ISAI 51:4 - Pathien Lekhabu Inthieng (BSI)

⁴ Aw ka mihai, ka thu hi lo ngai unla; aw ka hnamhai, ka thua hin na lo sit ta u; keimaa inthawkin dân thu a hung suok ding a ni si a, mi tin enna dingin ka rorêlna chu inchâwltir ka tih.

ISAI 51:4 ပူးပေါင်းရင်းမြစ်များ

INPÂKNA HLABU 106:5

I mi thlanghai tluongtlungzie ka hmu thei a, I hnamhai lâwmnaa chun ka hlim thei a, I rochanhai leh ka suong theina dingin.

INPÂKNA HLABU 147:20

Ama chun ieng hnam chunga khawm chuong ang chun a thaw ngai nawh: A rorêlhai hlak chu an hriet bawk nawh. Lalpa chu inpâk ro.

INPÂKNA HLABU 33:12

Lalpa Pathiena nei hnam chu an hamṭha a, Ama rochan dinga a thlang mihai chu.

INPÂKNA HLABU 50:7

“Aw ka mihai, ngai ta u, thu ka hril ding a nih, Aw Israel, ngai ta, kân hriettir ding che a nih: Kei hi Pathien, i Pathien ngei chu ka ni hi,

INPÂKNA HLABU 78:1

Aw ka mihai, ka dân thua hin na lo sit unla, Ka baua thuhaiah in na hung daw ro.

FESUOKNA 19:6

Chun, ka ta dingin thiempuhai ram le hnam inthieng ni bawk in tih. Hieng thuhai hi a nih Israel mihai kuoma i hril ding chu,” a ti a.

FESUOKNA 33:13

Chuleiin, tuhin ka ngên che, i mithmuah lunginsietna ka chang a ni chun, nang ka hriet che a, nanga mithmua lunginsietna chu a tâwp chena ka hmu theina dingin i lamhai chu mîn entir rawh: chun, hi hnam hi i mihai an ni hi ngaituo rawh,” a ti a.

THUVARHAI 6:23

Thupêk chu khâwnvar a na, inchûktirna chu var a ni si a; Inchûktirna thununnahai chu hringna lampui a nih;

ISAI 1:27

Zion chu rorêlna fela sansuok ni tâng a ta, a sûnga mi nghakîr nâwkhai khawm felnaa sansuok nîng an tih.

ISAI 2:3

Chun, chi tamtakhai chu fêng an ta, “Hung unla, Lalpa tlângah, Jakob Pathien ina chun, hang fêng ei tiu; chuongchun, ama chun a lampui chanchinhai chu mîn chûktir a ta, a lampuiahai chun fêng ei tih,” tîng an tih. Ziona inthawk chun dân thu chu a hung suok ding a ni si a. Lalpa thu chu Jerusalema inthawkin a hung suok ding a nih.

ISAI 26:2

Hnam fel thutak zâwmtu chu a lût theina dingin kul kawtkhârhai chu hawng ro.

ISAI 26:8

Anih, Aw Lalpa, i rorêlna lampuia chun kan nghâk zing che a, kan hringna dit zâwng chu i hming tieng le i hriet zingna tieng hi a nih.

ISAI 33:22

Lalpa chu ei rorêltu a na, Lalpa chu dân mi petu a nih; Lalpa chu ei lal a na, ama chun mi sandam a tih.

ISAI 42:21

Dân chu a felna leia sukliena suk- inzaum chu Lalpa chun ṭha a ti a.

ISAI 42:6

“Kei Lalpa hin felnain ka ko che, i kut chel ka ta, humhim ka ti che a, mihai thuthlung ding le, Jentailhai sukvartu dingin ka ruot che a nih:

ISAI 49:6

ama chun, “Jakobhai hnam tungdingna ding le Israelhai laia humhima umhai chu inumtir nâwkna dinga, ka siehlawa i um hi, thil chiterek a la na; Jentailhai sukvartua khawm ruot bawk ka ti che; kâwlkawdawng chena ka sandamna chu a tlung theina dingin,” a ta.

ISAI 55:3

In na hung sit unla, ka kuomah hung ro; ngai unla, chuongchun, in hringna chu hring a tih; chun, in kuomah kumkhaw thu thlung ka tih; David kuoma lunginsietna tiem tlat tahai chu.

ISAI 63:8

Ama chun, “Ka mihai, nau a tehlêma thaw lo dinghai an ni ngei el,” a ti si a; chuongchun, anni sandamtuah a hung um ta a.

MIKA 4:2

Chun, hnam tamtakhai chu fêng an ta, “Hung unla, Lalpa tlângah, Jakob Pathien ina chun hang fêng ei tiu; chuongchun, ama chun a lampui chanchinhai chu mîn chûktir a ta, a lampuihaia chun fêng ei ta, tîng an tih; Ziona inthawk chun dân thu chu a hung suok ding a ni si a; Lalpa thu chu Jerusalema inthawkin a hung suok ding a nih.”

LUKA 2:32

Jentailhai kuoma suklangna var le I mi Israelhai ropuina ding chu,” a ta.

1 KORINTH 9:21

Dân neinawhai ka lâk lût theina dingin dân neinawhai kuomah dân neinaw angin ka um hlak, Pathien dân awilo si lovin, Krista dân zâwm siin.

DÂN PAHNINA 18:18

An unauhai laia inthawkin nangma ang zâwlnei siempêk ka ta; a bauah ka thuhai sieng ka ta, a kuoma thu ka pêk taphawt chu an kuomah hril a tih.

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.