ISAI 54:13 - Pathien Lekhabu Inthieng (BSI)

¹³ I nauhai po po chu Lalpa inchûktirin um an ta, i nauhai lungmuongna chu nasatak nîng a tih.

ISAI 54:13 ပူးပေါင်းရင်းမြစ်များ

INPÂKNA HLABU 119:165

I dân ngainatuhai chun thlamuongna nasatak an nei a, Tlûkna hrim hrim an nei nawh.

INPÂKNA HLABU 119:33

Aw Lalpa, i thuruot lampui chu mîn entir la, Chuongchun, a tâwp chenin ka hraw ding annâwm.

INPÂKNA HLABU 147:14

I ramri sûnga chun inremna a siem a, Bu ṭhatak chiin a suksip hlak che a nih.

INPÂKNA HLABU 71:17

Aw Pathien, ka naupangtea inthawk nangin i mîn chûktir a, Tu chen hin i thilmak thawhai chu kân hriettir hlak.

ISAI 11:9

Ka tlâng inthienga hrim hrim chun insuknat um ta naw ni a, insuksiet um bawk ta naw ni; tuihai hin tuisuoriet ân khum zing angin, leihnuoi hi Lalpa hrietnain a sip zo vawng ta ding a nih.

ISAI 2:3

Chun, chi tamtakhai chu fêng an ta, “Hung unla, Lalpa tlângah, Jakob Pathien ina chun, hang fêng ei tiu; chuongchun, ama chun a lampui chanchinhai chu mîn chûktir a ta, a lampuiahai chun fêng ei tih,” tîng an tih. Ziona inthawk chun dân thu chu a hung suok ding a ni si a. Lalpa thu chu Jerusalema inthawkin a hung suok ding a nih.

ISAI 26:3

I chunga lungril innghattu chu nang a ring che leiin, lungmuongtaka um dingin vêng i tih.

ISAI 28:9

Hrietna tieng chu tu hîm ân chûktir ding a ni leh? Thucha chu tu hîm ân hriettir ding a ni leh? Nene nêk bân chauhai le nêne innêktir ta lohai hîm an ni ding?

ISAI 29:24

Thlaraua invâkhmanghai khawm chun hrethiem tâng an ta, mi chierhai chun thuinchûktir chu inchûktir tâng an tih,” tiin.

ISAI 48:18

Aw nangni hin ka thupêkhai chu lo ngai chu ni unla chu aw! In chungah inremna chu vadung ang ela umin, in felna chu tuipui infâwnhai ang elin a um ding bah;

ISAI 50:4

Mi sâwltak chu thua ka suksâwldam theina dingin Lalpa Pathien chun inchûktirhai lei a mi pêk a; ama chun tûk tinin a keihar a, inchûktirhaiin an hriet anga hre dingin ka na hi a keihar hlak.

ISAI 54:12

I sîp zumhai chu rubi lungin, i kawtkhârhai chu karbankle lungin, i kul po po chu lung mawihaiin siem ka tih.

ISAI 55:12

Hlimtaka suokin, lungmuongtaka ṭhuoi suokin in um ding a ni si a, tlâng lienhai le tlâng chînhai chun in hmaah hla sak suok phut an tih, phûl thing po pohai chun an kut ben bawk an tih.

ISAI 66:12

Lalpa chun hieng ang hin a ti si a, “Ngai ta u, inremna chu vadungpui ang elin a kuom chenin inluongtir ka ta, hnam tin ropuina chu vadungtê a kuong liem dûl dûl angin a kuom tlungin inluongtir bawk ka tih, chuongchun, chu chu nêng in tih; hmathlâk a ti cheu a, a khûp chunga chun inchâwmtir a ti cheu.

JEREMIA 31:34

chun, mi tinin mâni tuolbâwmhai chu inchûktir ta naw ni hai a, mâni unauhai seng leh; “Lalpa chu hre ro,” tiin inchûktir ta naw ni hai, anni a chîn taka inthawka a lien tak chenin kei an mi hriet vawng ta ding a nih, Lalpa chun a tih: an bawsietnahai chu ngaidam ka ta, an suolna khawm hre zing ta naw ning.

JEREMIA 33:6

Ngai ta u, hrisêlna le sukdamna intlungtir ka ta, anni chu sukdam ka tih; chun, an kuoma chun thudik le thlamuongna tamtak chu suklang bawk ka tih.

EZEKIEL 34:25

Anni le inremna thuthlung siem ka ta, rama inthawk chun ramsa rilohai chu inrêmtir vawng ka tih; thlalêra chun himtakin chêng an ta, rampui hnuoia chun zâl an tih.

EZEKIEL 34:28

Chun, khawhri be mihai ifâk zoin um ta ngai naw ni hai a, hnuoia ramsahai khawma anni chu fa zo bawk naw ni hai; amiruokchu, himtakin chêng an ta, tukhawma anni chu sukṭi ta naw ni hai.

EZEKIEL 37:26

Chu nawa khawm chun anni le chun inremna thuthlung siem ka ta, anni le chatuona thuthlung nîng a tih; chun, anni chu sieng ka ta, sukpung ka ta, anni laia chun ka hmun inthieng chu kumkhawtluongin sie tâng ka tih.

HOSEA 2:18

Chu nia chun ramsahai, chunglêng vatehai, hnuoia thilhringhai le an ta dingin thuthlung siem ka ta; thalngulhai, kâwlhnâm dâm le indo nahai hi hnuoia inthawkin sukbohmang ka ta, himtakin inum hmunkhattir ka tih.

MIKA 4:2

Chun, hnam tamtakhai chu fêng an ta, “Hung unla, Lalpa tlângah, Jakob Pathien ina chun hang fêng ei tiu; chuongchun, ama chun a lampui chanchinhai chu mîn chûktir a ta, a lampuihaia chun fêng ei ta, tîng an tih; Ziona inthawk chun dân thu chu a hung suok ding a ni si a; Lalpa thu chu Jerusalema inthawkin a hung suok ding a nih.”

ZEKARIA 10:7

Chun, Ephraimhai kha chu mi thilthawtheitak ang nîng an ta, uoin leiin an lungril chu hlim a tih; anih, an thlahai chu hmûng an ta, lâwm an tih; an lungril khawm chu Lalpaa chun lâwm bawk a tih.

MATTHAI 16:17

Chun, Isûn a kuomah, “Simon Bar-Jona, i hamṭha ie; tisa le thisenin ân hriettir che a ni si naw a, ka Pa vâna mîn ân hriettir lem che a nih.

LUKA 24:45

Chuongchun, Pathien Lekha Thu hrietna dingin an lungvar a sukvar ta a,

JOHAN 16:33

Hieng thu hi in kuomah ka hril ta hi, keimaa in thlamuongna dingin. Khawvêla hin rinumin in um hlak; nisienlakhawm, thlamuongtakin um ro, keiin khawvêl ka hne tah,” a ta.

JOHAN 6:45

Zâwlneihai Lekhabuah, ‘Pathien inchûktirin um vawng an tih,’ ti ziek a nih. Mi tin Pa thu hrea inchûk taphawt chu ka kuomah an hung hlak.

THILTHAWHAI 2:39

A tiem kha, nangni ta ding khawmin, in nauhai ta ding khawmin, hlataka mi po po ta ding khawmin, Lalpa ei Pathienin a kuoma a kohai taphawt ta dingin a ni ie,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:17

Pathien ram chu dâwn le fâk tieng thu a ni si naw a; felna dâm, inremna dâm, Thlarau Inthienga lâwmna dâm a ni lem ie.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:13

Thlarau Inthieng thilthawtheina zâra beiseina in hau theina dingin Beiseina Pathien chun ring leia lâwmna le inremna tinrêngin suksip raw se cheu.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:1

Chuleiin, ringna leia thiem changa umin, ei Lalpa Isu Krista leiin Pathien le inremin ei um a;

1 KORINTH 2:10

Keini ruok chu chuong chu Pathienin Thlarauin a mîn hriettir tah a nih; Thlarau chun iengkim a suisuok hlak si a; anih, Pathien thu inril khawm.

GALATI 5:22

Thlarau ra ruok chu hmangaina dâm, hlimna dâm, inremna dâm, dawtheina dâm, ngilneina dâm, ṭhatna dâm, ringumna dâm,

EPHESI 4:21

a rawl chu in ngai ta a, ama inchûktirhai in ni angin Isua thutak um chu inchûktirin in um ta a.

PHILIPPI 4:7

Chuongchun, Pathien thlamuonna, lungril hrim hrima hriet sênglo khan, in lungril le in ngaituonahai chu Krista Isua chun vêngpêk a ti cheu.

1 THESSALONIKA 4:9

Amiruokchu, unauhai, hmangai kawng thu chu ziek pêk cheu in ngai nawh, inhmangai tuo dingin nangni ngei Pathien inchûktirin in um si a.

HEBRAIHAI 8:10

Chuong ni hnunga chun Israel sûnghai kuoma Thu ka thlung ding chu hieng hi a nih, Lalpain a tih; An lungrilah ka thupêkhai sieng ka ta, An lungrilah ziek bawk ka ta; Chun, anni ta dingin Pathien nîng ka ta, Keia ta dingin anni chu ka mihai ni bawk an tih:

HEBRAIHAI 8:11

Chun, mi tinin, ‘Lalpa chu hre rawh,’ tiin Mâni tuolbâwm le, Mâni unau inchûktir ta naw ni hai a, A chîn taka inthawkin a lien tak chenin, An rêngin an mi hriet seng ta ding leiin.

1 JOHAN 2:20

Mi Inthieng kuoma inthawkin hriek nâlna in chang a, iengkim in hriet a nih.

1 JOHAN 2:27

Nangni chu ama kuoma inthawka hriek nâlna in hmu kha nangniah a umzing a, tu inchûktir khawm in ngai nawh, ama hriek nâlna chun thil po po thu ân chûktir lem cheu lei le, indiktak a na, khêl khawm a ni naw leiin, chu chu ân chûktir ang cheu khan amaah um zing ro.