ISAI 54:10 - Pathien Lekhabu Inthieng (BSI)

¹⁰ Tlâng lienhai chu fe hmang an ta, tlâng chînhai chu sawnin um bawk an tih; ka zainêmna ruok hi chu i kuoma inthawkin fe hmang naw ni a, ka remna thuthlung chu sawnin um bawk naw ni, Lalpa a lunginsiettu che chun a tih.

ISAI 54:10 ပူးပေါင်းရင်းမြစ်များ

2 SAMUEL 23:5

Ei sûngkuo chu Pathien kuoma inthawk a ni naw am a nih? Chatuon thuthlung ka kuomah a thlung a; Iengkim fel le suknghet tlatin; Ka sandamna kim le duthusâm kim, Ân der suoktir naw ding maw?

INPÂKNA HLABU 102:26

Chuonghai chu la bohmang a ta, nang ruok chu um zing i tih. Anih, chuong po pohai chu silfên angin la hlui a ta, Puon angin thleng i ta, hung danglam tâng a tih.

INPÂKNA HLABU 46:2

Chuleiin, leilung hi hung danglamin, Tlânghai hi tuisuoriet sûng daiah insawn sien khawm ṭi nâwng ei ta;

INPÂKNA HLABU 46:3

A tuihai chu inri hum humin, so bur bur sienla khawm, A fâwn nasa leiin tlânghai hi inhnîng dur dur sien khawm ṭi chuong bawk nâwng ei tih.

ISAI 49:10

An phîngṭâmin dangchâr naw ni hai a; lumin sukrinumin nisain em bawk naw ni; anni lunginsiettu chun a ṭhuoi ding a ni si a; tuihnâr kâwlahai ngei chun a ṭhuoi ding a nih.

ISAI 49:15

Nuhmeiin a naupa, a rîla ra chu, lunginsiet nawna dingin a nau nêne ne lai chu a theinghil thei am a nih? Chuonghai chun an theinghil thei a ni thei a, nisienlakhawm, kei chun theinghil naw ning che.

ISAI 54:8

Ka lunginsen luotin mitkhapkâr nanga tieng ka hmai ka thup a; nisienlakhawm, kumkhawtluong zainêmnain lunginsiet ka ti che, Lalpa nangma intlantu chun a tih.

ISAI 55:12

Hlimtaka suokin, lungmuongtaka ṭhuoi suokin in um ding a ni si a, tlâng lienhai le tlâng chînhai chun in hmaah hla sak suok phut an tih, phûl thing po pohai chun an kut ben bawk an tih.

ISAI 55:3

In na hung sit unla, ka kuomah hung ro; ngai unla, chuongchun, in hringna chu hring a tih; chun, in kuomah kumkhaw thu thlung ka tih; David kuoma lunginsietna tiem tlat tahai chu.

ISAI 55:7

mi rilo chun a um dân chu bânsan sienla, mi fel naw chun a ngaituonahai chu bânsan bawk raw se; Lalpa kuomah kîr nâwk raw se; chuongchun, ama chun lo lunginsiet a ta; ei Pathien kuomah kîr nâwk raw se, ama chun a lo ngaidam nasa khawp âwm si a.

ISAI 59:21

“Kei chu hi hi a nih an kuoma ka thuthlung chu: ka thlarau i chunga um le, ka thu i baua ka siehai chun, tuta inthawka chatuon chen khawmin i bau chu suoksan naw ni hai a, i thlahai thla nâwk sâwng bau khawm suoksan bawk naw ni hai,” Lalpain a tih.

ISAI 61:8

Kei Lalpa hin rorêlna fel ka ngaina hlak si a, khawhlotaka inram el hi ka theida hlak a, chuongchun, anni ka thungna chu titakmeuin an kuomah pêng ka tih, an kuomah kumkhaw thu thlung bawk ka tih.

ISAI 63:7

Lalpain thil iengkima a mi vur ang peiin Lalpa zainêmzie thuhai le Lalpa inpâkna thuhai chu hril ka tih; a lunginsietnahai ang pei le a zainêmna nasatzie ang peia Israel sûnghai chunga a ṭhatna nasataka an chunga a vur thu khawm kha hril bawk ka tih.

ISAI 9:6

Ei ta dingin naupang a hung pieng a, naupa pêkin ei um ta a; rorêlna chu a liengkoah chuong a ta, a hminga chun Remruottu Mak, Pathien Hrât, Chatuon Pa, Remna Lal an ti ding a ni si a.

JEREMIA 31:36

Hieng thil ruothai hi ka hmaa inthawka an lo fe hmang chun, Israel khawm chu kumkhuoa dingin ka hmaa chun hnam an ni chu bo ve bawk a tih.

JEREMIA 33:20

“Lalpa chun hieng hin a tih: sûn le zân an huntaka um lo dinga ka sûn thuthlung le ka zân thuthlung hi in suksiet thei a ni chun,

EZEKIEL 16:42

Chuongchun, ka lunginthakna chu i chungah hrîtthlâng ka ta, ka îtthîkna chu nangmaa inthawk chun fe hmang tâng a ta, to ṭawk ṭawk ka ta, lunginsen nâwk ta naw ningah.

EZEKIEL 34:25

Anni le inremna thuthlung siem ka ta, rama inthawk chun ramsa rilohai chu inrêmtir vawng ka tih; thlalêra chun himtakin chêng an ta, rampui hnuoia chun zâl an tih.

MALAKI 2:5

Ka thuthlung chu ama ta ding chun hringna le muongna a na; a ṭi theina ding le, ka hming a ṭina ding le, ka hming ṭiha a ngîr theina dingin a kuoma chun ka pêk a nih.

NAMBAR 25:12

Chuleiin, ka remna thuthlung chu a chungah thlung ka ta,

MATTHAI 16:18

Chun, nang Peter i nih ti ka hril che; hi lungpui chunga hin ka kohran rem ka ta, mithi khuo kul kawtkhârhai chun chu chu ngam naw ni hai.

MATTHAI 24:35

Hnuoi le vân bo a ta, ka thu ruok chu bo naw ni.

MATTHAI 5:18

Titakzetin ka hril cheu hi, hnuoi le vân hi a bo hmakhat chun Dân thua sunhâng chite amanih, thaihâng chite amanih, pakhat khawm, bo naw tawp a tih, a rênga a tlung kim hmakhat chun.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:29

Pathienin a thilthlâwnpêkhaia le a konaa chun a lungril a lêt ngai si naw a.

TITA 3:5

thil feltaka thaw, eini ngeia thawhai chu, chu lei chun ni lovin, Thlarau Inthieng siem tharna sâwpna le siem ṭhat nâwkna chun, a lunginsietna chun a mi sandam tah.

HEBRAIHAI 12:27

Chun, “Vawi khat la sukhnîng nâwk ka tih,” ti hin thil inhnîng nawhai chu a um zing theina dingin thil hung inhnînghai chu thil siemhai ang elin sawn hmangin a um ding a nih ti ân hriettir a.

THUPUONGSUO 6:14

Vân chu lekhabu zuolmi zuola ân hmang angin, ân hmang ta a; tlâng le thlierkâr tinrêng chu an umnaa inthawkin sawnin an um ta a.