ISAI 54:15 - Pathien Lekhabu Inthieng (BSI)

¹⁵ Ngai ta, an la pung khâwm a ni thei, nisienlakhawm, ka thu ni naw ni; nangma thaw dinga pung khâwm taphawt chu nangma leiin tlûng an tih.

ISAI 54:15 ပူးပေါင်းရင်းမြစ်များ

INPÂKNA HLABU 56:6

An inkhâwm a, an inbihmang a, Ka hniekhnung an inchik hlak a, Ka hringna sukbo tumin an inchân a;

ISAI 40:2

Jerusalem mihai kuomah thlamuongna tieng pangah thu hril unla, an indona chu a tâwp a, an suolna chu ngaidam an ni a, an thil suksuol po po aiah Lalpa kuta inthawkin a let hniin an hmu tah ti hril ro.

ISAI 43:14

Lalpa, nangni intlantu, Israelhai Mi Inthieng chun hieng ang hin a tih, “Nangni leiin Babulon khuoa chun sipaihai ka tir a; chuongchun, an rêng chun, Kaldaihai chu, an lâwmna lawngpuiahai chun mi tlân hmang ṭhuoiin ṭhuoi thlâng ka tih.

ISAI 54:16

Ngai ta, kei chun thirsu pûm zâpa a sinthawna ding hriem sut hlaktu chu ka siem a; keima bawkin sukse dingin suksetu ka siem a nih.

ZEKARIA 12:3

Chu nia chun hieng hi hung nîng a ta, hnam po pohai ta dingin Jerusalem chu lung phurriksakah siem ka ta, chuonga amaa insukriktuhai po po nasataka sukhliem nîng an ta; chuongchun, hnuoi chunga hnam po pohai a chunga chun inhâwrkhâwm an tih,” tiin.

ZEKARIA 12:9

Chun, chu nia chun Jerusalem hung thawtu hnam po pohai chu suksietna ding zawng vêng ka tih.

ZEKARIA 2:8

Lalpa chun hieng hin a tih: A ropuina ding ang peiin ama chun nangni suksetu cheu hnamhai kuoma chun a mi tir a; nangni tâwktu cheu chun ama mit naulêng a tâwk a ni si a:

THUPUONGSUO 16:14

Chuong chu khawhri thlarau, thilmak thaw hlakhai an nih. Anni chu Pathien Iengkimthawthei ni ropuia indonaa ṭhuoi khâwm dingin khawvêl po poa lalhai kuomah an fe a.