ISAI 53:5 - Pathien Lekhabu Inthieng (BSI)

⁵ Nisienlakhawm, ama chu ei bawsietnahai leiin inhliemin a um a, ei khawhlonahai leiin vuok thidukin a um a; ei thlamuongna dinga thununna chu a chungah a tla a , a vuokna invuolhaia sukdamin ei um tah.

ISAI 53:5 ပူးပေါင်းရင်းမြစ်များ

INṬANNA 3:15

nang le nuhmei hi indotir ka ti cheu a, i thlahai le a thlahai khawm lân dotir bawk ka tih; ama chun i lu la sukthitling a ta, nangin a kekhawng la sukthitling i tih,” a ta.

JOB LEKHABU (THE BOOK OF JOB) 33:24

Ama chun a chunga chun zângaiin, ‘Khur sûnga fenaa inthawkin ama chu sanhim ro, Intlanna ka hmu suok ta a.

INPÂKNA HLABU 30:2

Aw Lalpa ka Pathien, Ka ko che a nangin i mi sukdam ta a.

THUVARHAI 20:30

Hliem khawpa vuokna chun thil ṭha naw a sukfai a, Vuoknahai chun phing sûng sûngril hmunhai chu a sukfai.

ISAI 40:2

Jerusalem mihai kuomah thlamuongna tieng pangah thu hril unla, an indona chu a tâwp a, an suolna chu ngaidam an ni a, an thil suksuol po po aiah Lalpa kuta inthawkin a let hniin an hmu tah ti hril ro.

ISAI 57:18

A um dânhai chu ka hmu a, ama chu sukdam ka tih; ṭhuoi bawk ka ta, ama le a sûnpuituhai kuomah lungmuongnahai pe nâwk ka tih.

ISAI 6:7

ka bau a hang bel a, “Ngai rawh, hi hin i hmûr a tâwk tah; chuongchun, i khawhlona lâk hmang a ni ta a, i suol khawm tlêngfai a ni tah,” a ta.

DANIEL 9:24

Hapta sâwm sarihai chu i mihai le khaw inthieng ta dinga bawsietnahai insûmna ding le suolnahai bânsanna ding le, khawhlona ta dinga inremna siema, kumkhuoa felna chu insuona ding le, thilhmulâwk le hrillâwkna chu khârkhumna ding le, Hmun Inthiengtak chu hriek nâlna hun dinga pêk a nih.

ZEKARIA 13:7

“Aw kâwlhnâm, ka berâmpu chunga le, mi ka ruolpâwl chunga chun har rawh,” sipaihai Lalpa chun a tih. “Berâmpu chu vaw la, berâmhai chu indar an tih; chun, a chînhai chunga chun kei khawma ka kut inlet ka tih,” tiin.

MATTHAI 20:28

Mihriem Naupa hi rawngbâwlpêka um dinga hung a ni naw a, rawngbâwl ding le mi tamtak intlanna dinga, a hringna pe lem dinga a hung ang hin,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:25

Chu Isu chu ei suolna leiin inmantirin a um a, thiem ei changna dingin keithoin a um bawk a.

1 KORINTH 15:3

A hmasatakin, ka ihmu ve bawk chu ka hril sâwng cheu kha; khânga Krista chu Pathien Lekha thu hril ang peia ei suolhai leia a thi a,

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

EPHESI 5:2

Chun, Kristain a hmangai cheu a, riminhnik dinga Pathien kuoma thil inhlâna ding le, inthâwinaa ei aia ân pêk ang bawk khan, hmangainaah um ro.

DÂN PAHNINA 11:2

Tuhin lo hre unla, Lalpa in Pathien thununna dâm, a ropuizie dâm, a bân hrâtzie dâm, a bân pharzie dâm,

HEBRAIHAI 10:10

Chu chu dit zâwng chun, Isu Krista taksa vawi khata hlân nghâl lei khan sukthiengin ei um tah.

HEBRAIHAI 10:14

Thil inhlân ṭum khat chauin sukthieng tahai chu chatuona dingin a sukfamkim ta si a.

HEBRAIHAI 5:8

Naupa rau ni sienla khawm a thil tuorhaia chun thu âwi ân chûk ta a nih;

HEBRAIHAI 9:28

chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang lovin vawi hninaah hung inlang nâwk a tih.

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk si a, mi fel chun mi fel naw aiin a tuor a, taksaa sukhlumin a um a, thlaraua ruok chun sukhringin a um tah.