ISAI 53:2 - Pathien Lekhabu Inthieng (BSI)

² A hmaa chun thil ṭo innotak angin ama chu ân dâwn suok si a, hnuoi ṭâwla zung angin a hung kak suok bawk a nih; pienken ṭhatna le hmêl mawina hrim hrim a nei naw a, ama ei hmuin ama ei ditna dingin mawina hrim hrim a nei nawh.

ISAI 53:2 ပူးပေါင်းရင်းမြစ်များ

ISAI 11:1

Jessai a bula inthawkin a dâwn hung suok a ta, a zunga inthawka kak suokhai chu râng a tih;

ISAI 4:2

Chu ni chun Lalpa kâu chu mawitak le ropuitakin um a ta, Israelhai a la damhai ta ding chun hnuoia rahai chu ṭhatak le mawitakin um a tih.

ISAI 52:14

Mi tamtakin mak an ti hle che angin, (a hmêl chu mihriem hmêl nêk hmana suksietin a um a, a pienken chu mihriem nauhai pienken nêk hmana suksietin a um a),

ISAI 9:6

Ei ta dingin naupang a hung pieng a, naupa pêkin ei um ta a; rorêlna chu a liengkoah chuong a ta, a hminga chun Remruottu Mak, Pathien Hrât, Chatuon Pa, Remna Lal an ti ding a ni si a.

JEREMIA 23:5

Ngai ta, nihai chu a hung tlung mêk; Lalpa chun a tih: David-a hin kau feltak chu hung inṭotir ka ta, ama chun lal angin rorêl a ta, vartakin thâwng a ta; rama chun rorêlna le felna chu suksuok a tih.

ZEKARIA 3:8

Tuhin thiempu lal aw Josua, nang le i hmaa i rawihai ṭhung hlakhai le chun ngai ta u; inchikna dinga mihai an ni si a; ngai ta u, a Kau, ka siehlaw chu ka hung lâk suok ding a ni si a.

ZEKARIA 6:12

chun, a kuoma chun hril la, ‘Sipaihai Lalpa chun hieng ang hin a tih: Ngai ta, mi pakhat a hming chu Kau a nih; ama chu a hmuna inthawkin hung inṭhang a ta, Lalpa biekin chu hung bâwl a ta:

MARKA 6:3

Hi mipa hi Mari naupa, Jakob hai, Jose hai, Juda hai, Simon hairawi unaupa, thingrem siemtu kha a ni naw am a nih? A farnuhai khawm hitaka ei kuoma um an ni nâwm a nih?” an ta, mak an ti hle a. Chuongchun, a chungah an lungni ta naw a.

MARKA 9:12

Ama chun an kuomah, “Elija chu hung hmasa hrim a ta, iengkim a siem ṭha ding a nih: thil tamtak tuorin, mi hmusitin a um ding a nih ti Mihriem Naupa chanchin iengtiziea ziek am an na?

LUKA 2:7

Chun, a nau lutîrah naupasal a nei a; puonin a tuom a, khuolbûkah an inleng ve naw leiin ran bu pêkna thlêngah ân zâltir a.

LUKA 9:58

Isûn a kuomah, “Sihalhaiin kuo an nei a, chunga vatehai khawmin bu an nei a, Mihriem Naupa ruok hin chu a lu innghatna a nei nawh,” a ta.

JOHAN 18:40

Chun, anni chu an khêk nâwk a, “Hi mipa hi chu ni naw raw se, Barabba kha ni lem raw se,” an ta. Barabba chu suomhmang a nih.

JOHAN 19:5

Chun, Isu chu hling lukhum le puon sen duk chu sil pumin a hung suok a. Chun, Pilatin an kuomah, “En ta u, mihriempa hi,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:3

Tisa leiin Dân chu a hrât naw a, a thaw thei ruol naw chu Pathienin ama Naupa ngei tisa suol ang putin suol thawina dinga hung tirin, tisaa suolna um chu thiemnaw ân changtir tah a nih,

1 PETER 2:14

thil suksuoltuhai chunga phuba la ding le, thil sukṭhatuhai inpâk dinga ama itir sâwng Bawrsâp kuoma khawm.