ISAI 57:15 - Pathien Lekhabu Inthieng (BSI)

¹⁵ Mi chunghnung, chawisâng, chatuona um, a hming inthieng chun hieng ang hin a ti si a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 57:15 ပူးပေါင်းရင်းမြစ်များ

INṬANNA 21:33

Abraham chun Beer-sebaa chun tamarisk thing a phun a, chutaka chun Lalpa Chatuon Pathien hming chu a lam a.

1 LALHAI 8:27

Nisienlakhawm, Pathien chu hnuoia hin a um ngût ding am chu? Ngai ta, vân le vânhai vâna khawm i keng naw a na, hi ka in bâwla lem hin chu i vân leng naw nasa âwm ngei de!

2 CHANCHIN SUINA 34:27

hi hmun le a sûnga chênghai chungthua, thuhai chu i hriet phinga i lungril ân nêm a, nangma le nangma chu Pathien hmaa chun în sukhnuoi leiin le, i puonhai i keithlêr a, ka hmaa chun i ṭap leiin kei khawma ka hung hriet ve che a nih.

JOB LEKHABU (THE BOOK OF JOB) 22:29

Pathienin mi chapo chu a sukhnuoi a, Mi inngaitlâwm ruok chu a sandam a.

JOB LEKHABU (THE BOOK OF JOB) 6:10

Chuongchun, lungmuongna la nei ka ta; Anih, natna a chuong a liem um ta lova khawm hin insukpasal ka tih; Mi inthieng thuhai chu kân phat ngai si naw a.

INPÂKNA HLABU 111:9

Ama chun a mihai kuomah intlanna a hung tir a, A thuthlung chu kumkhuoa dingin a ruot a, A hming chu ân thiengin inza a um a nih.

INPÂKNA HLABU 115:3

Kan Pathien chu vânah a um si a, A nuom taphawt a thaw a nih.

INPÂKNA HLABU 123:1

Aw, nang vâna ṭhung hlak, Nanga tieng ka mit ka hung inlên hlak.

INPÂKNA HLABU 138:6

Lalpa chu chunghnungtak a nia chu a mi inhnuoihai a ngaisak hlak. Mi chapohai ruok chu hlataka inthawkin a hriet hlak.

INPÂKNA HLABU 138:7

Lunginzîngna laia chun lêng lang khawm nangin mi sukhar i ta, A mi dotuhai lunginsen thaw dingin nangin i kut phar i ta: I kut changtiengin mi sandam i tih,

INPÂKNA HLABU 147:3

Lungriem ithlâkhai chu a sukdam a, An hliemnahai chu a tuom hlak a.

INPÂKNA HLABU 34:18

Lalpa chun lungrila lungriem ithlâkhai chu a hnai hlak a, Lungrila insîrhai po chu a sandam hlak.

INPÂKNA HLABU 34:19

Mi fel rinumnahai chu a tam a, Nisienlakhawm, chuong po poa chun Lalpain a sansuok hlak.

INPÂKNA HLABU 51:17

Pathien dit zâwng inthawina chu thlarau lungriem ithlâk hi a na, Aw Pathien, lungril lungriem ithlâk le insîr ngawi ngawi hi hmusit naw ti nih.

INPÂKNA HLABU 51:19

Chuongchun, felna inthawinahai chungah lâwmna nei tâng i ta, pumrawhmang thilinhlân le puminhlân thil chunga chun: Chuongchun, i maichâm chunga chun bâwngchalhai inhlân tâng an tih.

INPÂKNA HLABU 83:18

Nangma chau hi JEHOVAH hming put, Hnuoi chung po poa Achunghnungtak i nih ti an hriet theina dingin.

INPÂKNA HLABU 90:2

Tlânghai insieng hmaa, Leihnuoi le khawvêl în ngîr hma khawm khan, Chatuona inthawka chatuon chenin nang chu Pathien i nih.

INPÂKNA HLABU 93:2

I lalṭhungpha chu tiena inthawka lo sukdet tah a na, Nang chu chatuona um tah i nih.

INPÂKNA HLABU 97:9

Lalpa, nang chu hnuoi chung po poa hin a chunghnungtak i ni si a, Nang chu pathien po po chung daia chawimawiin i um a.

INPÂKNA HLABU 99:3

Anni chun i hming ropuitak, ṭîumtak chu inpâk raw se, Ama chu ân thieng a nih.

FESUOKNA 15:11

Aw Lalpa, pathienhai lai hin nanga ang tu am an um a? Inthiengnaa ropui, thilthaw ropuihaia ṭium, Thilmakhai thaw, Nanga ang tu am an um a?

FESUOKNA 15:13

Nangin i zângainain mipui în tlanhai chu i ṭhuoi a; I umna hmun inthiengah i hrâtnain anni chu i ṭhuoi a.

FESUOKNA 15:18

Lalpa chun chatuonin ro rêl a tih,” tiin.

FESUOKNA 40:34

Chun, sûm chun intuokna puon in chu ân khum a, Lalpa ropuinain biekbûk chu a suksip a.

FESUOKNA 40:35

Biekbûk chu Lalpa ropuinain a suksip leiin le, sûm chu a chunga a um zing leiin Mosie chu intuokna puon in sûngah a lût thei ta naw a.

THUVARHAI 16:19

Mi chapohai le râllâk sum insem nêk chun, Mi inngaitlâwmhai le lungril inhnuoitaka um a ṭha lem.

THUVARHAI 8:23

Atîra inthawk, chatuona indinin ka um a, Hnuoi hrim la um hmain.

ISAI 18:4

Lalpa chun ka kuomah hieng ang hin a hril a nih, “Um ṭawk ṭawk ka ta, ka umnaa hin thlîr zing ka tih; nisa sat laia khaw lum inthieng vel vul ang le, bu sîk khaw lum laia daidaw sûmhu ang hin,” tiin.

ISAI 33:5

Lalpa chu chawisângin a um tah; chungtienga khin a um si a; ama chun Zion chu rorêl felna le felnain a suksip tah.

ISAI 40:28

In lungrilin in hriet zing hlak nâwm a nih? In nain in hriet ngai nâwm a nih? Kumkhaw Pathien, Lalpa, kâwlkawdawng chen Siemtu chu, a châu ngai naw a, a sâwl ngai bawk nawzie hi; a hrietthiemzie chu zawng suok ruol a ni nawh.

ISAI 52:13

Ngai ta, ka siehlaw chun vartak- in thâwng a ta, chawimawi le chawisângin um a ta, insângtakin um a tih.

ISAI 6:1

Lal Uzzia a thi kum khan Lalpa chu lalṭhungpha insângtaka chawisânga a ṭhung ka hmu a, a silfên hmawr infuol chun biekin chu a suksip ta vawng a.

ISAI 6:3

Chun, “Sipaihai Lalpa chu ân thieng ie, ân thieng ie, ân thieng ie, hnuoi pumpui chu a ropuinain a sip a,” tiin, an inkhêk tuo an inkhêk tuo hlak a.

ISAI 63:15

Vâna inthawk khan zuk thlîr la, i în thiengna le i ropuina umnaa inthawk khan hung en ta: i ṭhahnemngaina le i thilthaw ropuitakhai kha khâw lai am? I lungrila i ngaina le i lainatnahai kha keia inthawk hin sukboin a um tah.

JEREMIA 10:10

Amiruokchu, Lalpa chau Pathien diktak chu a na, Pathien hring chu a na, chatuon lal a nih; a lunginsenna chun hnuoi chu ân thin a, a lungawi nawna chu hnamhai chun an tuor thei nawh.

ṬAP HLA 3:41

Vânhaia Pathien kuoma chun ei kuthai leh ei lungril chu chawisâng vêng ei tiu.

EZEKIEL 16:63

Thil i lo thawtahai po poa ka ngaidam pha che chun i hriet zing a, i hmai a mâwk a, în zak leia i bau i kâk dêr ta nawna dingin, Lalpa Pathien chun a tih,” tiin.

EZEKIEL 9:4

Chun, Lalpa chun a kuoma chun, “Khawpui laia chun, Jerusalem laia chun fe suok la, chu sûnga tirdakumnahai thawa um tahai po po leia khêk a, thuokdawnghai bâwkhaia chun inchikna sie rawh,” a ti a.

DANIEL 2:11

Lal thil dit dân hi thil vâng tak a nih; taksaa chêng nilo pathienhai ti chau naw chu tukhawm lal hmaa inentir thei ding hrim hrim an um nawh,” an ta.

DANIEL 4:17

Hi thu sukthlûk hi vêngtuhai thupêk le, mi inthienghai thua phût: hringna nei taphawt chun Achunghnungtak chun mihriemhai rama chun ro a rêl a, a nuomna kuoma chun a pêk a, mi inhnuoitakhai khawm a chunga chun a sie thei ti an hrietna dingin a nih,’ tiin.

DANIEL 4:34

Chuong nihai tâwpa chun, kei Nebukadnezzar hin ka mithai chu vântieng ka tang a, ka hrietna chu ka kuomah a hung kîr nâwk a, Achunghnungtak chu mal ka sâwm a, chatuona hring zing chu ka chawimawiin kân pâk a: A rorêlna chu chatuon rorêl a na, A lalram chu ṭhanga inthawk ṭhang sâwng tamtak chen a ni si a;

JOEL 2:13

in puon ni lovin, in lungril thlêr ro,” a tih. Lalpa in Pathien tieng chu ngha ro: ama chu lunginsiet theitak le lainatnaa sip, lunginuoi le zainêmnaa sip, hremnaa inthawka inlêt hlak a nih.

MIKA 5:2

Nisienlakhawm, nang Bethlehem Ephratha, Juda rama sâng tamtakhai laiah chun chîn hle la khawm, nangmaa inthawk hin Israelhai rorêltu ding chu ka ta ding hung suok a tih; a hung inṭanna chu tiena chatuona inthawk ta khan a nih.

MIKA 6:8

Aw mihriem, a ṭha chu ân entir ta che a nih; Lalpain a phût che chu ieng am a na? Indiktaka thaw le lunginsietna ngainat le i Pathien le thuhnuoirawltaka lêng hmunkhat chu a ni naw am a nih?

ZEKARIA 2:13

Mi po pohai, Lalpa hmaa chun to ṭhiep ro khai: a chêngna inthienga inthawk chun a hung thohar ta si a.

ZEKARIA 9:9

Aw Zion naunu, nasatakin hlim rawh; aw Jerusalem naunu, inringtakin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngaitlâwmtakin, sabengtung chungah, sabengtungtê chung ngeia hung chuongin.

MATTHAI 6:9

“Chuongchun, nangni chu hieng ang hin ṭawngṭai ro: Kan Pa vâna mi, I hming inzaum raw se, I ram hung tlung raw se.

LUKA 1:49

Mi hrât khan ka chungah thil ropuitak a mi thawpêk a,

LUKA 4:18

“Riengvaihai kuoma Chanchin Ṭha hril dingin Lalpân hriek a mi nal leiin, Lalpa Thlarau chu ka chungah a um; Ama chun salhai kuoma suokna thu le, Mitdelhai kuoma mitvar nei nâwkna thu hril ding dâm, Suknawmnat tuorhai insuoktirna ding dâm,

THILTHAWHAI 3:14

Mi inthieng le feltak kha in dit naw a, tuolthattu kha in kuoma pêk in ngên ta lem a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:20

Amaa mizie hmu thei lo hai, a chatuon thilthawtheina le a Pathien nizie chu, leihnuoi siem tîra inthawkin chiengtaka hmuin a um a, thilsiema chun ân lang a nih; chuleichun, suonlam ding hrim an nei nawh;

2 KORINTH 1:4

Pathienin keini a mi thlamuonna ngeiin, rinum ieng anga umhai khawm chu kan thlamuon ve theina dingin, ama chun kan rinumna po poah a mi thlamuon hlak.

2 KORINTH 2:7

Chuongchun, hrem nâwkzuol nêk hmanin in ngaidamin, in thlamuon lem ding a nih; chuong naw chun, iengamanih tiin chuong ang mi chu lungngai taluotnain lem zo rawi a tih.

2 KORINTH 7:6

Nisienlakhawm, inngaitlâwmhai thlamuongtu Pathien chun, Tita hungna chun a mi thlamuong ta a;

DÂN PAHNINA 33:27

Chatuon Pathien chu în humhimna a na, Hnuoi tienga chun chatuon bân a um, Hmêlmahai chu a vaikiengpêk hlak che a, ‘Sukbohmang rawh,’ a ti a.

1 TIMOTHE 1:17

Laltak chatuona um, se thei lo, hmu thei lo Pathien tak chau chu chatuona chawimawi le ropuiin um raw se. Amen.

1 TIMOTHE 6:16

Ama chau chun thi thei nawna a nei a, var hnai thei ruol lova chun a um a, ama chu tûkhawmin an hmu ngai naw a, hmu khawm an hmu thei naw bawk a, ama kuoma chun chatuona chawimawina le thilthawtheina chu um raw se. Amen.

HEBRAIHAI 9:14

Krista, chatuona Thlarau hmêlhem lova Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!

JAKOB 4:6

Nisienlakhawm, lunginsietna tam nâwkzuol a pêk hlak; chuleiin, Pathien Lekha Thuin, “Pathienin mi chapohai a kal a, inngaitlâwmhai ruok chu lunginsietna a pêk hlak,” a ti a nih.

1 PETER 5:5

Chuong ang bawkin, nangni tleirâwl deuhai, upahai kuomah intuklût ro. Anih, in rêngin rawng inbâwltuo seng dingin thuhnuoirawlnain inthuom ro; Pathienin chapohai a kal a, inngaitlâwmhai ruok chu lunginsietna a pêk hlak si a.

THUPUONGSUO 15:4

Aw Lalpa, tu am i hming inza naw a, Chawimawi naw ding? Nang chau în thieng si; I thilthaw felhai chu suklang a ni ta leiin, Hnam tinrêngin chibai hung bûk an ti che,” tiin.

THUPUONGSUO 3:7

“Chun, Philadelphiaa kohran tirko kuoma chun hieng hin ziek rawh: “ ‘Mi inthieng, mi indiktak, David chabi nei, tu ikhâr lo dinga hawnga, tu ihawng lo dinga khârtu khan, hieng thu hi a hril a nih:

THUPUONGSUO 4:8

Chun, thilhring pali chu thla paruk seng nei, an pumin an sûng tieng chena mita sip an nih. “Lalpa Pathien Iengkimthawthei, Um ta le, um zing le hung um ding chu, Ân thieng ie, ân thieng ie, ân thieng ie,” tiin sûn le zân an châwl ngai nawh.

1 SAMUEL 2:2

Lalpa anga inthieng hi an um nawh; Nangma ang hrim an um si nawh; Ei Pathien ang lungpui hrim a um bawk nawh;