ISAI 53:3 - Pathien Lekhabu Inthieng (BSI)

³ Ama chu mihriemhai hmusit le dit nawin a um a; lungngainahai nei mi le natna hre mi a na, mihaiin an hmai an hipsan ang ang chun ama chu hmusitin a um a, eini hlak chun ama chu ei ngaisâng si nawh.

ISAI 53:3 ပူးပေါင်းရင်းမြစ်များ

INPÂKNA HLABU 69:29

Nisienlakhawm, kei chu rimsitak le lungngaitak ka na, Aw Pathien, i sandamna chun hmun insângah mi sie raw se.

INPÂKNA HLABU 88:4

Khursûnga zu fehai laia tiemsa ka na, Hrâtna hrim hrim neilo mi ang ka nih.

ISAI 49:7

Lalpa Israelhai intlantu le an Mi Inthieng chun, nasataka hmusita um le hnamhai iten, rorêltuhai siehlaw kuoma chun hieng ang hin a hril, “Lalpa ringum, Israelhai Mi Inthieng, nangma thlangtu lei khan lalhaiin hmûng an ta, tho an tih; mi lienhai khawma chibai bûk an tih,” tiin.

ISAI 50:6

Ka ruongzâng hi vawtuhai kuomah ka daw a, ka bienghai hi hmul phawituhai kuomah ka daw bawk a; muolphonaa le chilsâkkhumnaah ka hmai ka hup nawh.

ISAI 52:14

Mi tamtakin mak an ti hle che angin, (a hmêl chu mihriem hmêl nêk hmana suksietin a um a, a pienken chu mihriem nauhai pienken nêk hmana suksietin a um a),

ISAI 53:10

Nisienlakhawm, Lalpain ama chu vuok thiduk a nuom hrim a nih; a sukna ta ngei a; a hringna chu suol ta dinga thilinhlâna a hmang pha chun, a chithla chu hmu tâng a ta, a dam sûng nihai chu suksei a ta, Lalpa dit zâwng chu a kuta hlawtlingin um a tih.

ISAI 53:4

Ama chun ei natnahai phurin, ei lungngainahai khawm a phur ngei a; nisienlakhawm,eini chun lungngaina ivurkhumah, Pathien vuokah, sukrinumah, ei ngai si a.

MIKA 5:1

Aw sipai ruol naunu, tuhin sipai ruolah inpunkhâwm la, ama chun a mîn huol tah a na, Israelhai rorêltu chu a bekah hmawlin vuong an tih.

ZEKARIA 11:8

Chun, thla khat sûngin berâmpu pathumhai chu ka pei thlâk a; ka lungrilin anni chu a nghawk a, anni lungril khawma kei an mi nghawk bawk si a.

MATTHAI 26:67

Chun, a hmaiah chil an sâk a, kutin an hnek a; a ṭhenin an ben a,

MATTHAI 27:63

“Pu, chu hlêmtu chun, a dam lai khan ‘Ni thum chenah thonâwk ka tih,’ a ti kan hriet zing a.

MARKA 10:33

“Ngai ta u, Jerusalemah ei hang fe nâwk ding a ni hi; Mihriem Naupa hi thiempu lalhai le Dân inchûktirtuhai kuoma inmantirin a la um ding a nih. Anni chun thi dingin a chungah thu rêlthlûng an ta, Jentailhai kuomah pêng an tih.

MARKA 10:34

Chun, nuizat siemnân hmang an ta, chil sâk khum an ta, vuong an ta, sukhlum an tih; chun, ni thum chenah thonâwk a tih,” tiin a chunga thil hung tlung dinghai chu an kuomah a hril ta a.

MARKA 14:34

Chuongchun, an kuomah, “Ka lungril a lungngai bêk bêk a, thipui khawp rau a nih, hitaka hin um unla inring zing ro,” a ta.

MARKA 15:19

Chun, a lua chun luongin an vuok a, chil an sâk khum a, dingṭhaṭhuonin chibai an bûk a.

MARKA 9:12

Ama chun an kuomah, “Elija chu hung hmasa hrim a ta, iengkim a siem ṭha ding a nih: thil tamtak tuorin, mi hmusitin a um ding a nih ti Mihriem Naupa chanchin iengtiziea ziek am an na?

LUKA 16:14

Chun, Pharisai tangka ngainatuhai chun chuong thu chu an hriet a, an nuisan a.

LUKA 19:41

Chun, a tlung ding ṭepin, khuo chu a hmu a, a ṭap ngha a,

LUKA 8:53

Chun, a thi tain an hriet zing si a, an nuisan el a.

LUKA 9:22

“Mihriem Naupa hin thil tamtak a tuor ding a na, upahai, thiempu lalhai, Dân Inchûktirtuhai dit nawin a um ding a na, thatin a um ding a na, ni thum niah keithoin a um bawk ding a nih,” a ta.

JOHAN 11:35

Isu a ṭap ta a.

JOHAN 8:48

Chun, Judahai chun a kuomah, “Samari mi khawhri zâwl i nih kan ti kha kan ti indik ngawt a ni naw am a nih?” an ta, an dawn a.

DÂN PAHNINA 32:15

“Jakobin khawptakin a fâk a, Jesurun chu a hung hausa a, a hung hel ta a. A hung thâu a, a hung inchawm a, a hung nâm ta a; A siemtu Pathien a nghatsan a, A sandamna Lungpui chu a ngainêp a.

HEBRAIHAI 4:15

Thiempu Laltak ei hrâtnawnahai mi hrietpui phâk lo nei ei ni si naw a. Eini anga kawng tinrênga thlêmna tuok tah, suol ruok chu suol lo nei ei ni lem.

HEBRAIHAI 5:7

Ama chun hnuoi taksa a put lai nihaia khan thinaa inthawka ama sandam theitu kuoma khan nasataka khêkin, mitthli tla pumin ṭawngṭainahai le hninahai ân hlân a, inzâ taka ân pekna leiin ngaithlâkin a um a,