ISAI 57:13 - Pathien Lekhabu Inthieng (BSI)

¹³ I khêk pha chun i lâk khâwmhai chun sanhim raw se che; nisienlakhawm, anni rawi chu thliin lâng a ta, thuokin lên hmang vawng a tih; kei mi ringtu ruok chun ram hi nei a ta, ka tlâng inthieng hi hluong a tih.

ISAI 57:13 ပူးပေါင်းရင်းမြစ်များ

2 LALHAI 3:13

Chun, Elisa chun Israel lal kuoma chun,“ Nang le kei hin ieng am inhmangna ei nei a? fe la, i nu le i pa zâwlneihai kuomah fe dai rawh,” a lo ti a. Chun, Israel lal chun a kuomah, “Ni lo e, Lalpa chun hi lal pathumhai hi Moab mihai kuta pêk dingin a mi ko khâwm a ni ta hi,” a ta.

JOB LEKHABU (THE BOOK OF JOB) 21:18

Thli hmaa pâwl kûng ang el an na, Busi thliin a lên hmang hlak ang chu an nih.

INPÂKNA HLABU 1:4

Mi rilohai ruok chu chuong ang chu an ni naw a, Busi thliin a lênhmang hlak ang hi an ni lem a.

INPÂKNA HLABU 118:8

Mihriem ring nêk chun Lalpaa ringna innghat hi a ṭha lem a nih.

INPÂKNA HLABU 125:1

Lalpa ringtuhai chu Zion tlâng sukhnîng ruol lo, kumkhawtluonga um zing ding ang chu an nih.

INPÂKNA HLABU 37:11

Thuhnuoirawlhai ruok chun ram hi hluong an ta, Inremna nasatak chungah lâwm an tih.

INPÂKNA HLABU 37:22

A malsâwmna dawngtuhai chun ram hi hluong an ta, A ṭawngse phurtuhai chu sukbohmangin an um ding a nih.

INPÂKNA HLABU 37:29

Mi felhai chun ram hi hluong an ta, A sûnga hin kumkhuoin um an tih.

INPÂKNA HLABU 37:3

Lalpa chu ring la, thil ṭha thaw rawh, Hi rama hin um la, ringumna chu hnawt pei rawh.

INPÂKNA HLABU 37:34

Lalpa chu nghâk la, a lampui chu hraw rawh, Chuongchun, ram chu hluo dingin chawimawi a ti che. Mi rilohai sukbohmanga an um lai chu la hmûng i tih.

INPÂKNA HLABU 37:9

Thil ṭha naw thawtuhai chu sukbohmangin an um ding a ni si a, Lalpa nghâktuhai ruok chun ram hi hluong an tih.

INPÂKNA HLABU 58:9

In bêlhai chun hling thing lum a hriet hma khawmin: Ama chun thlivirin la hmang a ta, A hring le a kâng lai khawm.

INPÂKNA HLABU 84:12

Aw sipaihai Lalpa, Nangma ring mi chu a hamṭha ie.

THUVARHAI 28:25

Lungrila huomhap mi chun inkhingna a chawktho a; Lalpa chunga a ringna innghattu ruok chu sukthâu nîng a tih.

ISAI 11:9

Ka tlâng inthienga hrim hrim chun insuknat um ta naw ni a, insuksiet um bawk ta naw ni; tuihai hin tuisuoriet ân khum zing angin, leihnuoi hi Lalpa hrietnain a sip zo vawng ta ding a nih.

ISAI 14:32

Philistin hnam palaihai chu iengtin am dawn ei ta le? “Lalpain Zion chu ân ngîr a, a mihai laia rimsihai chu amaa chun tlulût an tih,” tiin nîng a tih.

ISAI 25:4

Mi ṭiumhai thuok chu thlipuiin bang a nam sawk sawk anga a hung um lai hin, nang chu mi rimsihai ta dingin kulbîng, pasie lunginzîng laia dinga kulbîng, thlipuia inthawka inhumhimna, nisa sat hlietu i ni hlak si a.

ISAI 40:24

Anih, phun an ni naw a, anih, tu an ni nawh; anih, an kûng chun hnuoiah zung a kei nawh; chu nawa khawm, ama chun anni chu a mût a, an vuoi a, thlivirin busi a lâk hmang angin a lâk hmang hlak.

ISAI 41:16

Zâp in ta, thliin mût lêng a tih, thlivir chun sukdar a tih; chun, nangni chu Lalpaa chun lâwm in ta, Israelhai Mi Inthieng chu la suong in tih.

ISAI 45:20

“Inkhawm unla hung ro; hnam tin laia hremna pumpeltuhai, hung hnai seng ta u, an thing milim siemfâwm chawi hlak a, mi sanhim thei lo pathien kuoma ṭawngṭai hlaktuhai chun hrietna hrim hrim an nei nawh.

ISAI 49:8

Lalpa chun hieng ang hin a tih, “ Hun lâwmumah ka ngaithlâk che a, sandamna niah ka ṭhangpui che; ram inngîr ding le rochan ram râusan ta hnunghai annirawi chu inhluotir dingin ka humhim chein, mihai thuthlung dingin ka ruot che:

ISAI 56:7

anni ngei chu ka tlâng inthienga chun ṭhuoi ka ta, ka ṭawngṭâina inah sukhlim ka tih; pumrawhmanga an thilinhlânhai le an inthâwinahai chu ka maichâma chun lâwmin um a tih; ka in chu mi tinrêng ta dingin ṭawngṭaina in an ti ding a ni si a,” tiin.

ISAI 60:21

I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

ISAI 65:11

Nisienlakhawm, nangni Lalpa mâksana, ka tlâng inthieng theinghila, Vângneina Siemtu ta dinga dawkân buotsaia, Chantâwka Khawrêltunu dinga uoin chawkpawl sa suksip hlaktuhai;

ISAI 65:25

Satene le berâmte chu tla hmunkhat tâng an ta, sakeibaknei chun bâwngchal angin bupâwl fa tâng a tih; pilvut chu rûl bu ni bawk a tih. Ka tlâng inthienga hrim hrim chun sukna ta naw ni hai a, sukse ta bawk naw ni hai, Lalpain a tih.

ISAI 65:9

Chun, Jakoba inthawkin chi pakhat suksuok ka ta, Judaa inthawkin ka tlânghai hluotu ding chu suksuok bawk ka tih; chuongchun, ka mi thlanghai chun chu chu hluong an ta, ka siehlawhai chu chutaka chun um an tih.

ISAI 66:20

Israel thlahaiin an thilinhlân chu bûrlebêl inthiengtaka Lalpa ina an hung lâklût hlak ang hin, Lalpa kuoma thil inhlân dingin hnam tin laia inthawka in unauhai po po chu sakawr chunga dâm, tawlailîra dâm, zâwnnaa dâm, sabengtung lien chi chunga dâm, sanghâwngsei chunga dâm, Jerusalem ka tlâng inthienga chun hung ṭhuoi an tih; Lalpain a tih.

JEREMIA 2:28

Anleh, i pathienhai i ta dinga i siemhai kha khaw lai am an um a? I buoi lai huna an sanhim thei che chun inthotir ta la; i khawpuihai tamzie ang peiin i pathienhai chu an tam si a, Aw Juda.

JEREMIA 22:20

Lebanona chun hang fe la, hang khêk rawh: Basana inthawk chun i râwl insuo la, Abarima inthawk chun khêk rawh: i hmangaihai po po chu an bohmang vawng ta si a.

JEREMIA 22:22

I berâmpuhai po po chu thliin châwm a ta, i hmangaihai chu salah intâng an tih: chu pha chun matheilovin, i khawhlonahai po po lei chun inzak i ta, buoi ngei ngei i tih.

JEREMIA 30:14

Nangma hmangaituhai po po che hlaka an theinghil che a; an zawng ta naw che a: mi rilo hremna le hmêlma inhliemna chun kân hliem si che a, i suolnahai an pung pei lei chun i khawhlona chu a nasa hle si a.

EZEKIEL 20:40

Lalpa Pathien chun a tih: Ka tlâng inthieng, Israel tlâng insânga chun Israel sûngkuohai po po chu, an rêngin chu rama chun ka rawng bâwl tâng an ta, chutaka chun anni chu lâwm ka ta, chutaka chun in thilinhlânhai chu, in rahmasa inthâwinahai le in thil inthienghai po po le chun pawimawsak tâng ka tih.

HOSEA 13:3

Chuleiin, zîngkâr ṭieusûm ang le, Dâidaw inhmataka bo nâwk el hlak ang, Hrizâwla bu si thlivirin a lâk hmang hlak ang, Meikhu suokna meikhu ang nîng an tih.

JOEL 3:17

Chuongchun, Lalpa in Pathien ka tlâng inthieng Ziona chêng ka nih ti hrieng in tih; chuongchun, Jerusalem khuo chu inthieng a ta, mikhuol tukhawm fethleng nâwk ta dêr naw ni hai.

ZEKARIA 7:13

Chun, ama a khêk laiin an ngai naw a; chuongchun, anni chu khêk an ta, kei khawma ngai naw ningah, sipaihai Lalpa chun a tih.

RORELTUHAI 10:14

In ithlang pathienhai chu ko ta unla, anni chun in lunginzîng pha chun sansuok el raw hai se cheu chu,” a ti a.