ISAI 53:6 - Pathien Lekhabu Inthieng (BSI)

⁶ Ei rêng hin berâm angin ei invâk hmang a, mâni lampui sengah ei pêt a; Lalpa chun ama chunga chun ei rênga khawhlona chu ân nghat ta a.

ISAI 53:6 ပူးပေါင်းရင်းမြစ်များ

INṬANNA 22:6

Abraham chun pumrawhmang inhlânna thing chu a lâk a, a naupa Isak chu ân puttir a: ama chun mei le chemte a chawi a, chuongchun, an pahni chun an fe ta a.

INPÂKNA HLABU 119:176

Berâm inhmang angin kân vâkhmang a, i siehlaw hi zawng rawh. I thupêkhai chu ka theinghil ngai si nawh.

INPÂKNA HLABU 69:4

A san boa a mi theidatuhai chu ka samzai nêkin an tam lem a, Indiknawtaka mi doa, mi sukbohmang tumtuhai chu mi hrâttak an nih, Kân rûk dêr naw khawm an min rultir a.

ISAI 40:2

Jerusalem mihai kuomah thlamuongna tieng pangah thu hril unla, an indona chu a tâwp a, an suolna chu ngaidam an ni a, an thil suksuol po po aiah Lalpa kuta inthawkin a let hniin an hmu tah ti hril ro.

ISAI 53:10

Nisienlakhawm, Lalpain ama chu vuok thiduk a nuom hrim a nih; a sukna ta ngei a; a hringna chu suol ta dinga thilinhlâna a hmang pha chun, a chithla chu hmu tâng a ta, a dam sûng nihai chu suksei a ta, Lalpa dit zâwng chu a kuta hlawtlingin um a tih.

ISAI 53:11

A hringna sininrim ra chu hmûng a ta, lungawi tâng a tih; ka siehlaw feltak chun a hrietnain mi tamtak chu thiem inchangtir a ta, an khawhlonahai chu phurpêk a tih.

ISAI 53:12

Chuleiin, ama chu mi lienhai chanvo ang sem vêng ka ta, ama chun râllâk sumhai chu mi hrâthai sem vêng a tih; a hringna chu thi khawp raka a bunthlâk a, bawsetuhai laia tiemsaa a um leiin; nisienlakhawm, mi tamtak suolna chu a phur a, bawsetuhai ta ding chun a ṭawngṭaipêk a.

ISAI 53:5

Nisienlakhawm, ama chu ei bawsietnahai leiin inhliemin a um a, ei khawhlonahai leiin vuok thidukin a um a; ei thlamuongna dinga thununna chu a chungah a tla a , a vuokna invuolhaia sukdamin ei um tah.

ISAI 53:7

Ama chu nêksawr le sukrinumin a um a, nisienlakhawm, ân ngaitlâwm a, a bau khawm a ka nawh; berâmte that dinga an ṭhuoi ang le berâm a hmul vâwtu hmaa to zinga a um ang elin, anih, a bau a ka nawh.

ISAI 55:7

mi rilo chun a um dân chu bânsan sienla, mi fel naw chun a ngaituonahai chu bânsan bawk raw se; Lalpa kuomah kîr nâwk raw se; chuongchun, ama chun lo lunginsiet a ta; ei Pathien kuomah kîr nâwk raw se, ama chun a lo ngaidam nasa khawp âwm si a.

ISAI 55:8

Ka ngaituohai hi i ngaituohai a ni si naw a, i um dânhai chu ka um dân a ni bawk nawh, Lalpain a tih.

ISAI 56:11

Anih, uihai chu duâmtak an na, huntâwk ti hrim an nei ngai nawh; chuong chu berâm vêngtu thil hre theilohai an na, mâni lampui pei, mâni hlâwkna tieng seng, an ngha vawng tâwl, an rêng elin.

ISAI 6:7

ka bau a hang bel a, “Ngai rawh, hi hin i hmûr a tâwk tah; chuongchun, i khawhlona lâk hmang a ni ta a, i suol khawm tlêngfai a ni tah,” a ta.

ISAI 66:3

Bâwngchal thattu chu mihriem thattu ang a na; berâmtea inthâwitu chu ui rîng suktliektu ang a nih; thilpêk inhlântu chu vawk thisen inhlântu ang a nih; beraw rawtu chu milim malsâwmtu ang a nih, anih, anni lampui chu an thlang ta a, an thil tirdakumahai chun an lungril a lâwm hlak.

JEREMIA 50:6

“Ka mihai chu berâm inhmanghai an lo ni ta a, an vêngtuhai chun anni chu tlângahai chun inherhmangtirin, an ṭhuoi hmang a; tlânga inthawkin muola dâm chun an fe a, an riekna hmun chu an theinghil ta a.

EZEKIEL 3:18

Mi rilo kuomah thu ka hril a, ‘Nang chu matheilovin i thi ngei ding a nih,’ ka ti a, ama chu vaulâwkna khawm i lo pêk naw a, a hringna chu sanhimna dinga mi rilo chu a lampui rilova inthawk hung kîr dinga vaulâwkna i lo hril si naw chun; chu mi rilo chu ama suol ngeia chun thîng a tih, amiruokchu, a thisen maw chu nangmaa chun ka hung phût ding a nih.

DANIEL 9:5

kan lo suol ta a, indiklotakin kan lo thaw ta a; khawhlotakin kan lo thaw ta a, kan lo hel ta a; i rorêlnahai le thupêkhaia inthawka lo inher hmangin;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:25

Chu Isu chu ei suolna leiin inmantirin a um a, thiem ei changna dingin keithoin a um bawk a.

JAKOB 5:20

mi suol a lampui inhmangnaa innghat kîrtirtu chun thinaa inthawkin a thlarau sandam a ta, suol tamtak inkhumpêk bawk a tih ti inhre raw se.

1 PETER 2:25

Berâm inhmang anga in inhmang kha, tu ruok hin chu in thlarau vêngtu le, Hotu kuoma chun in kîr nâwk ta hi.

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk si a, mi fel chun mi fel naw aiin a tuor a, taksaa sukhlumin a um a, thlaraua ruok chun sukhringin a um tah.

RORELTUHAI 21:25

Chuong lai chun Israelhai lai lal hrim an um naw a, mi tinin mâni ṭha ti zâwng sengin an thaw el a nih.