ISAI 56:1 - Pathien Lekhabu Inthieng (BSI)

¹ Lalpa chun hieng ang hin a tih, “Rorêl zâwm unla, feltakin thaw ro, ka sandamna chu a hung tlung vâng vângin, ka felna chu a hung inlang ṭêp ta si a.

ISAI 56:1 ပူးပေါင်းရင်းမြစ်များ

INPÂKNA HLABU 106:3

Rorêlna vawng ṭhahai chu an hamṭha ie, Ieng lai khawma feltaka thawtu leh.

INPÂKNA HLABU 50:23

Tukhawm lâwmthu hril inthawina inhlân taphawt chun a mi chawimawi hlak, Chun, a um dân takinningtaka vawngtu kuoma chun, Pathien sandamna inentir ka tih,” a ti a.

INPÂKNA HLABU 85:9

A sandamna chu ama ṭituhai hnaia chun a um ngei ngei hlak a nih; Ei rama hin ropuina a um theina dingin.

ISAI 33:5

Lalpa chu chawisângin a um tah; chungtienga khin a um si a; ama chun Zion chu rorêl felna le felnain a suksip tah.

ISAI 46:13

chuongchun, ka ropuina Israelhai ta dingin sandamna chu Ziona chun sieng ka tih.

ISAI 51:5

Ka felna chu a hnai a, ka sandamna chu a suok ta a, ka bânhai hin mi tin ro rêlpêk a tih, thlierkârhai chun mi nghâk an ta, ka bân hi ring an tih.

ISAI 55:7

mi rilo chun a um dân chu bânsan sienla, mi fel naw chun a ngaituonahai chu bânsan bawk raw se; Lalpa kuomah kîr nâwk raw se; chuongchun, ama chun lo lunginsiet a ta; ei Pathien kuomah kîr nâwk raw se, ama chun a lo ngaidam nasa khawp âwm si a.

ISAI 61:8

Kei Lalpa hin rorêlna fel ka ngaina hlak si a, khawhlotaka inram el hi ka theida hlak a, chuongchun, anni ka thungna chu titakmeuin an kuomah pêng ka tih, an kuomah kumkhaw thu thlung bawk ka tih.

ISAI 64:5

Nang chun hlimtaka uma, feltaka thawtu, i lampuihaia nangma hre zing hlaktuhai chu, i tuok hlak a; ngai ta, nang i lunginsen a, keinin thil kan suksuol a; chuongahai chun sâwttak kan lo um ta a, chuongchun, sandamin la um thei kan ti?

DANIEL 9:24

Hapta sâwm sarihai chu i mihai le khaw inthieng ta dinga bawsietnahai insûmna ding le suolnahai bânsanna ding le, khawhlona ta dinga inremna siema, kumkhuoa felna chu insuona ding le, thilhmulâwk le hrillâwkna chu khârkhumna ding le, Hmun Inthiengtak chu hriek nâlna hun dinga pêk a nih.

HOSEA 12:7

Sumdâwngtu a na, a kutah bûkna indik naw a um a, Hlêm ngawt a châk hlak a nih.

MIKA 6:8

Aw mihriem, a ṭha chu ân entir ta che a nih; Lalpain a phût che chu ieng am a na? Indiktaka thaw le lunginsietna ngainat le i Pathien le thuhnuoirawltaka lêng hmunkhat chu a ni naw am a nih?

MIKA 7:9

Lalpa chunga chun thil ka suksuol ta leiin, a lungninawna nasatak chu phur ka tih, ka chungthu a mi hrilpui a, ka ta dinga rorêlna chu a muolsuo hmakhat chun: vara chun mi ṭhuoi suok a ta, a felna chu hmûng ka tih.

MALAKI 4:4

“Israelhai po po ta dinga Horeba ka ipêk, rorêlna le thuruothai, ka siehlaw Mosie dân chu hre zing ro.

MATTHAI 3:2

“Sim ro, vân ram chu a hnai tah,” tiin.

MATTHAI 4:17

Chu chena inthawk chu Isûn, “Sim ro, vân ram chu a hnai tah,” tiin a hril phut ta a.

MARKA 1:15

“Hun chu a hung tlung ta a, Pathien ram khawm a hung hnai ta a, sim unla Chanchin ṭha hi ring ro,” a ti pei a.

JOHAN 7:17

Tûkhawm ama dit zâwng thaw nuom chun, thu inchûktir hi Pathien suksuok am a ni, keia phuokfâwma ka hril, hrieng a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:17

Chutaka chun awi nâwkzuolna dingin, ringnain Pathien felzie chu a hung inlang a, “Ringna leia mifel chu hring a tih” tia ziek ang khan.