ISAI 57:1 - Pathien Lekhabu Inthieng (BSI)

¹ Mi fel chu an bohmang hlak a, tukhawma an lungrilin an ngaituo ngai naw a, Pathien ngaisak mihai khawm lâk hmangin an um hlak a; mi fel chu thil ṭha lo hung tlung dinga inthawka lâk hmang an ni hlak ti tukhawma an ngaituo bawk naw a.

ISAI 57:1 ပူးပေါင်းရင်းမြစ်များ

1 LALHAI 14:13

Chuongchun, Israelhai po po chun sûn an ta, vui an tih; Jeroboam sûngkuo lai chun ama chau chu thlâna sie ding a ni ding a ni si a; Jeroboam sûngkuo lai hin ama chaua hin Lalpa Israelhai Pathien chunga ṭhatna ieng amanih ân lang leiin.

2 LALHAI 22:20

Chuongchun, ngai ta, i pi le puhai kuomah ṭhuoi ka ti che a, thlânah lungmuongtaka ṭhuoiin um i ta, hi hmuna thil ṭha nawtak ka hung intlungtir ding chu i mitin hmu ve naw nih, a tih,’ tiin,” a ta. Chuongchun, thu chu lal kuoma chun an vân tlun nâwk a.

2 CHANCHIN SUINA 32:33

Chun, Hezekia chu a thlatuhai lai a in ta a; David naupasalhai thlân in hang kainaa khan an phûm a; Juda mi po po le Jerusalema um po po chun a thi ni chun ropuitakin an râl a. Chun, a naupa Manasse chun ama aia chun ro a rêl ta a.

2 CHANCHIN SUINA 34:28

Ngai ta, i thlatuhai kuomah infetir ka ti che a, i thlâna chun thlamuongtakin fêng i ta, hi hmun le a sûnga umhai chunga thil ṭha naw ka hung intlungtir dinghai po po chu i mithaiin hmu naw nih a tih,’ ti ro,” a ta. Chuongchun, lal chu, thu chu an hung intlun nâwk a.

2 CHANCHIN SUINA 35:24

Chuongchun, a siehlawhai chun sakawr tawlailîra inthawk chun an lâk suok a, a sakawr tawlailîr danga chun an sie a, Jerusalemah an hung ṭhuoi ta a; a thi a, a thlatuhai thlân ina chun phûmin a um ta a, Juda le Jerusalem po poin Josia chu an sûn a.

INPÂKNA HLABU 12:1

Lalpa, mi ṭhangpui rawh, Pathien ngaisak mi an um ta si naw a, Mihriem nauhai laia hin mi ringum chu an bo ta si a.

INPÂKNA HLABU 37:37

Mi demkailo inchik la, mi indiktak chu en rawh, Chuong ang mi tâwpna ding chu lungmuongna a ni ding a ni si a.

ISAI 42:25

Chuleiin, a lunginsenna nasatna le inthawna ṭha chu an chungah a bunthlâk a; chuongchun, anni chu a raw vêl a, nisienlakhawm, an lungrilin an ngaituo si nawh.

ISAI 47:11

Chuleiin, thil ṭha naw i chungah hung tlung a ta; invêng dân khawm thiem naw ti ni; vângduoina khawmin hung vur a ti che a, chu chu sukbo thei naw ti nih: rausanna khawm kârlovin i chungah hung tlung thut a ta, chu chu hre lâwk naw ti nih.

ISAI 47:7

Chun, “Kei hi kumkhuoin lalnuah um ka tih,” i ti a; chuongchun, chuong thilhai chu i lungrilin i ngaituo naw a, a tâwpna ding hlak chu i hriet zing bawk naw a.

ISAI 57:11

Tu am i ṭi a, în lau a, khêl i hril hlak a, kei i mi hriet ta naw a, i lungrila i ngaituo ta naw hi? Sâwttak ka to zing an nâwm a nih? Ṭi khawm i mi ṭi naw hi.

JEREMIA 18:11

Chuleiin, tuhin fe la, Jerusalem hluotuhai le Juda rama mihai kuoma chun thu hril la, ‘Lalpa chun hieng hin a tih: Ngai ta u, in chungah thil ṭha naw ka riruong a, in chungah phierrûkna ka phierrûk a, tuhin mi tin mâni lampui rilo senga inthawk chun hung kîr raw se; chuongchun, in thilthawhai le in lampuihai chu siem ṭha ro,’ tiin.

JEREMIA 22:10

Mithi ta dingin ṭap naw unla, ama chu sûn bawk naw ro; amiruokchu, mi a fe hmang ta ding chun nasatakin ṭap unla; ama chu a hung kîr ta naw ding lei le, a piengna ram chu a hmu ta naw ding leiin.

EZEKIEL 21:3

chun, Israel ram kuoma chun hieng hin hril la, Lalpa chun hieng hin a tih: Ngai ta, nang hi ka dodâl che a, a bâwma inthawk chun ka kâwlhnâm chu phawi dawk ka ta, nangmaa inthawka mi fel le mi rilohai khawm chu sât thlâng ka tih.

MIKA 7:2

Pathien ngaisak mi chu hnuoia inthawk hin an bohmang a, mihriem lai hin mi indiktak hrim an um nawh; thisen insuo dingin an inchân vawng a, mi tinin mâni unau chu lênin an ve a nih.

MALAKI 2:2

In ngai a, ka hming sukropui dinga, in lungrila in sie tlat naw chun, Sipaihai Lalpa chun hieng hin a tih, in chunga chun ṭawngsie hung tir ka ta, in malsâwmnahai chu ṭawngsie inphur ka tih; anih, lungrila in sie tlat naw leiin, ṭawngsie kân phur nghâl tah a nih.

NAMBAR 23:10

Jakobrawi pilvut zât hiel chu tuin am tiem thei a ta? Israelhai hmun lia ṭhea hmun khat chu tuin am tiem thei a ta? Mi fel thi angin thi ve thei lang, Ka tâwpna chu a tâwpna ang ni sien,” a ta.