ISAI 59:1 - Pathien Lekhabu Inthieng (BSI)

¹ Ngai ta u, Lalpa kut chu sandam theilo dingin suktawiin a um naw a, a na chu hre theilo dingin, a sêt bawk nawh:

ISAI 59:1 ပူးပေါင်းရင်းမြစ်များ

INṬANNA 18:14

Lalpa ta dingin thil hrim hrim intak taluo a um am a nih? Hun ruotah, hun a tlung tiktik chun, i kuomah hung nâwk ka tih, chun Sara chun naupasal nei a tih,” a ta.

INPÂKNA HLABU 94:9

Na inbûktu chun a hriet naw ding am a nih? Mit siemtu chun a hmu naw ding am a nih?

ISAI 50:1

Lalpa chun hieng ang hin a tih, “In nu mâkna lekha, ka mâkna chu, khaw lai am a um a? Annawleh, ka leibatnahai a tu tak kuom âm ka zawr cheu a? Ngai ta u, in khawhlonahai leiin a nih zawra in um chu, in bawsietnahai leiin a nih in nu khawm kha mâka a um chu.

ISAI 50:2

Ieng leiin am ka hung khan mi hrim hrim an um naw a? Ieng dinga ka ko khan a mi dawn an um nâwm a na? Ka kut hi intlan thei lo dingin suktâwiin a um hrim hrim am a nih? Annawleh, sanhim dingin thilthawtheina hrim hrim ka nei nâwm a nih? Ngai ta u, ka kâwknain tuipui ka sukkang hlak a, vadungpuihai chu ram ṭâwlah ka siem hlak, tui hrim hrim a um naw leiin a ngahai chu an thu a, dangchârin an thi hlak.

ISAI 58:9

Chu pha chun ko i ta, chuongchun, Lalpa chun dawn a tih; hang ko i ta, chuongchun, ama chun, ‘Hitaka hin ka um,’ tîng a tih. Nangni laia inthawka rîngkawl dâm, kutchala mi khîk dâm, suoltaka ṭawnghai hi i sukbo a,

ISAI 6:10

Hi chihai lungril hi sukthâu la, an nahai suksêt la, an mithai insîmtir rawh; chuong naw chun an mitin hmûng an ta, an nain hrieng an ta, an lungrilin hre bawk an ta, nghakîr nâwk an ta, sukdamin um rawi an tih,” a ta.

ISAI 63:1

Edom rama inthawka hung, Bozra khuoa inthawka silfên suksen sil saw tu am a na? A puon sila ropuitak, a hrâtna a nasatzie anga hung saw? Keima, feltaka thu hril a, sandam kawnga mi hrâttak kha ka nih.

ISAI 65:24

Chun, hieng hi hung nîng a ta, annin an mi ko hma khawmin dawn ka ta; thu an la hril lai zing khawmin ka nain hrieng ka tih.

JEREMIA 14:9

Ieng dingin am mi maktia um, mi thilthawtheitak sandam thei silo ang chu nîng i ta? Nang chu, Aw Lalpa, keini lai hin i um a, i hming chawia ko kan na; keini mi mâksan naw rawh.

JEREMIA 32:17

‘Aw Lalpa Pathien; i bân phar le i thilthawtheina ropuitak chun vân le hnuoi chu i siem a; nanga ta ding chun iengkhawm intak taluo a um naw a;

EZEKIEL 8:18

Chuleiin, kei khawma lunginsenin thaw vêng ka ta, ka mitin anni chu hla naw ni a, lunginsietna nei bawk naw ning; ka naa chun râwl inringtakin hung khêk hai sien khawm, anni chu lo ngai naw ning,” tiin.

MIKA 2:7

Aw Jakob sûnghai, Lalpa thlarau chu hnâwdein a um am a nih? Hieng hi a thilthaw am a ni ti a ni dîm a nih? Indiktaka umhai chunga chun ka thu hin thil ṭha a thaw naw am a nih?

NAMBAR 11:23

Lalpa chun Mosie kuomah, “Lalpa kut chu a tawi ta am a nih? I chungah ka thu angin a tlung le tlung naw chu hre nghâl i tih,” a ta.

MATTHAI 13:15

Hi chihai lungril hi a lo ngawng ta a, An nahai a lo sêt ta a, An mit an insîm bawk a. Chuong naw chun an mitin hmûng an ta, An nain hrieng an ta, An lungrilin hre bawk an ta, Ngha kîr nâwk an ta, Keiin anni sukdam hlau rawi ka tih,’ a ti kha.

HEBRAIHAI 7:25

Chuongchun, amaa Pathien kuoma hunghai chu a tâwp khâwk chenin a sandam thei bawk a nih; anni ṭawngṭai pêk dingin chatuona a hring zing leiin.

1 SAMUEL 4:3

Chun, mipuihai chu an riekhmuna an fe chun Israel upahai chun, “Ieng leia vawisûn hin Philistin mihai hmaa Lalpain a mi suktlâwm am a nih aw? Ei kuoma um a, ei hmêlmahai kuta inthawka mi sandam dingin Siloa inthawkin Lalpa thuthlungna bâwm kha hang lâng ei tiu,” an ta.

1 SAMUEL 8:18

Chun, chu nia chun in la thlang ding in lal lei chun la khêk suok in ta, nisienlakhawm, chu nia chun Lalpain dawn naw ni cheu,” a ta.