ISAI 55:11 - Pathien Lekhabu Inthieng (BSI)

¹¹ chuong ang bawkin ka baua inthawka ka thu suok chu um a tih: iengkhawm thaw nei lovin ka kuomah hung kîr nâwk naw ni a, ka dit ang chu thaw lem a ta, thil thaw dinga ka tirnaa chun hlawtling bawk a tih.

ISAI 55:11 ပူးပေါင်းရင်းမြစ်များ

ISAI 40:8

Hlobet chu a vuoi a, a pâr chu a ṭuoi hlak: ei Pathien thu ruok hi chu chatuonin um zing a tih.”

ISAI 45:23

‘Khûp tinrêng chu ka hmaah dingṭhaṭhuon tâng an ta, lei tinrêng khawmin ṭawng inkhâmin thu tiem tâng an tih,’ tiin mâni le mâni insâlin ṭawng kân khâm tah; thu chu felna ruokin ka baua inthawkin a suok ta a, hung kîr nâwk ta naw nih.

ISAI 46:10

keiin a tâwp ding chu a tira inthawk hrimin ka hril hlak a, thil la thaw nawhai chu tienlaia inthawk khan ka hril ta hlak; “Ka remruot chu ngîrsuok a ta, ka dit zâwng po po chu thaw vawng ka tih,” ka ti a,

ISAI 53:10

Nisienlakhawm, Lalpain ama chu vuok thiduk a nuom hrim a nih; a sukna ta ngei a; a hringna chu suol ta dinga thilinhlâna a hmang pha chun, a chithla chu hmu tâng a ta, a dam sûng nihai chu suksei a ta, Lalpa dit zâwng chu a kuta hlawtlingin um a tih.

ISAI 54:9

Chu chu ka ta dingin Noa tuihai ang kha a ni si a; “Noa tuihai chun hnuoi chîm tlum nâwk ta naw ni,” tia ṭawng kân khâm ang khan, “I chungah lunginsen nâwk ta naw ning a, kâwk nâwk ta naw bawk ka ti che,” tiin ṭawng kân khâm tah a nih.

ISAI 59:21

“Kei chu hi hi a nih an kuoma ka thuthlung chu: ka thlarau i chunga um le, ka thu i baua ka siehai chun, tuta inthawka chatuon chen khawmin i bau chu suoksan naw ni hai a, i thlahai thla nâwk sâwng bau khawm suoksan bawk naw ni hai,” Lalpain a tih.

JEREMIA 1:11

Chu naw khawm chu Lalpa thu chu ka kuomah a hung tlung a, “Jeremia, ieng am i hmu a?” a mi ti a. Kei chun, “Almon thing hmawl ka hmu,” ka ti a.

JEREMIA 1:12

Lalpa chun ka kuomah, “I hmu ṭha ngawt el; ka thu chu sukpuitlinga um dingin ka tûng tlat a nih,” a ta.

JEREMIA 1:13

Chun, a vawi hninaa chun Lalpa thu chu ka kuomah a hung tlung a, “Ieng am i hmu a?” tiin. Kei chun, “Sumbepui so lai ka hmu a, chu hmai chu hmâr tienga inthawka hung ngha a nih,” ka ti a.

JEREMIA 23:20

Thawa a um hmakhat chun Lalpa lunginsenna chu hung kîr nâwk naw ni, a lungrila a thiltum a thaw hmakhat chun: hi hnung tienga chun la hung hre chieng hlêng in tih.

JEREMIA 25:13

Chu ram chunga ka thuhai tlung dinga ka hril tah, hi lekhabua ziek ta ngeihai, Jeremia chun hnamhai chu dodala a lo hril tahai ngei chu hung intlungtir ka ta.

EZEKIEL 24:14

Kei Lalpa chun ka hril ta a, hung tlung ngei a ta, thaw khawm thâwng ka tih, kîr nâwk naw ning a, hla naw nîng a, insîr bawk naw ning; i um dânhai ang pei le i thilthawhai ang peiin ro rêlpêk an ti che, Lalpa Pathien chun a tih,” tiin.

AMOS 6:11

Ngai ta u, Lalpa chun thu a pêk si a; chun, in lien chu chim rem rum a ta, in chîn khawm chu kak hek huk bawk a tih.

ZEKARIA 1:6

Amiruokchu, ka thuhai le ka thuruothai, ka siehlaw zâwlneihai thu ka ipêkhai chu, chuonghai chun in thlatuhai chu an hnawtphâk tah ni lo am a nih? Anni chu an ngha kîr a, ‘ei thilthawhai ang pei le, ei um dân ang peia sipaihai Lalpain ei chunga thaw dinga a ngaituo angtakin, chuong angtak chun ei chungah a thaw a ni hi,’ an ti a,” tiin.

NAMBAR 23:19

Pathien chu khêl inhlip mihriem el a ni nawh, Inkîr hmang mihriem naupa a ni bawk naw a, A hril ta chu a thaw naw ding am a nih? A lo hril ta chu a sukpuitling naw ding am a nih?

MATTHAI 24:35

Hnuoi le vân bo a ta, ka thu ruok chu bo naw ni.

JOHAN 6:63

Sukhringtu chu thlarau a nih, tisa chu ienga ṭhangkai a ni nawh; in kuoma thu ka hrilhai hi thlarau a nih, hringna khawm a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:17

Chuongchun, ringna chu hrietna leiin a hung um hlak a; chun, hrietna chu Isu Krista leiin a hung um.

1 KORINTH 1:18

Kraws thu chu bohmang zinghai ta ding chun invêtna a ni si a, eini sandam zinghai ta ding ruok chun Pathien thilthawtheina a ni lem.

DÂN PAHNINA 32:2

Ruotui angin ka thu chu sûr a ta, Dâidâw angin ka thu chu far a tih; Hlobet innotak chunga ruo ang le, Hlohna chunga ruomuolkhawi angin.

1 THESSALONIKA 2:13

Hi hi lei hin ma lovin Pathien kuomah lâwmthu kan hril bawk hlak, Pathien thu kan kuoma inthawka in hriet, in pawm lai khan, mihriem thu pawmin in pawm naw a, Pathien thu pawma in pawm lem lei khan; chu chu Pathien thu a ni hrim a, nangni a ringtuhai sûnga sin thaw hlak bawk chu a nih.

HEBRAIHAI 6:7

Hnuoi, a chunga ruotui tla rawp lo dâwn taa, thloa a umna sanhai ta dinga thlai fâk tlâk hung insuotu chun, Pathiena inthawkin malsâwmna a hmu hlak a nih.

JAKOB 1:18

A thilsiemhai hma ṭhuoitu ang ei lo ni theina dingin ama dit zâwngin thutaka inthawkin a mi nei a nih.

1 PETER 1:23

Chi se theia inthawkin ni lovin, Pathien thu hring zing le um zinga chun, chi se thei nawa inthawka pieng thar in ni si a.

1 SAMUEL 3:19

Chun, Samuel chu a hung inṭhanglien deu deu a, a kuomah Lalpa a um pei a; a thu hrim hrim chu leihnuoiah ân luonghmangtir el naw a.