ISAI 52:2 - Pathien Lekhabu Inthieng (BSI)

² Aw Jerusalem, pilvut i kai kha inthin rawh, tho la, ṭhung rawh; aw Zion naunu, sala um, i rîng khuopnahai kha sût rawh.

ISAI 52:2 ပူးပေါင်းရင်းမြစ်များ

ISAI 10:27

Chu nia chun a rikphur chu i liengkoa inthawka lâk hmangin um a ta, a rîngkawl chu i rînga inthawka lâk hmangin um bawk a tih; hriek nâl lei chun rîngkawl chu suksietin um tâng a tih,” tiin.

ISAI 14:25

ka ruot ang tak hin um bawk a tih: ka rama chun Assuria mi chu suksieng ka ta, ka tlângahai chun chîl hrep ka tih, ti ang hin; chu hnunga chun a rîngkawl inbâttir chu annia inthawk chun bo tâng a ta, an rik inphurtir chu anni liengkoa inthawk chun bo bawk tâng a tih.

ISAI 29:4

Chuongchun, sukthlûkin um i ta, hnuoi hnuoia inthawkin thu hril i ta; i ṭawng chu pilvut lai chun damtein inri suok a tih: i râwl chu khawhri aisânthiem râwl ri ang chauin hnuoi hnuoia inthawk chun hung suok a tih; i ṭawng chu pilvut laia inthawk chun hung suok sal sal a tih.

ISAI 3:26

A kul kawtkhârhai chun an âwm inchumin ṭap an ta; ama chu ruok a ta, hnuoiah inṭhung a tih.

ISAI 49:21

Chuongchun, nang chun i lungrilin, ‘Hienghai hi tu mîn entir am an ni leh? Ka nauhai kân hmang a, mâni khâta sala invâk invâk ka ni si a; chuongchun, hienghai hi tuin am a châwm puitling tâwl leh? Ngai ta, ka khât chaua mâksanin ka um si a, hienghai hi khaw taka inthawka hung um am an ni leh?’ tîng i tih,” tiin.

ISAI 51:14

Sal ṭhuoi hmanga um chu inrangtaka insuoin um a ta, thiin khursûngah fe naw ni a, a bu chu um naw bawk naw ni.

ISAI 51:23

chuongchun, nangma sukrimsituhai kuta chun sieng ka ta, anni chun i hringna kuomah, ‘Kan hraw ding chein bawkkhup rawh,’ an ti kha; chuongchun, nangin a hrawtuhai kuoma chun i ruongzâng chu leilâk ang le kawthlêr angin i daw kha,” tiin.

ISAI 60:1

Tho la, var rawh, i var chu a hung tlung a; Lalpa ropuina chu i chungah a hung suok ta hi.

ISAI 61:1

Mi rimsihai kuoma chanchin ṭha hril dingin Lalpain hriek a mi nâl leiin, Lalpa Pathien thlarau chu ka chungah a um a; ama chun, lungril nahai sukdam ding dâm, salhai kuoma suokna thu le mi intânghai kuoma intângna in hawngna ding thu hril ding dâm,

ISAI 9:4

A rikphurna rîngkawl le a liengkoa zâwnfung, a nêksâwrtu hembâwk chu, Midianhai hne ni ang khan i suktliekpêk ta si a.

JEREMIA 51:45

“Ka mihai, a sûnga inthawk chun fesuok unla, mi tin chu Lalpa lunginsenna ṭiumtaka inthawk chun insandam seng ro.

JEREMIA 51:50

“Nangni kâwlhnâma inthawka suokthlenghai, fe unla, ngîr ṭawk ṭawk naw ro, hlataka inthawk chun Lalpa chu hre zing unla, Jerusalem chu in lungrilah in hungtir hlak ro.

JEREMIA 51:6

Babulona inthawk chun tlân suok unla, mi tinin a hringna sandam raw se; a khawhlonaa sât thlâkin um naw unla, Lalpa phuba lâkna hun a ni si a; ama chun thungna chu pêng a tih;

EZEKIEL 34:27

Loa thinghai chun ra hung insuong an ta, leihnuoi khawma a hlâwkna hung insuo bawk a tih; chun, an ram sûnga chun him an ta, an rîngkawl thîrtluonhai ka suktliek a, an rawng an bâwlpêkhai kuta inthawka ka sansuok pha chun Lalpa chu ka nih ti mi hre tâng an tih.

ZEKARIA 2:6

“Hung ro, hung ro, hmâr rama inthawk dâm chun hung tlân suok ro, Lalpa chun a tih: vân kil liahai chena chun ka lo sukdar ta si cheu a, Lalpa chun a tih.

ZEKARIA 2:7

Babulon naunu le chêng hmunkhat Zion, hung la, hung suok rawh.

LUKA 21:24

Chun, kâwlhnâmin thîng an ta, hnam tin kuomah sala ṭhuoiin um an tih; chun, Jentailhai ni a kim hmâkhat chu Jerusalem chu Jentailhai sirdein um a tih.

LUKA 4:18

“Riengvaihai kuoma Chanchin Ṭha hril dingin Lalpân hriek a mi nal leiin, Lalpa Thlarau chu ka chungah a um; Ama chun salhai kuoma suokna thu le, Mitdelhai kuoma mitvar nei nâwkna thu hril ding dâm, Suknawmnat tuorhai insuoktirna ding dâm,

THUPUONGSUO 18:4

Chun, vâna inthawkin rawl dangin hienghin a hril ka hriet, “Ka mihai, an rîtlonaahai in ṭhangnawna ding le, a hremnahai in hmu ve nawna dingin a sûnga inthawkin suok ro.