ISAI 59:11 - Pathien Lekhabu Inthieng (BSI)

¹¹ Savawmhai angin ei rêngin ei inhûk dur dur hlak a; vaṭhuhai angin nasatakin ei in ṭuk rût rût hlak; rorêlna ei nghâk hlak a, nisienlakhawm, a um dêr si naw a; sandamna ei nghâk hlak a, nisienlakhawm, einia inthawka hlatakah a um hlak.

ISAI 59:11 ပူးပေါင်းရင်းမြစ်များ

INPÂKNA HLABU 119:150

Ngaituona suol hnawttuhai chun an hung hnai a, Anni chu i dân hlata um an nih.

INPÂKNA HLABU 119:155

Sandamna chu mi rilohaia inthawk chun a hla a nih, I thuruothai chu an zawng naw leiin.

INPÂKNA HLABU 38:8

Ka chau a, ka sil ûr a, Ka lungril inhawi nawna leiin kân rûm rak rak a,

INPÂKNA HLABU 55:2

Mi lo ngai la, mi hung dawn rawh. Ka lunginzîng leiin kân vêl ruoi a, kân rûm hlak;

INPÂKNA HLABU 85:9

A sandamna chu ama ṭituhai hnaia chun a um ngei ngei hlak a nih; Ei rama hin ropuina a um theina dingin.

ISAI 38:14

Pelêu amanih, vakâwl amanih angin kân hrâm kân hrâm a, Vaṭhu angin kân rûm kân rûm a, chungtieng thlîrnain ka mit ân vai zo tah. Aw Lalpa, nêksâwra ka um hi, nang chun a bul mi tumpêk la.

ISAI 51:20

I naupasalhai chu an châu a, sakêl lêna a âwk angin kawtthlêr tâwp tienga chun an zâl phung a, Lalpa lunginsenna le i Pathien kâwkna chun an sip tah a nih.

ISAI 59:14

Chuongchun, rorêlna chun hnungtieng a mîn nghatsan a, felna chun hlatakah a mi ngîrsan tah; thutak chu kawtthlêra chun a tlu zing si a, indikna hlak chu a lût thei naw a.

ISAI 59:8

Lungmuongna lampui an hriet naw a; an fenaahai chun indikna hrim hrim a um nawh; an ta dingin lampui kâwihai an siem a; chutaka fe taphawthai chun lungmuongna an hriet ngai nawh.

ISAI 59:9

Chuleiin, rorêlna chu einia in- thawka hlatakah a um hlak a, felna chun a mi hnawt phâk ngai bawk nawh: var ei nghâk hlak a, nisienlakhawm, ngai ta, inthim a hung ni hlak; varna ei nghâk hlak a, nisienlakhawm, inthim mupa bawk ei fe hlak.

JEREMIA 8:15

Thlamuongna ding ei enkai hlak a, nisienlakhawm, thil ṭha hrim a hung tlung naw a; sukdamna ding huna dâm chun, ngai ta, beidawngna lem!

JEREMIA 9:1

Aw ka chipuihai naunu sukhluma um chu a sûn a zâna ka ṭa theina dingin ka lu hi tuihai ni sienla, ka mithai hi mitthli tuikhurhai hung ni sien chu!

ṬAP HLA 3:17

Nangin ka thla chu thlamuongnaa inthawka hlataka chun i sie hmang a; hlawtlingna khawm ka theinghil rau a.

EZEKIEL 7:16

Nisienlakhawm, chutaka lo suokthleng chu suokthleng an ta, vaṭhu angin tlângahai chun um an ta, an rêng el chun sûn an tih, mi tinin mâni suolna seng chu.

HOSEA 7:14

An lungril takin an mi ko naw a, An khum laizâwlah an chierinthluok mei mei a nih; Bu le uoin dingin an inkhâwm a, ka chunga chun an hel si a.

NAHUM 2:7

Chun, Huzzab chu an hlîp a, an fe hmangpui a, a suoknuhai chun an âwm inchumin vaṭhu inhrâm ang elin an ṭa a.

NAHUM 2:8

Tienlaia inthawk tah Ninevi khuo hi dîl ang a na; amiruokchu, an tlân hmang a, “Ngîr ro, ngir ro,” tiin an ko a, nisienlakhawm, tukhawm an ngha kîr nawh.