ISAI 55:13 - Pathien Lekhabu Inthieng (BSI)

¹³ Hlohlingnei nêk chun fâr mâwng lem a ta, buor nêk chun inhmui mâwng lem a tih; chu chu Lalpa ta dinga hmingṭhatna ding le, kumkhawtluonga inchikna sukbohmanga um lo ding nîng a tih.

ISAI 55:13 ပူးပေါင်းရင်းမြစ်များ

INPÂKNA HLABU 96:12

Lo le a sûnga um po po hi lâwmtakin um raw se, Chu pha chun ram hnuoia thing po po hi hlimin hla sak an tih.

ISAI 19:20

Chu chu Aigupta rama sipaihai Lalpa ta ding chun inchikna le hrietna nîng a tih, nêksâwrtuhai leiin Lalpa chu an la ko ding a ni si a; chuongchun, ama chun sandamtu le humhimtu tir a ta, ama chun annirawi chu sansuok a tih.

ISAI 32:13

Ka mihai rama hin hlohlingneihai le buorhai chu tlâng a tih; anih, khawpui hlimumtaka hlimna in po pohai chunga chun,

ISAI 35:1

Thlalêr le ram inril chu lâwm a ta; ram ṭâwl chu hlimin phûlpâr pâr angin pâr a tih.

ISAI 35:2

Pâr vul chûk a ta, hlasak le lâwmin hlim a tih; Lebanon ropuina chu a kuoma pêk nîng a ta, Karmel le Saron mawina leh; Lalpa ropuina hmûng an ta, ei Pathien mawina leh.

ISAI 41:19

Thlalêra chun sidar thing dâm, sittim thing dâm, inhmui thing dâm, hriek thing dâm phun ka ta; ram ṭâwla chun fâr dâm, phân dâm, fârsuok dâm phun vawng tâwl ka tih;

ISAI 43:21

chuong ka mihai chu ka ta dinga inpâkna an suklang theina dinga ka ta dinga ka siemhai chu an nih.

ISAI 5:6

Sukrêm vawng ka ta; sâtderin um naw ni a, cho phitin um bawk naw nih; buor le hlohlingneihai mâwng lem a tih; sûmhai khawm a chungah ruo hrim hrim insûrtir lo dingin thu pe bawk ka tih.

ISAI 54:10

Tlâng lienhai chu fe hmang an ta, tlâng chînhai chu sawnin um bawk an tih; ka zainêmna ruok hi chu i kuoma inthawkin fe hmang naw ni a, ka remna thuthlung chu sawnin um bawk naw ni, Lalpa a lunginsiettu che chun a tih.

ISAI 56:5

an kuomah ka in sûnga le ka kul sûnghaia chun naupasalhai le naunuhmeihai neituhai nêk chun hriet zingna ṭha lem le hming ṭha lem pêng ka tih; an kuomah kumkhaw hming, sukbohmang nâwk ta naw ding pêng ka tih.

ISAI 60:13

Ka hmun inthieng cheimawi dingin Lebanon ropuina chu i kuomah hung a ta, fâr dâm, phân dâm, fârsuok dâm chu hung an tih; chuongchun, ka kein a sirna hmun chu sukropui ka tih.

ISAI 60:17

Dâr aiah rângkachak hung lâng ka ta, thîr aia khawm tangka hung lâng ka tih, thing aia khawm dâr, lung aia khawm thîr; lungmuongna chu i hotuah ruot bawk ka tih; felna chu nangma phûttuah ruot ka tih.

ISAI 60:21

I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

ISAI 61:3

vut aia pâr ṭhi hrui dâm, lungngai aiah hlimna hriek dâm, nguina thlarau aiah inpâkna silfên dâm an kuomah pêka, Ziona lungngaia umhai ta dinga ruotpêk ding dâmin a mi tir a nih; ama chu chawimawia a umna dingin, felna thing, Lalpa phunhai ti an ni theina dingin.

ISAI 63:12

A bân ropuitak Mosie changtienga infetirtu kha khâw lai am? Kumkhaw hming insiemna dinga an hmaa tui sukṭhetu kha khâwlai am?

ISAI 63:14

Ruoma ran zu fehai angin Lalpa thlarau chun anni chu ân châwltir a, chuong ang chun, hming ropuitak în siemna dingin, i mihai chu i ṭhuoi kha,” tiin.

ISAI 7:11

“Lalpa i Pathien kuomah inchikna hni rawh; inthûka manih, chungtieng insângtaka manih hni rawh,” a ta.

ISAI 7:19

Chuongchun, hung an ta, an rêngin vadung ruom se rek rukahai, lungpui pûka dâm, hlohlingnei po poa dâm, ran tlatna hmun po poahai fûng an tih.

ISAI 7:24

Ram po po chu buor le hlohlingnei hmun ruok a hung ni tâk leiin chutaka chun thal le thalngul chawiin fêng an tih.

JEREMIA 13:11

Hrênpuon chu mi kâwnga a kawp tlat angin, Juda sûngkuo po po le Israel sûngkuo po po chu keimaa kawp tlat dingin ka siem an nih, Lalpa chun a tih: keia ta dinga mihai an ni a, hming an ni a, inpâkna an ni a, ropuina an ni theina dingin, nisienlakhawm, an ngai si naw a.

JEREMIA 33:9

Chun, hnuoi chunga hnam po pohai, an chunga thil ṭha ka thaw po po hretuhai le, thil ṭha po po le thlamuongna po po a ta dinga kân neitir hretuhai ṭiin inthin an tih; ka ta dingin hi khawpui hi hlimna hming le, inpâkna ding le ropuina ding hung nîng a tih.

JEREMIA 50:5

Hma sawngin Zion chu râwn an ta, ‘Hung ve ro, theinghila um ta ngai lo ding chatuon thuthlung chun Lalpa chu hung zawm ve ro khai,’ tîng an tih.

EZEKIEL 28:24

“Chun, Israel sûngkuoa chun a suntu hling um ta naw ni a, an sîr vêla hling buoipuiumhai anni sukhmingse dinghai chu um ta naw ni a, chun, Lalpa Pathien chu ka nih ti mi hre tâng an tih.

MIKA 7:4

Anni laia mi ṭhatak khawm chu buor ang a na, mi indiktak khawm chu hlohlingnei nêkin a se lem; i vêngtuhai ni, fanga i um ni ngei chu a hung tlung tah, chu chu an lunginzîngna ni nîng a tih.

ZEKARIA 1:8

“Zâna hin thil ka hmu a, mi pakhat sakawr sen chunga chuong hi ka hmu a, ama chu hmun inruom inhmui thing lai hin a ngîr zing a; chun, a hnunga chun sakawr sen dâm, a buong dâm, a vâr dâm hi an um a.

LUKA 2:14

“A chunghnungtakah Pathien ropuitakin um raw se, hnuoi chunga a ditsak mihriemhai kuomah, inremna thu inlêng raw se.” an ti a.

JOHAN 15:8

Hi hi leiin ka Pa chu chawimawiin a um hlak, tamtaka in ra hin; chuongchun, ka închûktirhai nîng in tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:19

(In taksa hrât nawna leiin mihriem dânin thu ka hril a nih). In taksa pênghai chu inthieng nawna kuoma le bawsietna dinga bawsieta kuomah suoka in pêk phal ang khan, tuhin in taksa pênghai chu inthiengna dingin felna kuomah suok dingin pe phal ro.

2 KORINTH 5:17

Chuleichun, tûkhawm Kristaa a um chun thilsiem thar a hung ni ta a; thil hluihai chu a bo ta a, ngai ta u, a hung thar tah.

1 PETER 4:11

Mi tûkhawmin thu a hril chun Pathien thuhai angin hril raw se; mi tûkhawmin rawng a bâwl chun Pathienin hrâtna a pêk ang peiin bâwl raw se; chuongchun, Isu Krista leiin Pathien chu thil iengkimah chawimawiin um thei a tih, ropuina le rorêlna chu chatuona ama ta a ni si a. Amen.