ISAI 58:3 - Pathien Lekhabu Inthieng (BSI)

³ ‘Ieng leiin am bu kan nghei a i hriet si naw a, ieng leiin am kan insukrimsi a i hriet si naw maw?’ an ti hlak a. Ngai ta u, in bu nghei ni chun nangni nunkhuo in phâm a, in sinthawtuhai po po in nêksâwr hlak.

ISAI 58:3 ပူးပေါင်းရင်းမြစ်များ

EZRA 8:21

Chun, kan thuomhnawhai po po le kan nau-le-têhai le keini ta dinga lampui tluong mi zawngpêk dinga, kan Pathien hmaa chun kan insukhnuoi theina dingin, Ahava vadunga chun bunghei ka rawt ta a.

NEHEMIA 5:7

Chuongchun, ka lungrilin ka ngaituo a, mi ṭhahai le rorêltuhai chu ka khak a, an kuomah, “Mi tinin in unauhai a pung hnawtin sum in inpûktir zing el a,” ka ti a. Chun, an chungchâng chu ngaituo dingin mi ka ko khâwm ṭeu el a.

JOB LEKHABU (THE BOOK OF JOB) 34:9

Ama chun, ‘Mihriem ta dingin ieng khawm a ṭhahnem nawh,’ ti siin, Pathiena chun ama chu a lâwm chu.

INPÂKNA HLABU 69:10

Ka ṭap a, bu nghei puma ka hringna ka thunun leh, Chu chu an mi hrilsietna a hung ni pei a.

THUVARHAI 28:9

Dân chu ngai dinga a na sit nawtu chu, A ṭawngṭâina khawm chu tirdakum a nih.

ISAI 22:12

Chu nia chun Lalpa, sipaihai Lalpa chun, ṭap ding le, âwm inchum ding le, lu sukkawl ding le, saiip puon dierkei dingin a ko a;

ISAI 22:13

nisienlakhawm, ngai ta, hlimna le lâwmna dâm, bâwng thatna le berâm thatna dâm, sa fâkna le uoin dâwnna dâm a um ta lem a. “Fain dâwn ei tiu khai, zinga chun ei thi el ding a ni si a,” an ti a.

ISAI 47:6

Ka mihai chungah ka lunginsen a, ka rochan chu ka sukpawrche a, i kutah pêng ka ti che a, nang chun an chungah lunginsietna hrim hrim în langtir naw a, tarhai chung chena khawm i rîngkawl riktak chu în nghat a.

LEVI DÂN 16:29

“Chun, hi hi in kumkhaw dân ding nîng a tih; thla sarina, chu thla ni sâwm ni chun insukrinum in ta, sin hrim hrim in thaw ding a ni nawh, a ram mi khawmin, nangni laia um ram dang mi khawmin.

LEVI DÂN 16:31

In ta dingin châwl ṭawk ṭawkna ni a na, in insukrinum ding a nih; hi hi in kumkhaw dân ding a nih.

LEVI DÂN 23:27

“Thla sarina ni sâwm ni ruok hi chu intlanna ni a na; in ta dingin inkhâwmpui inthieng nîng a ta, insukrinum in ta: Lalpa kuoma mei hmanga thilinhlân in inhlân ding a nih.

MALAKI 3:14

Nangni chun, ‘Pathien rawngbâwl hi a thlâwn el a nih: a thupêk ei pawm a, sipaihai Lalpa hmaa lungsetaka ei fe hi ieng am a ṭhathnemna a um a?

NAMBAR 23:4

Pathien chun Balaam chu a lo intuokpui a; Balaam chun a kuomah, “Maichâm pasari chu ka siem ta a; maichâm tina chun bâwngchal pakhat le berâmchal pakhat kân hlân seng a,” a ta.

LUKA 15:29

Nisienlakhawm, ama chun a pa kuomah, ‘Ngai rawh, kum hieng chen hi i rawng ka bâwlpêk che a, i thu hlak hi ka awi naw ngai si naw a, ka ruolhai le hlimna ka siemna dingin kêltê khawm i mi pêk ngai si nawh.