ISAI 58:11 - Pathien Lekhabu Inthieng (BSI)

¹¹ Chun, Lalpa chun ṭhuoi rawp a ti che a, hmun ṭâwla khawm sukkhawp a ti che a, i ruhai khawm sukhrât bawk a tih; chun, huon tuia châwm ang le, tuihnâr kang ngai lo ang ni tâng i tih.

ISAI 58:11 ပူးပေါင်းရင်းမြစ်များ

JOB LEKHABU (THE BOOK OF JOB) 5:20

Ṭâm lai chun thinaa inthawkin sansuok a ti che a; Indo lai chun kâwlhnâm thilthawtheinaa inthawkin sansuok a ti che.

INPÂKNA HLABU 1:3

Ama chu tuiluong kâwla thing phun, A huntaka ra insuo hlak, A hna khawm vuoi ngailo ang hi a nih: A thilthaw taphawt chu hlawtling pei a tih.

INPÂKNA HLABU 107:9

Ama chun hringna thil châk êm êm chu a sukkhawpin, Hringna phîngṭâm chu ṭhatnain a sukkhawp si a.

INPÂKNA HLABU 25:9

Thuhnuoirawlhai chu rorêlna felah ṭhuoi a ta, Thuhnuoirawlhai chu ama lampui chanchin inchûktir bawk a tih.

INPÂKNA HLABU 32:8

I fena ding lampui chu inchûktirin, kâwkhmûng ka ti che a, Ka mita en zing pum chein rem ruotpêk ka ti che.

INPÂKNA HLABU 33:19

An hringna thinaa inthawka sanhim ding le, Ṭâm tlâk phaa anni tungnung dingin.

INPÂKNA HLABU 37:19

Hun ṭha nawah muolpho naw ni hai a, Ṭâm kumahai khawm khawp an tih.

INPÂKNA HLABU 48:14

Hi Pathien hi kumkhawtluonga ei Pathien a ni ding a ni si a, Thi chen khawma a mi ṭhuoitu ning a tih.

INPÂKNA HLABU 73:24

Nangin i remruotnain mi ṭhuoi i ta, Chu hnunga chun ropuinaa khin mi lâwm i tih.

INPÂKNA HLABU 84:7

Hrâtnaa inthawkin, hrât nâwk zuolnaah an fe hlak a, Ziona Pathien hmaa chun an inlang seng hlak.

INPÂKNA HLABU 92:14

Tar hnung khawma la ra rawp an ta, Tuihnâng pâi ṭeuin hring hlut hlut an tih.

THUVARHAI 11:25

Mi tiktlai chu sukthâu nîng a ta, Tui buoktu chu, ama ngei khawm tui buokkhum nîng a tih.

THUVARHAI 13:4

Mi thabo lungril chun a châk hlaka chu, iengkhawm a nei nawh, Mi taima lungril ruok chu sukthâu nîng a tih.

THUVARHAI 28:25

Lungrila huomhap mi chun inkhingna a chawktho a; Lalpa chunga a ringna innghattu ruok chu sukthâu nîng a tih.

THUVARHAI 3:8

I laibua dingin hrisêlna nîng a ta, I ruhai ta dingin thlin.

HLAHAI HLA 4:15

Nang chu huona tuikhur, tuisunsuo hnâr nei le, Lebanona vadungtê luonghai i nih.

ISAI 27:3

Kei Lalpa hi a vêngtu ka nih; mitkhapkâr tinin tui buok ka ta, tukhawma an tâwk nawna dingin a sûn a zânin vêng ka tih.

ISAI 33:16

ama chu chungtieng chun um a ta, a kulbîng insânghai chu lungpui kulbînghai chu nîng a tih: bu chu a kuoma pêk nîng a ta, a tuihai chu um ngei ngei a tih.

ISAI 41:17

Mi rimsi le pasiehai chun tui an zawng hlak a, a um si naw a, an lei dangchârin a ṭâwl vawng hlak; kei Lalpa hin anni chu dawn ka ta, kei Israelhai Pathien hin anni chu mâksan naw ning.

ISAI 44:4

chuongchun, anni chu tuiluongna kâwla phahrâm mâwng ang hin, hlohna lai chun mâwng an ta.

ISAI 49:10

An phîngṭâmin dangchâr naw ni hai a; lumin sukrinumin nisain em bawk naw ni; anni lunginsiettu chun a ṭhuoi ding a ni si a; tuihnâr kâwlahai ngei chun a ṭhuoi ding a nih.

ISAI 57:18

A um dânhai chu ka hmu a, ama chu sukdam ka tih; ṭhuoi bawk ka ta, ama le a sûnpuituhai kuomah lungmuongnahai pe nâwk ka tih.

ISAI 61:11

Leihnuoi hin a thil indâwn chu ân suoktir hlak ang le, huon hin a sûnga thil chînghai chu ân mâwngtir ang hin, Lalpa Pathien chun felna le inpâkna hnam tinrêng hmaa chun ân dertir ding a ni si a.

ISAI 66:14

Chun, chu chu hmûng in ta, in lungril chu hlim a ta, in ruhai khawm hlohna hring dup angin inno hlut hlut a tih; chuongchun, Lalpa kut chu a siehlawhai tieng a um ti hrieng an ta, a hmêlmahai chunga chun lungni naw ni.

JEREMIA 17:8

Tuihai sîra thing phun, a zunghai khawm vadunga kai ang, lumna a hung tlung pha khawma ṭi lo, a hnahai hring zing lem, khaw inṭhâl kuma hai khawm pawisa lo, ra insuo zing hlak ang a nih.

JEREMIA 31:12

Chun, hung an ta, Zion tlâng insângna laiahai chun hla hung sak an ta; Lalpa ṭhatnaa chun bua leh, uoina leh, hrieka leh, berâm le bâwng ruol têhaiah lâwm an tih; an thla chu tuihnâwngtak huon ang nîng a ta, lungngai nâwk ta hrim hrim naw ni hai.

EZEKIEL 36:35

Anni chun, ‘Ram râusana lo um ta hi, Eden huon ang a hung ni nâwk a; khawpui se tah, suksieta um taa râusana um tahai khawm chu hluo an ni tah,’ tîng an tih.

HOSEA 13:5

Ram ṭâwl nasatak, thlalêra inruolpui hlak che kha ka nih.

JOHAN 16:13

Nisienlakhawm, ama Thlarau indiktak chu a hung tlung pha chun, thutak po poa chun ṭhuoi lût a ti cheu a, ama phuok fâwmin thu a hril âwm si naw a, thu a idawng taphawt chu hril lem a tih; thil hung tlung dinghai khawm inhriettir a ti cheu.

JOHAN 4:14

tûkhawm an kuoma ka pêk ding tui dâwn taphawt ruok chu, kumkhuoin dangchâr naw ni hai, keiin an kuoma tui ka pêk ding chu, an sûngah tuihnâr hung um a ta, chatuona hringna chenin inchik dawk a tih,” a ta.

JOHAN 7:38

Tûkhawm a mi ring chu Pathien Lekha hril angin, tui hring vadunghai a phînga inthawkin hung luong suok a tih,” a ta.

DÂN PAHNINA 15:4

Mi rimsi hrim hrim um dêr naw ti niu, (Lalpa in Pathienin hluo dinga a pêk cheu rama chun Lalpain mal a sâwm ngei ngei ding cheu a nih,)

1 THESSALONIKA 3:11

Chuongchun, ei Pathien le ei Pa ngei chun, ei Lalpa Isu khawmin nangni kuom tiengah mi ṭhuoi raw se.