ISAI 52:11 - Pathien Lekhabu Inthieng (BSI)

¹¹ Suok ro, suok ro, chutaka inthawk chun suok ro; thil inthieng naw hrim hrim tâwk naw ro; a sûnga inthawkin fe suok ro; Lalpa bûr le bêl chawituhai, inthiengtakin um ro.

ISAI 52:11 ပူးပေါင်းရင်းမြစ်များ

1 CHANCHIN SUINA 15:12

an kuomah, “Levi mihai pahnam laia hotuhai in na, a hmun dinga ka buotsai tah hmuna Lalpa Israelhai Pathien bâwm chu in hung lâk theina dingin insukthieng unla, nangni le in unauhai leh.

FESUOKNA 30:19

Aron le a naupasalhai chun chutaka chun an kuthai an kehai sâwp an tih.

ISAI 1:16

Insâwp unla, insukfai ro, ka mithmu phâk nawah in thilthawhai hi a suolna chu sie hmang ro; suol thaw thaw el hi ma ta unla, thil ṭha thaw inchûk ta ro;

ISAI 48:20

Babulona inthawkin suok unla, Kaldaihai chu tlân hmangsan ro, hi hi hla sak riin inhriettir unla, hril unla kâwlkawdawng chen khawma sukri ro, “Lalpa chun a siehlaw Jakobhai chu ân tlan tah,” ti ro.

ISAI 66:20

Israel thlahaiin an thilinhlân chu bûrlebêl inthiengtaka Lalpa ina an hung lâklût hlak ang hin, Lalpa kuoma thil inhlân dingin hnam tin laia inthawka in unauhai po po chu sakawr chunga dâm, tawlailîra dâm, zâwnnaa dâm, sabengtung lien chi chunga dâm, sanghâwngsei chunga dâm, Jerusalem ka tlâng inthienga chun hung ṭhuoi an tih; Lalpain a tih.

JEREMIA 31:21

Lampui inchiknahai siem la, zui ding hmawlphunhai siem rawh, tlânglam tiengah, i fena lampui chu ngaituo la, kîr nâwk rawh. Aw nunghâk inthieng Israel, hieng i khawpuihai tienga hin kîr nâwk rawh.

JEREMIA 50:8

Babulona inthawk chun tlânsuok unla, Kaldaihai rama inthawk chun fe suok unla, kêl ruol hmaa kêlchal ang ni ro.

JEREMIA 51:45

“Ka mihai, a sûnga inthawk chun fesuok unla, mi tin chu Lalpa lunginsenna ṭiumtaka inthawk chun insandam seng ro.

JEREMIA 51:6

Babulona inthawk chun tlân suok unla, mi tinin a hringna sandam raw se; a khawhlonaa sât thlâkin um naw unla, Lalpa phuba lâkna hun a ni si a; ama chun thungna chu pêng a tih;

EZEKIEL 44:23

Ka mihai chu thil inthieng le thil narânhai inkâra danglamnahai chun inchûktir an ta, thil thieng le thieng naw chu an inhriet ṭhentir ding a nih.

LEVI DÂN 10:3

Chuongchun, Mosie chun Aron kuomah, “Hi hi a nih Lalpain, ‘A mi hnaituhaia chun inthiengin inlang ka ta, mipui po po hmaa chun chawimawiin um ka tih,’ tia a hril kha,” a ti a. Aron chu a to zing a.

LEVI DÂN 11:45

In Pathien ni dinga Aigupta rama inthawka ṭhuoitu cheu Lalpa chu ka ni si a; kei kân thieng si a, chuleiin, nangni khawm in inthieng ding a nih.

LEVI DÂN 11:47

a thieng le thiengnaw thlierna ding le, thilhring fâk thei mi le fâk theilo mi thlierna dingin,’ ti rawh,” tiin.

LEVI DÂN 21:6

An Pathien ta dingin mi inthieng nîng an ta, an Pathien hming an suksiet ding a ni bawk nawh; Lalpa kuoma mei hmanga thilinhlânhai le fâk ding dâm an inhlân hlak leiin; an inthieng ding a nih.

ZEKARIA 2:10

Aw Zion naunu, hlim la, hla sak rawh, en ta, ka hung mêk a, nangni lai chun ka chêng ding a ni si a, Lalpa chun a tih.

ZEKARIA 2:11

Chun, chu nia chun hnam tamtakhai chu Lalpa tieng hung kawp an ta, ka mihai an hung ni ding a nih; chun, kei chu nangmaa chun chêng ka ta, chuongchun, sipaihai Lalpa chun i kuomah a mi hung tir a nih ti hre tâng i tih.

NAMBAR 16:26

Chun, pungkhâwmhai kuoma chun, “Hieng mi suolhai puon ina inthawk dâm hin suok ro khai; an iengkhawm hi tâwk naw ro, chuong naw chun chu an suolna po poa hin ṭhang ve rawi in tih,” tiin a hril a.

NAMBAR 19:11

“Tu ruong khawm themtu chu ni sari thienglo nîng a tih.

NAMBAR 19:16

Tukhawmin khawhnâwma kâwlhnâma that amanih, mithi ruong amanih, mihriem ru amanih, thlân amanih a tâwk chun ni sari thienglo a nih.

NAMBAR 8:6

“Levi mihai chu Israel mi danghai laia inthawkin suktum la, sukthieng rawh.

THILTHAWHAI 10:14

Nisienlakhawm, Peter chun, “Lalpa, ni lo e; thil pawrche le inthiengnaw iengkhawm ka fâk ngai naw ie,” a ta.

THILTHAWHAI 10:28

An kuomah, “Juda mîn hnam dang kuoma fe le pâwl a thieng nawzie nangnîn in hriet a nih; nisienlakhawm, tukhawm inthiengnaw le pawrche ka ti ding an nawh ti Pathienin a mîn hriettir a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:14

Ama le ama ngawt chun ân thieng naw iengkhawm a um nawh ti Lalpa Isua chun ka hriet hle a nih, thil inthieng lova ngaitu ta ding chun, ama ta ding chun ân thieng naw a nih.

2 KORINTH 6:17

Chuleiin, “Anni laia inthawkin hung suok unla, A tumin um ro, thil inthiengnaw hrim khawm them naw ro, Lalpain a tih,” Chuongchun, “Lâwm ka ti cheu a,

EPHESI 5:11

Chun, inthim thilthaw ra nei ngailohaia chun ṭhangna hrim nei naw ro, ṭhang nêk hmanin a thiemnawzie inhriettir lem ro;

1 PETER 2:11

Dittakhai, mikhuol le khuolfe in ni leiin, thlarau do hlaktu tisa châknahai bânsan dingin ka ngên cheu.

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.

THUPUONGSUO 18:4

Chun, vâna inthawkin rawl dangin hienghin a hril ka hriet, “Ka mihai, an rîtlonaahai in ṭhangnawna ding le, a hremnahai in hmu ve nawna dingin a sûnga inthawkin suok ro.