ISAI 56:8 - Pathien Lekhabu Inthieng (BSI)

⁸ Lalpa Pathien, Israelhai hnawt suoka umhai ṭhuoi khâwmtu chun, “Ama ta ṭhuoi khâwma umhai naw khawm hnam danghai a kuomah la ṭhuoi khâwm ka tih,” a ta.

ISAI 56:8 ပူးပေါင်းရင်းမြစ်များ

INṬANNA 49:10

Lal hmawl chu Judaa inthawk hin bo naw ni a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

INPÂKNA HLABU 106:47

Aw Lalpa, kan Pathien, mi sandam la, Hnam tin laia inthawk hi mi ṭhuoi khawm rawh: I hming inthieng kuoma lâwmthu hril ding le, Nangma inpâkna chawimawi dingin.

INPÂKNA HLABU 147:2

Lalpa chun Jerusalem chu ân ngîr nâwk a. Israel hnawtsuoka umhai chu a ṭhuoi khâwm nâwk a.

ISAI 43:6

hmârtieng kuoma chun, ‘Inthla ro,’ tîng ka ta, simtieng kuoma chun, ‘Hrên zing naw ro,’ tîng ka tih; ka naupasalhai chu hlataka inthawkin hung ṭhuoi unla, ka naunuhmeihai chu leihnuoi tâwpa inthawkin hung ṭhuoi ro;

ISAI 49:12

En ta, sawhai saw, hlataka inthawkin an hung ding a ni saw; en ta, sawhai saw, hmartienga inthawk dâm, thlangtienga inthawk dâm, Sim rama inthawk dâmin an hung ding a ni saw.

ISAI 49:22

Lalpa Pathien chun hieng ang hin a tih, “Ngai ta, hnam tin ta dingin ka kut ka pharin, mi tin ta dingin kân chikna târ suok ka tih; chuongchun, i naupasalhai chu apawma pawmin i kuomah hung ṭhuoi ka ta, i naunuhmeihai khawm an liengkoa puta hung ṭhuoiin um an tih.

ISAI 49:6

ama chun, “Jakobhai hnam tungdingna ding le Israelhai laia humhima umhai chu inumtir nâwkna dinga, ka siehlawa i um hi, thil chiterek a la na; Jentailhai sukvartua khawm ruot bawk ka ti che; kâwlkawdawng chena ka sandamna chu a tlung theina dingin,” a ta.

ISAI 54:7

Mitkhapkâr chau el ka mâk che a; nisienlakhawm, lunginsietna nasatakin ṭhuoi nâwk ka ti che.

JEREMIA 30:17

Hrisêlna pe nâwk ka ti che a, i hliemnahai chu sukdampêk ka ti che, Lalpa chun a ti si a; ‘Zion hi a nih, tukhawma an pawisak naw chu,’ tiin, nang chu hnam ṭawphnawk an inbûk che leiin.

JEREMIA 31:10

Aw nangni hnamhai, Lalpa thu chu ngai unla, thlierkâr hlatakahai chun phuong ro; chun, “Israel sukdartu ngei chun, ama chu kei khâwm nâwk a ta, berâmpuin a berâm ruol a kawl ang chun ama chu kawl a tih,” tiin hril ro.

EZEKIEL 34:12

Berâmpu chun sûnah a berâm ruol chu a zawng a, berâm a lo indarhai laia chun a um hlak angin, ka berâmhai chu zawng suok ka ta; inthim le sûmzîng nia an lo invâk darna hmunhai po poa inthawk chun anni chu zawng suok ka tih.

HOSEA 1:11

Chun, Juda mipuihai le Israel mipuihai chu pung khâwm an ta, an lu ding ruot an ta, chu rama inthawk chun hang fêng an ta, Jezreel ni chu a ropui ding a ni si a.

MIKA 4:6

Lalpain hieng ang hin a tih: Chu nia chun kebai kei khâwm ka ta, hnawt hmanga um le ka sukrimsika um chu kei khâwm ka tih;

JOHAN 10:16

Chun, hi berâm huona mi naw khawm hi, berâm dang ka nei; anni khawm ka la hung ṭhuoi ding a nih, ka râwl khawm hrieng an tih, chuongchun, pâwl khatin um an ta, a vêngtu pakhat leh.

JOHAN 11:52

Chuhai chihai ai chau chun a ni nawh, Pathien nau khawvêla indarhai po po pâwl khata a ṭhuoi khâwmna dingin a ni bawk.)

JOHAN 7:35

Chun, Judahai an inbiek a, “Ei hmu naw dingin hi mipa hi khâwlai am a fe ding a ni leh? Grikhai laia Inpêmdarhai laia fein Grikhai chu ân chûktir ding am nîng a ti?

EPHESI 1:10

hunbi kim hunah: iengkim vâna thil umhai le hnuoia thil umhai khawm Kristaah, amaa ngei chun fâwkkhâwm dingin a nih.