naw a, in la ti a ni thei a; tuhin ngai la, Aw Israel sûngkuo, ka lampui chu ân ang vawng an nâwm a nih? In lampuihai ni lo am a ni ân ang vawng naw chu?

EZEKIEL 6:9

Chun, nangni laia chuonga suokhai chun, hnamhai sala ṭhuoia an umnahaiah chun mi hre zing an ta, an lungril uire châkna keimaa inthawka ṭhea um ta le, an mithai an milimhai châktaka an enna chun an mi suknatzie hai chu; Chuongchun, an tirdakumna po poa an lo thaw tah, thil ṭhanaw hai lei chun an mithmu ngeia chun intirdak an tih.

HOSEA 1:2

Hosea hmanga Lalpa thu hril phutna chu. Lalpa chun Hosea kuomah, “Fe la, nawchizawr thla, nawchizawr mi, nuhmeiah va nei rawh, hi ram hin Lalpa chu a uiret hmangsan tah,” a ti a.

HOSEA 11:12

Ephraim chun khêl thuin a mîn huol vêl a, Israel sûnghai chun hlêmnain; Juda ruok chu Pathien ihriet zingin a um a, Mi Inthieng chunga chun ring a um a nih.

HOSEA 6:7

Nisienlakhawm, Adam angin thuthlung chu an bawsiet a, Chutaka chun vervêktakin ka chungah an thaw a nih:

HOSEA 7:1

Israel sukdam ka tum leh Ephraim khawhlona a hung inlang a. Samaria rîtlona leh, hlêm an chîng a nih. Sûng tieng inru a hung lût a, Tuol tienga chun suomhmang ruolin an suom si a,

HOSEA 7:13

An chung a rik ie; ka kuoma inthawkin an fe hmang ta si a! Bohmangna an chungah a tlung ie, ka chungah an hel ta si a! Kei chun anni sandam ka nuom a, Anni ruok chun khêl an mi hril khum a,

AMOS 6:12

Sakawrhai chu lungpui chungah an tlân ding am a nih? Chutaka chun miin sebâwngin hnuoi an inlet ding am a nih? Nangnîn rorêlna chu thina hloa le, felna chu sairam thingah in inchangtir hi;

MATTHAI 10:33

Nisienlakhawm, tukhawm mihai hmaa a mîn phat taphawt chu, ka Pa vâna mi hmaah inphat vêng ka tih.

TITA 1:16

“Pathien kan hriet,” tiin an ṭhang hlak a; nisienlakhawm, tirdakum dâm, thu awi naw dâm, thil ṭha tinrêng thaw kawnga Pathien dit naw zâwnghai an nih, an thilthawin an inphatsan hlak si a.

HEBRAIHAI 3:12

Unauhai, fimkhur ro, chuong naw chun, Pathien hring chu bânsan dingin nangni laiah tu sûnga khawm awi nawna lungril suol hung um rawi a tih.

JAKOB 1:15

Chun, châkna chun tê a vawn a, suol a nei hlak; chun, suol chu a hung puitlingin thina a hung suksuok hlak.

JAKOB 3:6

Chun, lei hi mei a nih; ei taksa pênghai laia rîtlona hlawm chu lei hi a nih; chu chun taksa chu a pumin a sukthieng naw a, piengpui tawlailîr chu a sukkâng a, ama chu hremhmun sukkâng a nih.

JOSUA 24:27

Chun, Josua chun mipuihai po po kuoma chun, “Ngai ta u, hi lung hi ei thuhretu ni raw se, Lalpain ei kuoma a thuhrilhai po po chu a hriet ta hi; chuleiin, in thuhretu a ni ding a nih, chuong a ni naw chun, Pathien hi inphatsan el rawi in tih,” a ta.