ISAI 57:5 - Pathien Lekhabu Inthieng (BSI)

⁵ Nangni thingsaisuo laia, thing buk hnuoi tina insukthafâna, ruom sûnghaia lung kak bula dâm naupang thattuhai.

ISAI 57:5 ပူးပေါင်းရင်းမြစ်များ

1 LALHAI 14:23

Tlâng insâng tina le thing hring tin hmuna hin lungphunhai phunin bâwlhmunhai le Aserahai chenin an siem bawk si a,

2 LALHAI 17:10

Tlâng insâng tina le thing hring tin hnuoia hin lungphunhai phunin Asera dâm an siem a,

2 LALHAI 17:7

Chuong anga an umna san chu Israel mipuihai chun Aigupta lal Pharao kuta inthawkin, Aigupta rama inthawka ṭhuoi suoktu Lalpa an Pathien chungah thil an suksuol a, pathien danghai an pawisa lem a,

2 LALHAI 23:10

Chun, tukhawma an naunu amanih, an naupa amanih Molek puola meia an inlûttir ta nawna dingin Hinnom thlahai ruoma Topheth chu a sukbo ta bawk a.

2 CHANCHIN SUINA 28:3

Chunawa khawm chun Hinnom naupa ruoma chun riminhnik a raw a ; Israel mipuihai hmaa Lalpain a hnawtsuok khawhri be mihai tirdakumna ang tak chun a nauhai chu meiah ân lûttir bawk a.

FESUOKNA 32:6

A zînga chun inhmatakin an tho a, pumrawhmang thilinhlânhai chu an inhlân a, inremna thilinhlânhai chu an hung lâk ta a: chuongchun, mipui chu fa ding le dâwn dingin an ṭhung a, inhnel dingin an tho ta a.

ISAI 1:29

In thingsaisuo dittakhai chu inzâpui tâng an ta, in huon thlanghai lei chun inzaktakin in um ta ding a nih.

JEREMIA 17:2

an thlahai chun muol insânghai chunga thing hringhai kâwla an Asera le an maichâmhai chu an hriet zing sûng phawt chun.

JEREMIA 2:20

Inhmâta inthawk khan i rîngkawl chu i sukthliek a, i khuopnahai chu i suktan a, chun, nang chun, ‘Bawse ta naw ningah,’ i ta; muol insâng tinahai le thing hring hnuoi tinahai chun, nawchizawr anga khawsain nang chu i kûn ta si a.

JEREMIA 3:13

I suolna chu hre phawt phawt la, Lalpa i Pathien chunga chun i lo bawsiet ta a, thing hring tin hnuoia chun hmêlmakhai kuomah i lo inphal ta a, ka thu khawm chu i zâwm bawk naw a, Lalpa chun a tih.

JEREMIA 3:6

Chu nawa khawm chun lal Josia hun lai chun ka kuomah Lalpa chun hieng ang hin a hril a, “Israel hnungtawlin a lo thaw ta hi i hmu am? Tlâng insâng tinahai hang fein le, thing hring tin hnuoia chun; chuongahai chun nawchizawr angin a lo khawsa ta a.

JEREMIA 32:35

Hinnom phairuoma um Baal bâwlhmunhai chu Molek kuoma an naupasalhai le an naunuhmeihai meia infethlengtirna dingin an bâwl a, Juda chu suol inthawtir dingin, hi tirdakumna dâm hi thâwng an tih ti ka lungrila khawm a lût ngainawh.

JEREMIA 50:38

A tuihai chunga chun kangna a um a, kangchat an tih; milem kerfâwm ram a na, milimah an invêt ri ngawt el a ni si a.

JEREMIA 51:7

Babulon chu Lalpa kuta chun rângkachak no hnuoi po po sukruitu chu a lo ni tah; hnamhai chun a uoin chu an dâwn ta a; chuleiin, hnamhai chu an invêt a nih.

JEREMIA 7:31

Hinnom naupa ruoma chun Topheth bâwlhmunhai chu an naupasalhai le an naunuhmeihai meia an rawna dingin an bâwl ta a; chuong chu thu ka pêk ngai naw a, ka lungrila khawm lût khawm a hung lût ngai nawh.

EZEKIEL 16:20

Chu nawa khawm chun, naunuhmeihai le naupasalhai i mi neipêkhai chu i lâk a, an kuomahai chun fâkzoa um dingin inthâwinain i hmang a.

EZEKIEL 20:26

chun, anni thilpêkhaia ngei, sul hung hawngtu taphawt meia an infethlengtirnaa chun, anni chu râusana ka siem theina ding le, a tâwpa chun Lalpa ka nih ti an mi hriet theina dingin anni chu ka sukpawrche a.

EZEKIEL 20:28

Ka bân phara anni pe dinga ka ti, chu rama anni ka hung ṭhuoi lai chun tlâng insângtak le rampui inthim mup an hmu a, chutaka chun an inthâwina chu an inhlân ta a, chutaka chun an thilinhlân chimum chu an pêk a, chutaka chun an riminhnik khawm chu an bun bawk a.

EZEKIEL 20:31

In thilpêkhai in inhlân lai le, in naupasalhai chu meia in infethlengtir lai khan, in milimhaia khan vawisûn ni chen hin in insukpawrche a ni nâwm a nih? Aw Israel sûngkuo, nangni mi râwn hin ka um rawp ding maw? Ka hring zing angin, Lalpa Pathien chun a tih, nangni irâwn hin chu um ta naw ningah.

EZEKIEL 6:13

Chun, an mi thathai chu an maichâm vêla an milimhai laia a um a, muol insâng tina dâm, tlâng sâng sîp tinahai dâm, thing hring tin hnuoiahai dâm, thingsaisuo lien hnuoi tinahai dâm, an milimhai kuoma riminhnik an inhlânnahai po poa chun an um pha chun Lalpa ka ni ti mi hre tâng an tih.

LEVI DÂN 18:21

Molek puola meia pei lût dingin i rîla ra hrim hrim chu i pêk ding a ni naw a, i Pathien hming chu i suksiet ding a ni bawk nawh: Kei hi Lalpa chu ka nih.

NAMBAR 25:6

Chun, ngai ta, Israel laia mi pakhatin intuokna puon in kawtkhâra a ṭap lai takin Mosie mithmua le Israel mi pungkhâwmhai mithmuah Midian nuhmei pakhat a unauhai kuomah a hung ṭhuoi a.

DÂN PAHNINA 12:2

In va hluo ding ram hnamhaiin tlâng lienhai, tlâng chînhai, thing hring tin hnuoi dâma an pathienhai rawng an bâwlna hmun po pohai chu in suksiet vawng ding a nih.

THUPUONGSUO 18:3

A mi dit chîng leia a lunginsenna uoin chu hnam po poin an dâwn ta si a; hnuoia lalhai chun ama chu an dit hlak a, hnuoia sumdâwngtuhai chun ân hawitir taluotna chu an hausak pha hlak,” tiin a khêk a.