ISAI 55:6 - Pathien Lekhabu Inthieng (BSI)

⁶ Hmu awla a um lai hin Lalpa chu zawng unla, a hnâi lai hin ko ro;

ISAI 55:6 ပူးပေါင်းရင်းမြစ်များ

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; Lalpa chun lungril sûng po po chu a zawng suok hlak a, lungrila tumhai khawm chu a hriet hlak si a; ama chu i zawng chun, i hmuah um ngei a ta; amiruokchu, ama chu i nghatsan chun, ama khawmin kumkhuoa dingin pei thla vêng a ti che.

2 CHANCHIN SUINA 19:3

Amiruokchu, nangmaa hin thil ṭha hmusuok a ni ve bawk a, hi rama inthawka Asera chu sie hmang a, Pathien chu zawng dinga i lungril chu i siem ta leiin,” a ta.

EZRA 10:2

Elam naupasalhai laia pakhat, Jehiel naupa Sekania chun Ezra chu a dawn a, a kuomah, “Ei Pathien chunga chun ei bawsiet ta chu a na, hi rama mihai hmêlmak nuhmeihai chu nuhmeia dâm ei nei ta a, amiruokchu, hi chungthua hin Israel mi ta ding hin beisei um a la um a nih.

JOB LEKHABU (THE BOOK OF JOB) 8:5

Pathien chu nguntaka i zawng suok a, Iengkimthawthei kuoma i hnina chu i siem a;

INPÂKNA HLABU 14:2

“Hrethiema Pathien zawng hrim hrim an um am?” ti hre dingin, Lalpa chun vâna inthawkin mihriem nauhai hi a zuk en a.

INPÂKNA HLABU 145:18

Lalpa chun ama kotuhai po po chu a hnai hlak a, Titakzeta ama kotu po pohai chu.

INPÂKNA HLABU 148:14

A mihai ki chu a chawimawi bawk a, A mi inthieng po po inpâkna chu: Israel nau, ama hnaituhai inpâkna chu. Lalpa chu inpâk ro.

INPÂKNA HLABU 27:8

“Ka hmêl zawng ro,” ti a i hril lai khan, ka lungril chun i kuomah, “Lalpa, i hmêl zawng ka tih,” a ti a.

INPÂKNA HLABU 32:6

Chuleiin, Pathien ngaisak mi taphawt chu zawnghmu awla i um laiin i kuomah ṭawngṭâi seng raw hai se; Tui lienhai chu a hung liem pha chun anni chu a chîm phâk vak nawna dingin.

INPÂKNA HLABU 34:19

Mi fel rinumnahai chu a tam a, Nisienlakhawm, chuong po poa chun Lalpain a sansuok hlak.

INPÂKNA HLABU 75:1

Aw Pathien, lâwmthu kan hril che, Lâwmthu kan hril che, i hming a hnai si a; Mihaiin i thilmakthaw thuhai chu an hril hlak.

INPÂKNA HLABU 95:7

Ama chu ei Pathien a na, Eini hi a ran tlatna hmuna mi le, a kuta berâmhai ei ni si a. Vawisûn hin a râwl chu lo hre ta ve unla chu aw!

THUVARHAI 8:17

A mi hmangaituhai chu ka hmangai ve a, Chun, nguntaka a mi zawngtuhai chun mi hmu suok bawk an tih.

ISAI 12:6

Ziona umhai, inringtakin khêk unla, khêk tuor tuor ro, Israelhai Mi Inthieng nangni laia um chu a ropui si a,” tiin.

ISAI 26:9

Ka hringna hin zâna chun a ngai che a; anih, ka sûnga thlarau um hin zîngkâr chun ka zawng che; i rorêlnahai chu hnuoiah a um po leh khawvêla umhai chun felna chu an inchûk hlak si a.

ISAI 45:19

Inrûkin, ram inthim hmunah thu ka hril ngai naw a, Jakob thlahai kuomah, ‘Iengkhawm lovah mi zawng ro,’ ka ti ngai nawh: kei Lalpa hin felna thu ka hril hlak a, thu indiktakhai chu ka hril hlak.

ISAI 45:22

Kâwlkawdawnga mi po pohai, keia tieng hung ngha unla, sandamin um ro; kei hi Pathien ka ni si a, a dang hrim hrim an um nawh.

ISAI 46:13

chuongchun, ka ropuina Israelhai ta dingin sandamna chu Ziona chun sieng ka tih.

ISAI 49:8

Lalpa chun hieng ang hin a tih, “ Hun lâwmumah ka ngaithlâk che a, sandamna niah ka ṭhangpui che; ram inngîr ding le rochan ram râusan ta hnunghai annirawi chu inhluotir dingin ka humhim chein, mihai thuthlung dingin ka ruot che:

ISAI 58:9

Chu pha chun ko i ta, chuongchun, Lalpa chun dawn a tih; hang ko i ta, chuongchun, ama chun, ‘Hitaka hin ka um,’ tîng a tih. Nangni laia inthawka rîngkawl dâm, kutchala mi khîk dâm, suoltaka ṭawnghai hi i sukbo a,

ISAI 65:10

Ka mi, a mi zawngtuhai ta ding chun, Saron chu berâm ruolhai huon nîng a ta, Akor ruom chu bâwng ruolhai bawkna hmun ding nîng a tih.

ISAI 65:24

Chun, hieng hi hung nîng a ta, annin an mi ko hma khawmin dawn ka ta; thu an la hril lai zing khawmin ka nain hrieng ka tih.

JEREMIA 25:5

‘Mi tin el chu tuhin in thilthaw indik nawhaia inthawk le, mâni lampui suola inthawk chun kîr seng unla; nangni le in thlatuhai kuoma inhma le kumkhuoa dinga, Lalpain ram a pêk cheua chun chêng ro;

JEREMIA 33:3

Kei mi hung ko la, lo dawn ka ti che a, thil ropui le inthup i hriet naw hai chu inentir ka ti che.

EZEKIEL 14:6

Chuleiin, Israel sûngkuo kuoma chun hril la, ‘Lalpa Pathien chun hieng hin a tih; Hung kîr unla, in milimhaia inthawkin fe hmang ro; chuongchun, in tirdakumnahai po po chu nghatsan ro.

EZEKIEL 33:11

An kuoma chun, ‘Ka hring zing angin, Lalpa Pathien chun hieng hin a tih; mi rilo thinaa chun lâwmna ka nei naw a; mi rilo chu a um dân a bânsan a, a hring ruok chun lâwmna ka nei a; hung kîr ro, in lampui suola inthawk chun hung kîr ro; aw Israel sûngkuo, iengdingin am thîng in ta?’ ti rawh.

EZEKIEL 8:6

Chun, ama chun ka kuomah, “Mihriem naupa, an ithaw saw i hmu am? Hitaka hin Israel sûngkuo chun tirdakumna nasatak el an lo thaw ta a, ka hmun inthienga inthawka hlataka ka fe hmang hielna dingin; amiruokchu, tirdakumna nasa nâwk zuol chu i la hmu ding a nih,” a ti a.

DANIEL 4:27

Chuleiin, aw lalpa, ka thurâwn hi i kuoma chun pawmtlâka ngai ni raw se; i suolnahai chu felnain thleng la, i khawhlonahai chu mi rimsihai chunga lunginsietna inentir bawk rawh; i tluongtlungna hi sukseia a um theina dingin,” a ta.

HOSEA 10:12

Mâni ta dingin felnain tu unla, Chuongchun, lunginsietna ang peiin sîk ro; In hnuoi chuongtlâihai chu inlet ro, Lalpa chu a hunga in chunga felna ân sûrtir chenin Ama chu zawng hun a ni si a.

AMOS 5:6

Lalpa chu zawng unla hring in tih, chuong naw chun, Josef inah mei angin hung suok a ta, kâng vawng a ta, Bethel khuoah a chun sukrêmtu ding tukhawm um naw ni hai;

JONA 3:8

mihriem le ranhai chun saiip puon sil lem hai sienla, nasatakin Pathien ko raw hai se, anih, mi tinin mâni lampui ṭha naw le, an kuta inpâwngnêkna chu nghatsan raw hai se.

MATTHAI 5:25

I khingpui chu lampuia in intlawn laiin rem vat rawh; chuong naw chun, i khingpui chun rorêltu inmantir a ti che a, rorêltu chun mi man hotu kuomah pêng a ti che a, intângna inah khum hlau rawi an ti che.

LUKA 13:25

In neitu chu a tho a, kawt a khâr hnung chun, nangnîn tuola ngîrin, ‘Lalpa, kawt mi hawngpêk rawh,’ tia kawtkhâr in hung nawk pha, ama chun, ‘Khâwtieng mi am in na, ka hriet naw cheu,’ tiin dawn a ti cheu.

JOHAN 8:21

Chun, ama chun an kuomah, “Ka fe hmang ding a ni hi, nangnîn mi zawng in ta, in suol nei zingin thîng in tih; ka fena dingah hung thei naw ti niu,” a ti nâwk a.

EPHESI 3:13

Chuongchun, nangni leia rinum ka tuornahai lei hin beidawng lo dingin ka ngên cheu; chuonghai chu in ropuina a nih.

DÂN PAHNINA 4:29

Nisienla khawm, chutaka khawm chun Lalpa in Pathien chu in zawng a, in lungril po po le in lungvar po poa in zawng chun hmu nâwk in tih.

DÂN PAHNINA 4:7

Ei ko taphawta Lalpa ei Pathienin a mi hnai anga anni hnai hlak pathien nei hnam ropui tu am an um ve a?

HEBRAIHAI 2:3

hieng ang lâwma sandamna ropui hi inthlathlam inla, iengtin am tlân suok thei hlak ei ta? Chu Sandamna thu chu Lalpa hmanga a tîra hril a ni ta a, a hretuhai chun an mi sukdet pêk pei a.

HEBRAIHAI 3:13

“Vawisûn,” an ti sûng hin ni tinin infui tuo lem ro; chuong naw chun, nangni laia mi tûkhawm hi suol hlêmnaa sukngarin um rawi in tih.