ISAI 57:16 - Pathien Lekhabu Inthieng (BSI)

¹⁶ Kumkhuoin ka do âwm si naw a, lunginsen rawp bawk naw ning ah; chuong naw chun, mi lungril ka hmaah châu a ta, hringna ka siemhai khawm chu châu bawk an tih.

ISAI 57:16 ပူးပေါင်းရင်းမြစ်များ

INṬANNA 6:3

Chun, Lalpa chun, “Ka thlarau chu thi thei mihriema chun chêng kumkhuo naw nih; anni chu tisa el an ni si a, chuongchun, an dam sûng kum khawm kum za le sawmhni ni raw se,” a ta.

2 SAMUEL 24:16

Chun, vântirkoin sukse dinga Jerusalem tienga a kut a hang inlet chun Lalpain thil ṭha naw thaw a tum chu ân lêt a, mihai sukbohmangtu vântirko kuoma chun, “A hun ta ie, i kut inlet ta naw rawh,” a ta. Chun, Lalpa vântirko chu Jebus mi Arauna hrizâwl bula chun a um a.

JOB LEKHABU (THE BOOK OF JOB) 12:10

Ama kuta chun thilhring po po hringna chu a um a, Mi chi tinrênghai thlarau leh.

INPÂKNA HLABU 85:5

Kan chungah i lunginsen kumkhuo ding am a nih? I lunginsen chu suon po po chenin în langtir pei ding am a nih?

THUHRILTU 12:7

pilvut chu a nina anga hnuoia a kîr nâwk hmain le thlarau chu ama petu Pathien kuoma a kîr nâwk hmain.

ISAI 27:8

Ama chu în fe hmangtir laiin a hun charin ama chu i sêl a; khawsak thli hrâng ni chun ân thli natak chun ama chu a lên sawn ta a.

ISAI 30:18

Chuleiin, Lalpa chun a lunginsiet theina ding cheuin, nghâk a ta, chuleiin, a lainat theina ding cheuin chawimawiin um a tih; Lalpa chu rorêl felna Pathien a ni si a; ama nghâktuhai po po chu an hamṭha ie.

ISAI 42:5

Pathien, Lalpa, vân siemtu, keiphartu, hnuoi le a sûnga inthawka suok po po suklientu, a chunga mihai kuoma inthuokna petu chun hieng ang hin a tih:

ISAI 64:8

Tu ruok hin chu aw Lalpa, nang chu kan pa i na; keini hi bepil kan na, nang chu a mi hemtu i na, chuongchun, kan rêng hin i kutsuok kan nih.

JEREMIA 10:24

Aw Lalpa, mi sukdik la, amiruokchu, rorêlnain, i lunginsennain ni lovin, chuong naw chun iengkhawm ni lovin mi siem rawi i tih.

JEREMIA 3:5

A lunginsenna chu a kawl zing dîm a nih? A tâwp chenin a kawl dîm a nih? Ngai ta, thil ṭha naw chu i hrilin i thaw ta a, i suol thei dân tâwpin i lo suol ta,” tiin.

JEREMIA 38:16

Chuongchun, lal Zedekia chun inrûkin Jeremia kuoma chun ân tiemkam ta a, “Lalpa ei hringnahai siemtu chu a hring zing angin, sukhlum naw ning che a, hieng i hringna zawngtuhai kuoma hin pe bawk naw ning che,” a ta.

EZEKIEL 18:4

Ngai ta, thlarau po po chu ka ta an na, pa hringna chu ka ta a ni ang bawkin, naupa hringna khawm chu ka ta a nih; thlarau thil suksuoltu chu thîng a tih.

AMOS 1:11

Lalpain hieng ang hin a tih, “Edom bawsietna pathum leiin, anih, pali leiin, a hremna sukbo naw ning; a unau chu kâwlhnâm leh a hnawt a, a lunginsietna po po a peihâwn vawng a, a lunginsenna chu ân puokdartir rawp hlak a, kumkhuoin a lunginsenna chu a vawng zing leiin;

MIKA 7:18

Nang anga khawhlona ngaidamtu le a rochan la um sun bawsietna fekhêltu Pathien tu am an um a?A lunginsenna chu kumkhuoin a vawng zing nawh, lunginsietnaa chun a lâwm êm êm hlak leiin.

ZEKARIA 12:1

Israel chungthua Lalpa thu phurrik chu, Vânhai chu keiphar a, leihnuoi lungphûmhai chu phûm a, mihriem chu a sûnga a thlarau siempêktu Lalpa chun hieng hin a tih:

NAMBAR 16:22

Chuongchun, anni chu an bawkkhup a, “Aw Pathien, tisa po pohai thlarau Pathien, mi pakhat suol leiin mipui po po chungah i lunginsen ding am a nih?” an ti a.

HEBRAIHAI 12:9

Chu naw khawm chu a mi thunun dingin ei taksa pahai ei nei kha, chuonghai chu ei inza si a; chu nêka nasa chun, ei hringna dingin, thlarauhai Pa thu thuin ei um naw ding am a nih?