ISAI 53:7 - Pathien Lekhabu Inthieng (BSI)

⁷ Ama chu nêksawr le sukrinumin a um a, nisienlakhawm, ân ngaitlâwm a, a bau khawm a ka nawh; berâmte that dinga an ṭhuoi ang le berâm a hmul vâwtu hmaa to zinga a um ang elin, anih, a bau a ka nawh.

ISAI 53:7 ပူးပေါင်းရင်းမြစ်များ

INPÂKNA HLABU 38:14

Anih, mi ṭawng hre theilo, A baua hrângna thu hrim suok ngailo angin ka um.

INPÂKNA HLABU 38:15

Aw Lalpa, nangma ka beisei si che a, Aw Lalpa ka Pathien, nangin mi dawn i tih.

INPÂKNA HLABU 44:22

Anih, nangma leiin sûnnithlâka thatin kan um hlak a, Berâm that dinghai anga ngai kan nih.

ISAI 50:6

Ka ruongzâng hi vawtuhai kuomah ka daw a, ka bienghai hi hmul phawituhai kuomah ka daw bawk a; muolphonaa le chilsâkkhumnaah ka hmai ka hup nawh.

ISAI 53:6

Ei rêng hin berâm angin ei invâk hmang a, mâni lampui sengah ei pêt a; Lalpa chun ama chunga chun ei rênga khawhlona chu ân nghat ta a.

JEREMIA 11:19

Nisienlakhawm, berâmte zainêm a thattu hmaa ṭhuoia um ang chu ka na, “Thing chu chutaka a ra le chun suksieng ei ta, ama chu mi hring rama inthawk chun tuthlâr ei ta, a hming chu hriet zing a ni nawna dingin,” tia, ka chunga thu phierrûk an phier khawm chu ka lo hriet naw a.

NAMBAR 7:27

pumrawhmang thilinhlâna dingin bâwngchal tuoi pakhat, berâmchal pakhat, berâmte a chal kum khat mi pakhat;

MATTHAI 26:63

Chun, Thiempu Laltak chun a kuomah, “Pathien hring hmingin ka vau che, Krista, Pathien Naupa chu i ni am a nih? mi hril rawh,” a ta.

MARKA 14:61

Ama ruok chu a to zing a, iengkhawmin a dawn naw a. Thiempu Laltak chun a kuomah, “Krista, Inpâk tlâk Naupa chu i ni maw?” tiin ân dawn a.

MARKA 15:5

Isu ruok chun iengkhawmin a dawn ta naw a: chuleichun, Pilat chun mak a ti hle a.

LUKA 23:9

Chun, thu tamtak ân dawn a, iengkhawmin a dawn si naw a.

JOHAN 1:29

Chun, a zînga chun Johanin Isu a kuoma hung ding a hmu a. Chun, a hril a, “En ta u, Pathien Berâmte khawvêl suol fepuitu ding saw!

JOHAN 19:9

a inah a lût nâwk a, Isu kuomah, “Khâwtienga mi am I ni a?” a ta. Nisienlakhawm, Isûn a dawn nawh.

1 PETER 2:23

Mi hala a um laiin a hal ve thung naw a, a tuor laiin a vau naw a, feltaka ngaituo hlaktu kuoma chun ân pêk lem a nih.

THUPUONGSUO 5:6

Chun, lalṭhungpha le thilhring pali hai inkârah, upahai laia chun, Berâmte that ta hnung ang, ki pasari le mit pasari nei, ngîr ka hmu a, chuong mit pasari chu Pathien Thlarau pasari, hnuoi chung po poa tir suokhai chu an nih.