ISAI 52:6 - Pathien Lekhabu Inthieng (BSI)

⁶ Chuleiin, ka mihai chun ka hming hrieng an tih; ngai ta, keima hi ka nih,” tiin.

ISAI 52:6 ပူးပေါင်းရင်းမြစ်များ

INPÂKNA HLABU 48:10

Aw Pathien, i hming ang ngeiin, Nangma inpâkna chu kâwlkawdawng chenin a um a; I kut changtieng chu felnain a sip a nih.

FESUOKNA 3:13

Mosie chun Pathien kuomah, “Ngai ta, Israel mihai kuom ka va tlunga an kuomah, ‘In thlatuhai Pathien chun in kuomah a mi hung tir a nih,’ ka ti pha, ‘A hming ieng am a na?’ tîng an ta, an kuomah ieng am hril ka ti leh?” a ti a.

FESUOKNA 33:19

Chun, ama chun, “Ka ṭhatna po po i hmaah fêng a ta, ka hming ‘Lalpa chu’ i hmaah puongdar ka tih; ka lunginsiet dinghai chu lunginsiet ka ta, za ka ngaina dinghai chunga chun za ngai ka tih.

FESUOKNA 6:3

Abraham kuoma dâm, Isak kuoma dâm, Jakob kuoma dâm Pathien Iengkimthawthei angin kân lâr hlak a, nisienlakhawm, ka hming Lalpa ang hin an kuomah inhriettir ka ni ngai nawh.

ISAI 40:9

Aw Zion kuoma chanchin ṭha hriltu, tlâng insângtaka hin hang fe rawh, aw Jerusalem kuoma chanchin ṭha hriltu, inringtakin i râwl insuo rawh; insuo rawh, ṭi naw rawh; Juda khuohai kuoma chun, “En ta u, in Pathien hi!

ISAI 42:9

Ngai ta u, kha hma thilhai chu a hung tlung tah, thil tharhai ka hril a ni hi; an mâwng hmain an chanchin ka hril cheu a ni hi.

ISAI 49:23

Chun, lalhai chu i nauhai pawmtuhai nîng an ta, an lalnuhai khawm chu i nauhai pawmtunu nîng an tih; anni chun hmaia hnuoi sikin chibai bûk an ti che a; i kea pilvut chu liek an tih; chuongchun, kei hi Lalpa ka ni hung hre el i tih; a mi nghâktuhai chu muolphoin um naw ni hai.

ISAI 60:16

Chun, hnam tin nênetui fâwp i ta, lalhai nêne khawm nêng i tih; kei Lalpa hi nangma sandamtu le nangma intlantu, Jakobhai Mi Hrât chu ka nih ti la hre bawk i tih.

JEREMIA 31:34

chun, mi tinin mâni tuolbâwmhai chu inchûktir ta naw ni hai a, mâni unauhai seng leh; “Lalpa chu hre ro,” tiin inchûktir ta naw ni hai, anni a chîn taka inthawka a lien tak chenin kei an mi hriet vawng ta ding a nih, Lalpa chun a tih: an bawsietnahai chu ngaidam ka ta, an suolna khawm hre zing ta naw ning.

EZEKIEL 20:44

Chun, in lampui suolhai ang ni lova, in thilthaw khawhlohai ang khawm ni lova, ka hming leia nangni le sin ka thaw pha chun, Lalpa chu ka nih ti mi hre tâng in tih, Aw Israel sûngkuo, Lalpa Pathien chun a tih,” tiin.

NAMBAR 23:19

Pathien chu khêl inhlip mihriem el a ni nawh, Inkîr hmang mihriem naupa a ni bawk naw a, A hril ta chu a thaw naw ding am a nih? A lo hril ta chu a sukpuitling naw ding am a nih?