ISAI 51:19 - Pathien Lekhabu Inthieng (BSI)

¹⁹ Hieng thil pahni hin a bur ta che hi; tuin am a ṭhangpui ding che a na? Rausanna le sietna dâm, ṭâm le kâwlhnâm dâm hin; iengtin am thlamuon ka ti che a?

ISAI 51:19 ပူးပေါင်းရင်းမြစ်များ

JOB LEKHABU (THE BOOK OF JOB) 2:11

Chuongchun, Job ruol pathum hai chun ama chunga thil ṭha naw tlunghai po po chu an lo hriet chun, an hmun senga inthawk chun an rêngin an hung seng a; Eliphaz Teman mi le, Bildad Suhi mi le Zophar Naamath mi an nih; ama chu thlamuon ding le tuorpui dinga hung dingin hun rem an ruot tlâng a.

JOB LEKHABU (THE BOOK OF JOB) 42:11

Chun, a unauhai po po, a farnuhai po po leh, a hmaa a lo hmêlhriet tahai chu a kuomah an hung a, a ina chun ama leh bu an fâk tâwl a, a chunga Lalpain thil ṭha naw ân tlungtir po pohaia chun ama chu an thlasietpuiin an thlamuon a, mi tin chun sum tlâwmte seng le, rângkachak kutsebi an pêk seng a.

INPÂKNA HLABU 69:20

Mi mi hrilsietna hin lungriemin a mi thlâk a, nasatakin ka lungngai bawk a, Chuongchun, a mi lunginsiettu ding ka zawng a; nisienlakhawm, tukhawm an um si nawh; A mi thlamuontu dinghai ka zawng a; nisienlakhawm, tukhawm ka hmu si nawh.

THUHRILTU 4:1

Chun, ka thlîr a, nisa hnuoia nêksâwrna thawa umhai po po chu ka hmu a; chun, nêksâwra umhai mitthlihai chu ka hmu bawk a; thlamuontu hrim an nei nawh; nêksâwrtuhai tienga chun thilthawtheina a um a, nisienlakhawm, anni chun thlamuontu hrim an nei nawh.

ISAI 14:30

Mi rimsi nau lutîrhai chu tla diel diel tâng an ta, mi pasiehai chu himtakin bawk tâng an tih: chun, nanga zung ruok chu ṭâmin sukhlum ka ta, i ta la um sunhai chu thatin um an tih.

ISAI 22:4

Chuleiin, kei chun, “Mi en lovin, khingtieng en ro, ka ṭap rak rak ding a nih; ka mihai naunuhai râllâka an lâk thua chun mi thlêm inkhaw nuom naw ro,” ka ti a.

ISAI 47:9

hieng thil pahni: nauhai chânna le hmeithaina hin, ni khat thil thuah, mitkhapkâr lovah, a hung nang lem ding che a nih; i dâwi hmangna chu tam hlein i invêngna chu tam rei rui sienla khawm, chuong chu nasatakin i chungah a hung tlung ding a nih.

ISAI 54:11

Aw nang sukrimsik, tuifâwn vawr vawra um, lungmuongna nei lo, ngai ta, i lunghai chu zie mawitakhaiin rem ka ta, i lungphûmhai chu sapphir lunghaiin rem bawk ka tih.

ISAI 60:18

Nunsetaka thil thaw ri chu i ramah hriet ni ta naw ni a, râusanna le sietna rihâu khawm i ramri sûngah hriet ni ta naw ni; i kul chu, “Sandamna,” ti lem i tih, i kawtkhârhai khawm, “Inpâkna” ti bawk i tih.

ISAI 61:2

Lalpa lungawi kum thu le ei Pathien phubalâk ni thu hril ding dâm, lungngaihai po po thlamuon ding dâm,

ISAI 8:21

Lunginzîngtak le phîngṭâm pumin ram chu fang an ta, an phîng a ṭâm pha chun an lung chu sen êm êm a ta, an lal le an Pathien chu ṭawngsie inphur bawr bawr an ta, vân tieng dâk rak rak an tih;

ISAI 9:20

Chuongchun, miin an changtienga mi inchûng an ta, nisienlakhawm, an phîng la ṭâm ta rawp a ta, an vawitienga mi fâng an ta, nisienlakhawm, tlai chuong naw ni hai, mi tinin mâni bân taksa fa seng an tih.

JEREMIA 15:5

Aw Jerusalem, tuin am i chungah lunginsietna nei a ta? Tuin am an sûn ding che a ni leh? Annawleh, i hamṭhatna ding thu hni dingin tu am hnungkîr an ta?

JEREMIA 24:10

Chun, anni le an thlatuhai kuoma ram ka pêka inthawka an rênga an bohmang vawng hmakhat chun an hnunga chun kâwlhnâm dâm, hripui dâm, ṭâm dâm tir bawk ka tih,” tiin.

ṬAP HLA 1:12

Nangni a fe inlawn po pohai, in ta dingin iengkhawm a ni naw maw? Ngai unla, ka kuoma thaw anga, ka lungngaina ang hrim hi lungngaina a um am en ta u, Lalpain a lunginsenna ṭium nia a mi sukrinumna ang hi.

ṬAP HLA 1:9

A tirdakumna chu a puonah a kai a, a tâwpna ding hrim a ngaituo nawh, Chuleiin, maktakelin a tlâwm a, thlamuongtu hrim a hmu nawh; En ta, aw Lalpa, ka rimsikzie hi, ka hmêlma chu ama le ama ân chawimawi si a!

ṬAP HLA 3:47

Vânsam le ṭitna chu kan chungah a hung tlung a, buoina le bohmangna le chun.

EZEKIEL 14:15

Chun, chu ram chu ramsa tuorhlaumhai chun fe thlengin, sukse hai sien, râusana umin, ramsahai lei chun mi fe paw ngam lovin umhai sien;

EZEKIEL 14:21

Lalpa Pathien chun hieng hin a ti si a; ‘Ka rorêlna natak palihai kâwlhnâm, ṭâmna, ramsa tuorhlaumhai le hripuihai hi Jerusalem chunga, amaa inthawka ramsa mihriemhai râwthmang dinga ka tir pha chun ieng ang lâwma nasa zuol am a ni ding chu?

AMOS 7:2

Chun, chu rama hlohna chu an fâk zo hnungin, “Aw Lalpa PATHIEN, ngaidam rawh, ka ngên che hi; Jakob chu iengtin am ngîr thei a ta, ama a chîn si a?” ka ti a.

NAHUM 3:7

Chun, hieng ang hi hung nîng a ta, a hmu taphawt che chu i kuoma inthawkin tlân hmang an tih. Ninevi khuo chu a hung tâwp tah a nih; tuin am sûn a ta? Khâwlaia inthawkin am i ta dingin lungmuongna ei zawng ding chu aw! tîng an tih.

2 KORINTH 7:13

Chuleiin, thlamuongin kan um ta hrim a; keini thlamuongna chau naw khawm, Tita lâwmna leiin kan lâwm nasa nâwk zuol a; nangni po poin a lungril in sukhar pêk ta leiin.