ISAI 51:20 - Pathien Lekhabu Inthieng (BSI)

²⁰ I naupasalhai chu an châu a, sakêl lêna a âwk angin kawtthlêr tâwp tienga chun an zâl phung a, Lalpa lunginsenna le i Pathien kâwkna chun an sip tah a nih.

ISAI 51:20 ပူးပေါင်းရင်းမြစ်များ

ISAI 29:9

Ngîr zing unla, makti ro, nuomtâwl unla, mitdelin um ro; an inrui a, nisienlakhawm, uoin lei a ni nawh; an pêm an pêm a, nisienlakhawm, zu lei a ni nawh.

ISAI 40:30

Tleirâwlhai meu khawm sâwlin châu an ta, tlangvâlhai khawm chu tlu dêr an tih;

ISAI 49:26

Chun, nangma nêksâwrtuhai chu anni sa ngei infâktir ka ta; uoin thlum inrui ang hin anni thisenin inrui an tih; chuongchun, mi po poin, kei Lalpa hi nangma sandamtu le nangma intlantu, Jakobhai Mi Hrât chu ka nih ti mi hrieng an tih,’ ” tiin.

ISAI 5:25

Chuleiin, Lalpa lung chu a mihai chungah ân thawk a, a kut chu an chungah ân let a, a vuok a, chuongchun, tlânghai chu an inthin dur dur a, an ruonghai chu khawlai dungah hmunhnawk ang elin ân hlum rem rum a. Chuong lâwma a thaw khawm chun a lunginsen chu a la bo chuong naw a; a kut chu a lân let ta rawp a.

ISAI 51:17

Aw Jerusalem, Lalpa kuta inthawka a lunginsenna noa mi dâwntunu, har la, har la, tho rawh, nang chun pêm pêmna no berbua mi chu i dâwn a, i dâwn fai rêt a.

ISAI 51:21

Chuleiin, nang sukrinum le uoin inrui ni si lova mi inrui, hi hi lo hre ta rawh:

ISAI 66:15

Ngai ta u, a lunginsenna chu hrîkthla ding le, a kâwkna chu meichawkhaia hrîkthla dingin, Lalpa chu mei leh a hung ding a ni si a, a tawlailîrhai chu thlivir ang el nîng a tih.

ISAI 8:21

Lunginzîngtak le phîngṭâm pumin ram chu fang an ta, an phîng a ṭâm pha chun an lung chu sen êm êm a ta, an lal le an Pathien chu ṭawngsie inphur bawr bawr an ta, vân tieng dâk rak rak an tih;

JEREMIA 14:16

Chun, chuong mipuihai an thuhrilnahai chu ṭâmna le kâwlhnâm leiin Jerusalem kawtthlêrahai chun pei suokin um an ta; anni phûmtu ding tukhawm nei naw ni hai, anni leh, an nuhmeihai le an naupasalhai, an naunuhmeihai leh; anni chunga chun an rîtlona chu ka bunthlâk ding a ni si a.

JEREMIA 14:18

Ramhnuoiah ka va fe leh, kâwlhnâma thihai hmu a ni a! khawpui sûng ka lût leh, ṭâmnaa na tuorhai hmu a ni a! zâwlneihai le thiempuhai chu ram sûnga chun an invâk vêl a, hrietna nei si lovin,” tiin.

ṬAP HLA 1:15

Keimaa ka mi hrâthai po po chu Lalpa chun iengkhawm loah a siem a, Ka tlangvâlhai sukse dingin ka chungah pungkhâwmhai a ko a; Juda nau nunghâk inthieng chu Lalpa chun uoin sâwrnaa angin a chîl a.

ṬAP HLA 1:19

Ka hmangaituhai chu ka hei ko a, nisienlakhawm, an mi hlêm a, Ka thiempuhai le ka upahai chu khawpuia chun an bohmang ta a, An hringnahai sukhrât dinga bu an zawng lai chun.

ṬAP HLA 2:19

Tho la, vêng ṭantirna huna chun, zânah khêk rawh; Lalpa hmaihmaa chun i lungril chu tui angin bunthla la, I nau le têhai hringna dingin ama tienga chun i kuthai phar rawh, Chuong kawtthlêr tâwp tina phîngṭâma châuhai ta ding chun.

ṬAP HLA 4:11

Lalpa chun a ṭiumna chu a hung sukpuitling a, a lunginsenna ṭium chu a hung bunthlâk a; Ziona chun mei a sukchawk a, a lungphûmhai kâng hmangtu chu.

ṬAP HLA 4:2

Zion naupa hlutakhai rângkachak inthieng le hrilkhi theihai chu, Iem a tia bêlhemtu kuta siem, pil bêlhai ang chaua ngainat an ni el chu!

ṬAP HLA 5:13

Tlangvâlhai chu bu râwt dingin an lâk a, Naupanghai chu thing puta pêm ṭâng ṭângin an tlu a.

EZEKIEL 12:13

Chun, ka lên khawm chu a chunga chun dêngkhum ka ta, ka chânga chun âwk a tih; chun, Kaldaihai ram Babulona chun ṭhuoi ka ta; chutaka chun thi naw ding ni sien khawm, hmu chu hmu naw ni.

EZEKIEL 17:20

Chun, a chunga chun ka lên chu keiphar ka ta, ka chânga chun ama chu âwk a ta, ama chu Babulonah hung ṭhuoi ka ta, chutaka chun a bawsietna, ka chunga a lo bawsietna chu a kuomah phût ka tih.

EZEKIEL 39:19

In ta dinga kân thâwina thâu chu in khawp hmakhat fâng in ta, thisen chu in inrui hmakhat dâwn bawk in tih.

DÂN PAHNINA 14:5

sakhi dâm, sangai dâm, rienu dâm, sasen dâm, sakêl dâm, ram bâwng dâm, ram berâm dâm hi.

DÂN PAHNINA 28:20

Lalpain in chunga in thilthaw taphawt chungah ṭawngsie dâm, buoina dâm, kâwkna dâm, hung tir a tih, tlâwm in ta, bohmang vak el in tih; in thilthawhai a suol a, in mi hnungnghat leiin.

THUPUONGSUO 14:10

a lunginsenna noa iengkhawm pawl lova siem chu dâwn a ta, vântirko inthienghai mithmua le Berâmte mithmua chun mei le kâta sawisakin um bawk a tih.