ISAI 58:8 - Pathien Lekhabu Inthieng (BSI)

⁸ “Chu pha chun i var chu zîng nisa suok angin hung suok a ta, i damna ding chu hung inder suok vak a tih; i felna chun i hma ṭhuoi a ta; Lalpa ropuina chu i hnung dâltu nîng a tih.

ISAI 58:8 ပူးပေါင်းရင်းမြစ်များ

JOB LEKHABU (THE BOOK OF JOB) 11:17

Chun, i hringna chu sûnchang lai nêkin hung fie lem a ta, Inthimna um sien khawm, zîngkâr ang ni tâng a tih.

INPÂKNA HLABU 112:4

Mi indik ta ding chun inthima chun var a hung suok a, Ama chu mi lunginsiet theitak, lainatnaa sip, feltak a nih.

INPÂKNA HLABU 37:6

I felzie chu var angin insuoktir a ta, I thiemchangzie khawm chu sûnlai ang elin.

INPÂKNA HLABU 85:13

Felna chun hma ṭhuoi a ta, A kehnunghai chu felna dinga lampuiah siem a tih.

INPÂKNA HLABU 97:11

Mi fel ta ding chun var hi thêpêk a ni hlak, Lungril indiktak puttu ta ding chun lâwmna thêpêk a ni bawk hlak.

FESUOKNA 14:19

Chun, Lalpa vântirko Israelhai bûk hmaa fe chu ân tâwl a, an hnungah a fe ta a: chun, sûm ngîr chu an hmaa inthawkin ân tâwl a, an hnungah a ngîr a:

THUVARHAI 11:17

Mi zainêmtak chun a lungril ta ding ngeiin thil ṭha a thaw a, Mi rilo ruok chun ama tisa ngei a sukbuoi.

THUVARHAI 11:25

Mi tiktlai chu sukthâu nîng a ta, Tui buoktu chu, ama ngei khawm tui buokkhum nîng a tih.

THUVARHAI 4:18

Mi fel lampui ruok chu zîng khawvar ang a na, Sûn chang lai chena var deu deu ang chu.

ISAI 26:2

Hnam fel thutak zâwmtu chu a lût theina dingin kul kawtkhârhai chu hawng ro.

ISAI 30:26

Chu naw khawm chu, Lalpa chun a mihai silna chu a tuom a, an sâtna pawphai chu a sukdam ni chun, thla var chu nisa var tlukin um tâng a ta, nisa var chu a lêt sariin, ni sari sûng var tlukin, um tâng a tih.

ISAI 33:24

Chu khuoa um chun, “Ka damnaw ie,” ti naw ni a, a sûnga mi umhai chu suol ngaidamin um an tih.

ISAI 52:12

Inhmâwtakin in fe suok âwm si naw a, tlânsiein fe bawk naw ti niu; Lalpa chun in hma a ṭhuoi ding a ni si a; Israelhai Pathien chu in hnung dâltu nîng a tih.

ISAI 57:18

A um dânhai chu ka hmu a, ama chu sukdam ka tih; ṭhuoi bawk ka ta, ama le a sûnpuituhai kuomah lungmuongnahai pe nâwk ka tih.

ISAI 60:1

Tho la, var rawh, i var chu a hung tlung a; Lalpa ropuina chu i chungah a hung suok ta hi.

ISAI 60:2

Ngai ta, inthimin leihnuoi hi ân khum ding a ni si a, inthim sâmupin mihai ân khum bawk ding a nih: nisienlakhawm, Lalpa chu i chungah hung suok a ta, a ropuina chu i chungah lân lang a tih.

ISAI 62:1

A felna chu varna anga ân suo a, ama sandamna chu khâwnvar chawk anga ân suo hmakhat chun, Zion leiin to zing naw ninga a, Jerusalem leiin um ṭawk ṭawk naw ningah.

JEREMIA 30:17

Hrisêlna pe nâwk ka ti che a, i hliemnahai chu sukdampêk ka ti che, Lalpa chun a ti si a; ‘Zion hi a nih, tukhawma an pawisak naw chu,’ tiin, nang chu hnam ṭawphnawk an inbûk che leiin.

JEREMIA 33:6

Ngai ta u, hrisêlna le sukdamna intlungtir ka ta, anni chu sukdam ka tih; chun, an kuoma chun thudik le thlamuongna tamtak chu suklang bawk ka tih.

HOSEA 14:4

An hnungtawlna hi sukdam ka ta, Annia inthawka ka lunginsenna chu ân kieng ta leiin, Anni chu ka hmangai hrim hrim ding a nih.

MALAKI 4:2

Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.

MATTHAI 13:15

Hi chihai lungril hi a lo ngawng ta a, An nahai a lo sêt ta a, An mit an insîm bawk a. Chuong naw chun an mitin hmûng an ta, An nain hrieng an ta, An lungrilin hre bawk an ta, Ngha kîr nâwk an ta, Keiin anni sukdam hlau rawi ka tih,’ a ti kha.

THILTHAWHAI 10:31

‘Korneli, i ṭawngṭaina kha hrietin a um tah, mi kuoma i thilpêkhai khawm kha Pathienin a hriet zing ie.

THILTHAWHAI 10:35

nisienlakhawm, hnam tin lai tûkhawm ama ṭia, feltaka thaw taphawt chu, a lâwm zâwng mi a ni hlak.

THILTHAWHAI 10:4

Chun, Korneli chun ama chu a lo en zing a, a ṭi a, “Lalpa, ieng am a na?” a ta. Chun, ama chun a kuomah, “I ṭawngṭainahai le i thil pêk thuhai kha hriet zing dingin Pathien hmaah a hang tlung tah.