ISAI 52:12 - Pathien Lekhabu Inthieng (BSI)

¹² Inhmâwtakin in fe suok âwm si naw a, tlânsiein fe bawk naw ti niu; Lalpa chun in hma a ṭhuoi ding a ni si a; Israelhai Pathien chu in hnung dâltu nîng a tih.

ISAI 52:12 ပူးပေါင်းရင်းမြစ်များ

1 CHANCHIN SUINA 14:15

Chun, thingtheihmi lêrhaia chun kalpên rihai i hriet pha chun indo dingin fe suok la; Pathien chu i hmaah Philistin sipaihai chu sukhlum dingin a fe suok tah a ni si a,” a ta.

FESUOKNA 12:11

Chun, hieng ang hin fâng in tih: in dier kei sa zingin, in kekawk bun sa zingin le, in kuta in hmawl chawi sa zingin, inhmâwtakin in fâk ding a nih. Lalpa Fekân Ruoiṭhe a nih.

FESUOKNA 12:33

Aigupta mihai chun Israel mihai chu inhmâwtaka suok dingin an nawr sek sek a, “Ei thi zo vawng ding an ta hi,” an ti leiin.

FESUOKNA 12:39

Aiguptaa inthawka beihlawm an hung chawihai chu chawl ṭhanglo beiphêkhaiah an zeu a, chawl ṭhanglo a ni hrim a; Aiguptaa inthawk a nama nam suok el an ni leiin le an muong thei ta naw leiin fâk ding iengkhawm an inbuotsai si naw a.

FESUOKNA 14:8

Chun, Lalpa chun Aigupta lal Pharao lungril chu a sukngar a, Israel mihai chu a hnawt zui ta a; Israel mihai chu muongchara suok an ni si a.

ISAI 26:7

Mi fel lampui chu indikna a na, nang lungril indiktak put chun mi fel lampui chu i sukruol hlak.

ISAI 28:16

chuleiin, Lalpa Pathien chun hieng ang hin a hril, “Ngai ta, lung, lung fie hnung, a kia lung hlutak ka phûm, dettak chu, Ziona chun lungphûm dingin ka rem hi; ama ringtu chu inhmaw naw nih.

ISAI 42:16

Mitdelhai chu an hriet ngai naw lampuiah ṭhuoi ka ta, an hriet ngai naw lampuiahai chun ṭhuoi ka tih; an hmaa chun inthim chu varah siem ka ta; lampui kâwi laihai chu suktlûn bawk ka tih. Chuong thil chu thâwng ka ta, anni khawm thlathlam naw ningah.

ISAI 45:2

“Kei i hmaah fêng ka ta, ân ṭumnawnahai chu sukruol ka tih, dâr kawtkhârhai chu sukse rem rum ka ta, a kalna thîr tluonhai chu sukbawng ka tih;

ISAI 49:10

An phîngṭâmin dangchâr naw ni hai a; lumin sukrinumin nisain em bawk naw ni; anni lunginsiettu chun a ṭhuoi ding a ni si a; tuihnâr kâwlahai ngei chun a ṭhuoi ding a nih.

ISAI 49:11

Chuongchun, ka tlâng po po chu lampuiah siem ka ta, ka lamlienhai chu suksângin um bawk a tih.

ISAI 51:14

Sal ṭhuoi hmanga um chu inrangtaka insuoin um a ta, thiin khursûngah fe naw ni a, a bu chu um naw bawk naw ni.

ISAI 57:18

A um dânhai chu ka hmu a, ama chu sukdam ka tih; ṭhuoi bawk ka ta, ama le a sûnpuituhai kuomah lungmuongnahai pe nâwk ka tih.

ISAI 58:8

“Chu pha chun i var chu zîng nisa suok angin hung suok a ta, i damna ding chu hung inder suok vak a tih; i felna chun i hma ṭhuoi a ta; Lalpa ropuina chu i hnung dâltu nîng a tih.

MIKA 2:13

Nêr thlengtu chu an hmaa chun fêng a ta, nêr thleng an ta, kawtkhâr chenin fe pei an ta, chutaka chun fe suok an tih: chun, an lal chu an hmaa chun fêng a ta, Lalpa chun an hma ṭhuoi a tih.

NAMBAR 10:25

Chun, a nuhnungtaka chun Dan hai chu an pâwl tam dân ang peiin an suok a, an hotu chu Ammisaddai naupa Ahiezer a nih.

DÂN PAHNINA 16:3

Chawl ṭhang bei leh in fâk ding a ni naw a; in dam sûng poa Aigupta rama inthawka in suok ni chu in hriet zing theina dingin ni sari sûng chawl ṭhanglo rinumna bei leh in fâk ding a nih, Aigupta rama inthawk khan inhmâwtaka suok in ni kha.

DÂN PAHNINA 20:4

nangni sandam ding cheu le, in hmêlmahai thawpêk ding cheuin in kuoma um pei chu Lalpa in Pathien a ni si a,’ ti raw se.

JOSUA 4:11

Mipui po po chu an kai vawng hnung chun Lalpa bâwm le thiempuhai chu mipuihai mithmua chun an kai ve ta a.

JOSUA 6:9

Chun, inrâlthuomhai chu tawtawrâwt mûttu thiempuhai hmaa chun an fe a, chun a hnungdâlhai chun bâwm chu an sawm a, thiempuhai chun fe malamin tawtawrâwt chu an mût pei a.

RORELTUHAI 4:14

Chun, Deborain Barak kuomah, “Khai le, vawisûn hi Lalpain Sisera chu a pêk ni che a nih, i hmaṭhuoitu chu Lalpa a ni naw am a nih?” a ti a. Chuongchun, Barak chu Tabor tlânga inthawk chun ama zuitu mi sîng khat leh a fe thla a.