ISAI 57:17 - Pathien Lekhabu Inthieng (BSI)

¹⁷ A duâm khawhlona leiin ka lunginsen a, ka vuok a, ka hmai ka hip a, ka lung a sen a nih; ama hlak chu a lungril um dân pângngaihaiah kâwmâwtakin a um pei a.

ISAI 57:17 ပူးပေါင်းရင်းမြစ်များ

THUHRILTU 6:9

Nuom zâwng ram tin nei nêk chun mithaia hmu chu a ṭha lem a; hi khawm hi teplo el, lungril rimsikna el a nih.

ISAI 1:4

A! hnam suol, khawhlona riktak phur mihai, chithla thil ṭha naw thawtuhai, nau rilotaka khawsa hlakhai an nih. Lalpa chu an mâksan a, Israelhai Mi Inthieng chu an hmusit a, insuktumin an hnungtawl tah.

ISAI 2:7

An ram chu tangka le rângkachakin a sip a, an sumhai chu tiem sêng ruol a ni bawk nawh; an ram chu sakawrin a sip a, an tawlailîrhai chu tiem sêng ruol an ni bawk nawh.

ISAI 42:24

Tuin am Jakobhai râllâka la dinga pe a, Israelhai inruhai kuoma pe chu? Lalpa a chunga thil ei suksuolna chun a pêk a ni naw am a nih? a lampuiahai an fe nuom si naw a, an dân thu hlak an awi si nawh.

ISAI 45:15

Aw Israelhai Pathien, Sandamtu, Pathien inthup hlak chu i ni ngei el.

ISAI 56:11

Anih, uihai chu duâmtak an na, huntâwk ti hrim an nei ngai nawh; chuong chu berâm vêngtu thil hre theilohai an na, mâni lampui pei, mâni hlâwkna tieng seng, an ngha vawng tâwl, an rêng elin.

ISAI 64:9

Aw Lalpa, lunginsen talaw naw la, khawhlonahai khawm kumkhawtluong chun hre zing naw rawh; ngai ta, lunginsiettakin mi en la, kan rêng hin i mihai kan ni hi.

ISAI 66:3

Bâwngchal thattu chu mihriem thattu ang a na; berâmtea inthâwitu chu ui rîng suktliektu ang a nih; thilpêk inhlântu chu vawk thisen inhlântu ang a nih; beraw rawtu chu milim malsâwmtu ang a nih, anih, anni lampui chu an thlang ta a, an thil tirdakumahai chun an lungril a lâwm hlak.

ISAI 8:17

Kei chun Jakob sûnghai laia a hmai thuptu Lalpa chu nghâk ka ta, ama chu thlîr zing ka tih.

ISAI 9:13

Nisienlakhawm, mihai chun anni vawtu tieng chu an ngha chuong si naw a, sipaihai Lalpa chu an zawng chuong bawk nawh.

JEREMIA 2:30

A thlâwn elin in thlahai chu ka lo vuok ta a; ṭhat phanain an hmang si nawh; sakeibaknei hnukinrâwl ang elin nangni kâwlhnâm ngei chun in zâwlneihai a fâk zo a ni hi.

JEREMIA 22:17

Amiruokchu, nanga mithai le i lungril chu inhnarna le, mi thiem thisen insuona ding le, nêksâwrna ding le, thawluina ding le, chu chu thawnaa ding chau naw chu thil dang ding a ni naw a.

JEREMIA 3:14

Hung kîr ro, hnungtawl thlahai, Lalpa chun a tih; in pasal ka ni si a, chun, khawpuia pakhat le, pahnama pahni lâng ka ti cheu a, Ziona chun hung ṭhuoi ka ti cheu;

JEREMIA 3:22

“Hnungtawl thlahai, hung kîr ro; in hnungtawlnahai chu lo sukdampêk ka ti cheu.” “Ngai ta, i kuoma chun kan hung ie, nang chu Lalpa kan Pathien chu i ni si a;

JEREMIA 5:3

Aw Lalpa, i mit chun thudik chu a hmu a ni naw am a nih? Anni chu i vuok a, amiruokchu, an lungngai naw a; anni chu i fâk zo a, anachu, sukdikna chu an dangkîr si a, an hmêlhai chu lungpui nêka ngarin an siem a, hungkîr chu an nuom naw a nih.

JEREMIA 51:13

Aw nang tui tamtakhai chunga chêng, hausaknaa bit, i tâwpna a hung tlung mêk a, i hringna hrui ân tan tah.

JEREMIA 6:13

Anni laia a chîn taka inthawka anni laia a lien tak chenin, inîtthîk tuonain an sip a; zâwlneihaia inthawka thiempuhai chen khawmin, mi tin el chun indik lotakin an thaw a.

JEREMIA 8:10

Chuleiin, an nuhmeihai chu mi danghai kuomah pêng ka ta, an lohai chu a neitu dinghai kuomah pêng ka tih; mi tin el chu a chîn taka inthawka a lien tak chenin, inîtthîknain an sip si a; zâwlneia inthawk thiempu chenin indik lotakin an thaw bawk a.

JEREMIA 8:6

Ka ngai a, ka lo hriet a, anachu, thudik an hril nâwk a, mi tukhawm, “Ieng am ka lo thaw ta leh,” tiin a khawhlonaa inthawk chun ân sîr naw a, mi tin chun mâni lampui seng an hraw a, indonaa sakawr tlân bingbilet ang chun.

EZEKIEL 33:31

Mipuihai chu an hung angin i kuoma chun anni chu an hung a, ka mihai angin i hmaa chun an ṭhung a, i thuhai chu an ngai a, amiruokchu, thaw si lovin; an bau chun nasatakin hmangaina an inlangtir a, amiruokchu, an lungrilhai chun an hlâwkna chu a hnawt si a.

LUKA 12:15

Chun, an kuomah, “Fimkhur unla, inhnarna hrim hrima inthawk chun invêng ro, sum hau hi mihriem dam san a ni nawh,” a ta.

KOLOSSA 3:5

Chuongchun, nangnia um hnuoi tieng thilhai chu sukhlum ro, inditna dâm, inthieng nawna dâm, hurna dâm, châkna suol dâm, duâmna dâm hi, duâmna chu milim biekna a ni si a.

1 TIMOTHE 6:9

Amiruokchu, hausak tumtuhai chu thlêmnaa dâm, chânga dâm, invêtthlâk le sukkhawhlo thei inhâwkna tamtaka dâm an tlu lût a, chuong inhâwknahai chun sietna le bohmangnaah mi a suktlum hlak.

2 PETER 2:14

mit uirea sip, suol bân thei nawhai an nei a; mi det nawhai an thlêm thlûk a; inhnar hmang lungril an put a; ṭawngsephur nauhai an nih.

2 PETER 2:3

Chun, sum inhnar leiin thu khêlin sumdâwngna dingin hmang an ti cheu a; nisienlakhawm, inhmaa an thiemnaw changna chu a nêp chuong naw a, an bohmangna hlak a ininnghil bawk nawh.