ISAI 55:9 - Pathien Lekhabu Inthieng (BSI)

⁹ Vân khi hnuoi nêka ân sâng lem angin, ka um dânhai hi i um dânhai nêkin ân sâng lem si a, ka ngaituohai khawm hi i ngaituohai nêkin ân sâng lem a nih.

ISAI 55:9 ပူးပေါင်းရင်းမြစ်များ

2 SAMUEL 7:19

Aw Lalpa PATHIEN, chuong khawm chu nanga mithmua chun thil chîn tham el chu a na, nisienlakhawm, i siehlaw sûngkuo hung umdân ding chu kum tamtak sûnga khan i lo hril ta bawk a, Aw Lalpa PATHIEN, hienghai khawm hi mihriemhai thaw dân ang bawk a na.

INPÂKNA HLABU 103:11

Vân khi hnuoi chung insângtaka a um angin, Ama ṭituhai chungah a ngilneina chu a nasa a nih.

INPÂKNA HLABU 36:5

Aw Lalpa, i ngilneina chu vânhaia khin a um a, I ringumna chun vân dumhai khi a tawng a nih.

INPÂKNA HLABU 77:19

I lampui chu tuipuiah a um a, I lampuihai chu tui lientakah a um a; I kehnunghai khawm hriet a ni nawh.

INPÂKNA HLABU 89:2

“Ngilneina chu kumkhuoa dingin remin um a ta, I ringumna chu vânahai ngei khin sukdet i tih,” ka ti ta a nih.

INPÂKNA HLABU 92:6

Mi mâwl chun hi hi a hriet naw a; Mi invêtin a hrietthiem bawk nawh:

ISAI 14:24

Sipaihai Lalpa chun hieng anga hrilin ṭawng ân khâm tah, “Matheilovin ka ngaituo ang tak hin hung tlung a ta;

MATTHAI 11:25

Chu lai chun Isûn a biek a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautehai kuomah i puong lei hin kân pâk che.