ISAI 58:2 - Pathien Lekhabu Inthieng (BSI)

² Anni chun zawng chu ni tin el an mi zawng hlak a, ka lampui thuhai hriet chu an inhâwk hlak; feltaka thaw le an Pathien rorêlna bânsan ngai naw hnam angin, ka kuomah rorêlna feltak an mi hni hlak a. Pathien hung hnai khawm an inhâwk hlak a nih.

ISAI 58:2 ပူးပေါင်းရင်းမြစ်များ

INPÂKNA HLABU 119:15

I thununna thuhai chu ngaituong ka ta, I lampuihai chu ngaisak bawk ka tih.

INPÂKNA HLABU 119:151

Aw Lalpa, nang chu i hnai a, I thupêk po po chu thutak a nih.

INPÂKNA HLABU 119:87

Anni chun hnuoia hin an mi sukbohmang vâng vâng a, Nisienlakhawm, i thununna thuhai chu ka nghatsan si naw a.

THUVARHAI 15:8

Mi khawhlo inthawina chu Lalpa ta dingin tirdakum a na, Mi tluong ṭawngṭâina ruok chu a lâwm zâwng a nih.

ISAI 1:28

Nisienlakhawm, bawsetuhai le mi suolhai suksietna chu um inruol a ta, Lalpa mâksantuhai khawm sukbohmangin um an tih.

ISAI 1:4

A! hnam suol, khawhlona riktak phur mihai, chithla thil ṭha naw thawtuhai, nau rilotaka khawsa hlakhai an nih. Lalpa chu an mâksan a, Israelhai Mi Inthieng chu an hmusit a, insuktumin an hnungtawl tah.

ISAI 29:13

Chun, Lalpa chun, “Hieng mihai hin an mi hung hnai a, an bau le an hmûr hin an mi chawimawi hlak deha chu, an lungril chu keia hlatah an sawn hlak a, an mi ṭina chu mihriemhai thupêk miin an inchûktir el chu a nih;

ISAI 42:20

Thil tamtak i hmu a, nisienlakhawm, i lungrilah i vawng zing ngai naw a, nahai chu ân âwng a, anachu a hriet ngai nawh.

ISAI 57:12

I felna thu hi hril ka ta, i thilthawhai chu i ta dingin ienga ṭhahnem ni naw nih.

ISAI 57:3

Nisienlakhawm, nangni dawithiemnu naupasal, uire le nawchizawr thlahai, hitaka hin hung hnai ro.

ISAI 59:13

kan bawsiet dâm, Lalpa kan inphatsan dâm, kan Pathien zui pei lova kan nghatsan dâm, nêksâwr thu le hel thu kan hril dâm, khêl thu kan vawng a, lungrila inthawka kan hril suok hlak hi.

JEREMIA 42:2

zâwlnei Jeremia kuoma chun hieng hin an hril a, “Kan ngên che hi, kan hninahai hi i hmaa chun pawm ni raw se; hieng tuta la mahlahai po po ta ding hin, Lalpa i Pathien kuoma chun kan ta dingin ṭawngṭai rawh; i mitin a hmu chie ang hin, tamtak kha tlâwmte chau hi hlain kan um a nih;

JEREMIA 42:20

In thlarauhai chunga chun hmusitumtakin in lo thaw ta a; ‘Lalpa kan Pathien kuoma chun mi ṭawngṭaipêk la, Lalpa kan Pathienin a hril ang ang che chu kan kuomah hrilfie la, thâwng kan tih,’ tiin Lalpa in Pathien kuoma chun in mi tir ta si a,

JEREMIA 7:10

‘Sansuokin ei um tah’ tiin, hieng thil pawrchehai po po hi thaw dingin hi in ka hming chawisana hin hungin ka hmaa chun in hung ngîr ding am a nih?

JEREMIA 7:9

Inruin, tuolthatin, uirein, khêla inkhâmin, Baal hmaa chun riminhnik rawin pathien in hriet nawhai chu zuiin,

EZEKIEL 20:3

“Mihriem naupa, Israel upahai kuoma khan thu hril la, an kuoma chun, ‘Lalpa Pathien chun hieng hin a ti a nih; ka kuomah thu indawn dinga hung in ni maw? Kei ka hring zing angin nangni thu indawn hin um naw ning,’ Lalpa Pathien chun a tih,

AMOS 5:18

Lalpa ni dittuhai, in chung a rik ie! Iengdinga Lalpa ni chu in dit am a na? Var ni lovin inthim a ni lem.

MARKA 12:14

Chun, anni chu an hung tlung chun a kuomah, “Inchûktirtu, mi indiktak i na, tukhawm pawisak chuong i nei nawh ti kan hriet a, tukhawm thlier bîk nei lovin, theipatâwpin Pathien thu în chûktir hlak a. Kaisar kuoma sie chawi hi a thieng am a ni a thieng naw? kan pêk ding am a ni, kan pêk naw ding?” an ta.

MARKA 6:20

Herodin Johan chu mi fel le mi inthiengtak a nih ti a hriet leiin ama chu a ṭi a, a hum tlat si a, a thu a ngai chun a lunginzîng hle hlak a: nisienlakhawm, lâwm takin a ngai hlak a.

JOHAN 5:35

Chu Johan chu khâwnvar chawktak le var tak a nih, a varah lân sukhlim in nuom kha.

TITA 1:16

“Pathien kan hriet,” tiin an ṭhang hlak a; nisienlakhawm, tirdakum dâm, thu awi naw dâm, thil ṭha tinrêng thaw kawnga Pathien dit naw zâwnghai an nih, an thilthawin an inphatsan hlak si a.

JAKOB 4:8

Pathien hnai ro, chuongchun, amain hnai a ti cheu. Mi suolhai, in kuthai sâwpfai ro, lungril bulbâl nei nawhai, in lungrilhai sukthieng ro.