ISAI 51:13 - Pathien Lekhabu Inthieng (BSI)

¹³ Lalpa nangni siemtu, vân keiphara leihnuoi innghatsanhai phûmtu theinghila, nêksâwrtu sukse dinga a tin lai lunginsenna lei ngawta sûnnithlâka ṭi zing chu, tu am i ni a? Nêksâwrtu lunginsenna chu khâwlai am a um ta a le?

ISAI 51:13 ပူးပေါင်းရင်းမြစ်များ

ESTHER 5:14

Chun, a nuhmei Zeres le a ruolhai po po chun a kuomah, “Khaihlumna tawng sâwmngaa insâng inphuntir la, chun a zinga chun, chutaka chun Mordekai chu khai hlum ni raw se, tiin lal chu hril la; chuongchun, lal le chun thlaithlêng awtnaa chun hlimtakin um el la a ni el annâwm,” an ti a. Chun, chu thil chun Haman chu a suklâwm ta a; chun, khaihlumna chu ân phuntir ta a.

ESTHER 7:10

Chun, lal chun, “Chutaka chun ama kha khai hlum ro,” a ta. Chuongchun, Mordekai ta dinga khaihlumna a buotsaia chun Haman chu an khai hlum ta a. Chun, lal lunginsen chu a hung dam ta a.

JOB LEKHABU (THE BOOK OF JOB) 37:18

Ama ang chun vân khi keiphar thei i ti, Dârthlalang sungta anga ngar khi?

JOB LEKHABU (THE BOOK OF JOB) 9:8

Ama chun vânhai chu a keiphar a; Tuisuoriet fâwnhai chungah kal a chawi a.

INPÂKNA HLABU 104:2

Nang chun var chu puon angin în bel a, Vânhai khi puon in chung angin i kei phar a.

INPÂKNA HLABU 106:13

Nisienlakhawm, a thilthawhai chu an theinghil vak ta a, A remruot chu an nghâk pei naw a.

INPÂKNA HLABU 76:10

Matheilovin mihriem lunginsenna hin la hung inpâk ngei a ti che, Lunginsenna mahla chun inkhit i tih.

ISAI 10:24

Chuleiin, Lalpa Sipaihai Lalpa chun hieng ang hin a tih, “Aw ka mi, Ziona umhai, Aigupta rama an thaw ang khan hembâwka vaw cheuin a hmawl chu in chungah inlet sien khawm Assuria mi chu ṭi naw ro.

ISAI 14:4

hi tîelna thu hi Babulon lal khêkkhumin la hril i tih, “Iengtizie am a na, nêksâwrtu chu a va re ta de! Iengtizie am a na, rângkachak khawpui chu a va re ta de!

ISAI 16:4

Moabhai laia hnawt suoka umhai chu i kuomah um raw hai se, an ta dingin suksetu hmêla inthawka inbîkna ni rawh; hlêprutu chu iengkhawm ni lova siemin a um ta si a, suksietna a bo ta a; nêksâwrtuhai chu rama inthawk hin sukbohmangin an um tah.

ISAI 17:10

Pathien i sandamtu i theinghil a, i hrâtna lungpui chu i hriet zing si naw a; chuleiin, kûng mawitak takhai i phun hlak a, a sûnga chun kau danglamtak takhai i sunbûr fur hlak a;

ISAI 40:21

In lungrilin in hriet ngai naw am a nih? In nain in hriet ngai naw am a nih? A tira inthawk khan an hril naw cheu am a nih? Leihnuoi insieng tira inthawk khan in hrietthiem naw am a nih?

ISAI 40:22

Ama chu leihnuoi inkuolkhumna chunga ṭhung chu a nih; a mithmua chun hnuoi chunga umhai chu khâuhai ang chau an nih, ama chu vân khi puon in chung anga keiphar a, puon in umna ding hmuna zâr a;

ISAI 42:5

Pathien, Lalpa, vân siemtu, keiphartu, hnuoi le a sûnga inthawka suok po po suklientu, a chunga mihai kuoma inthuokna petu chun hieng ang hin a tih:

ISAI 43:1

Tu ruok hin chu aw Jakob rawihai, Lalpa nangni siemtu le, aw Israel rawihai, nangni inngîrtirtu chun hieng ang hin a tih, “Ṭi naw ro, kân tlan ta cheu hi; in hmingin ka ko cheu a, ka ta in nih in sawnnaw.

ISAI 44:24

Lalpa, nangni intlantu, sula inthawka nangni inngîrtu cheu chun hieng hin a tih, “Kei hi Lalpa, thil po po siemtu, mâni chaua vân keiphartu, hnuoi suklientu chu ka nih; tu am ka kuomah a um a?

ISAI 45:12

Hnuoi hi ka siem a, a chunga mihriem um hi ka siem bawk a, keimân ka kut ngei hin vân ka keiphar a, a sipaihai chu thu ka pêk bawk a nih.

ISAI 45:18

Lalpa vân siemtu (ama chu Pathien), leihnuoi hi inngira siemtu chu (ama chun leihnuoi hi a sukdet a, iengkhawm ni lovin a siem naw a, mihriem umna dingin ân ngîr lem a nih) hieng ang hin a ti si a, “Kei hi Lalpa chu ka na, a dang hrim hrim an um nawh.

ISAI 48:13

Anih, ka kut hin leihnuoi innghatsan chu a phûm a, ka kut changtieng hin vânhai khi a keiphar a; ka ko phingleh an ngîr khâwm hlak.

ISAI 49:26

Chun, nangma nêksâwrtuhai chu anni sa ngei infâktir ka ta; uoin thlum inrui ang hin anni thisenin inrui an tih; chuongchun, mi po poin, kei Lalpa hi nangma sandamtu le nangma intlantu, Jakobhai Mi Hrât chu ka nih ti mi hrieng an tih,’ ” tiin.

ISAI 54:14

Felnaa sukdetin um i ta, nêksâwrnaa inthawka hlatakah um i tih; i ṭi ta naw ding a nih; thil râpthlâka inthawka hlatakah um bawk i ta; a hnai naw ding che a nih.

ISAI 57:11

Tu am i ṭi a, în lau a, khêl i hril hlak a, kei i mi hriet ta naw a, i lungrila i ngaituo ta naw hi? Sâwttak ka to zing an nâwm a nih? Ṭi khawm i mi ṭi naw hi.

ISAI 7:4

a kuomah, ‘Fimkhur la, um ṭawk ṭawk rawh, meiser bawng khu mei mei pahni, Suria le Rezin le Remalia naupa lunginsenna nasatak chu, ṭi naw la, i lungril chu inlau naw raw se.

ISAI 9:4

A rikphurna rîngkawl le a liengkoa zâwnfung, a nêksâwrtu hembâwk chu, Midianhai hne ni ang khan i suktliekpêk ta si a.

JEREMIA 2:32

Nunghâk chun ân cheina thuomhnaw chu a theinghilin, mo chun a mo puon chu a theinghil thei am a nih? Ka mihai ruok chun nihai tiem sêng lova inthawk tah an mi theinghil a nih.

JEREMIA 38:19

Chun, lal Zedekia chun, Jeremia kuoma chun “Juda mihai Kaldaihai tienga va kawp tahai kha ka ṭi a nih; an kuta khan mi pe hlau an ta, mi nuisan rawi an tih,” a ta.

JEREMIA 41:18

Ahikam naupa Gedalia Babulon lalin chu ram chunga rorêltu dinga a sie kha Nethania naupa Ismael khan a that leiin anni chu an ṭi êm êm a.

JEREMIA 51:15

“A thilthawtheinân hnuoi chu a siem a, a varnain khawvêl chu a tungding a, a hrietthiemna chun vânhai khi a keiphar bawk a;

JEREMIA 51:19

Jakob chan chu hieng ang hi chu a ni nawh; ama chu thil po poa hmasa a na, Israel khawm chu a rochana a chipui a nih; Sipaihai Lalpa chu a hming a nih.

DANIEL 3:15

tuhin tawtawrâwt dâm, theihle dâm, ṭingṭang dâm, rawsem dâm, perkhuong dâm, baza le rimawi tinrêng ri chu in hriet pha pha, in bawkkhupa milim ka siem chu chibai in bûk ding chun a ṭha; amiruokchu, chibai in bûk naw chun, chu dârkâr sûng ngeia chun meithuk chawklai râpthlâktaka chun peiin um in tih; ka kuta inthawka sansuok ding cheu pathien chu tu am a ni leh?” a ta.

DANIEL 3:18

Chuong chu ni naw ding khawm ni sien, i pathienhai chu an rawng bâwl naw ning ung a, rângkachak milim în ngîrtir khawm chu chibai bûk bawk nawng kan tih,” an ta.

DANIEL 3:19

Chun, Nebukadnezzar chu lunginsennain a sip a, a hmêl umzie chu Sadrak, Mesak le Abednego chunga chun a hung danglam ta a; chuleiin, a hril a, meithuk chu a lum hlak ang let saria suklum dingin thu a pêk ta a.

THILTHAWHAI 12:23

Ama chun Pathien kuomah chawimawina chu a pêk naw leiin kârlovin Lalpa vântirkoin a man a, rulrukûtin a fâk a, a thi ta a.

1 KORINTH 1:20

Mi var chu khâwlai am a um a? Dân hre mi khawm chu khâwlai am a um a? Hi khawvêla sêltu chu khâwlai am a um a? Pathienin khawvêl varna hi invêtthlâk a nih ti ân hriettir naw am a nih?

1 KORINTH 15:55

“Aw thina, i hnena chu khâwlai am a um ta a? Aw thina, i tûr chu khâwlai am a um ta a?” ti thuziek hi hung tlung tâng a tih.

DÂN PAHNINA 32:18

A thlatu che Lungpui chu i ngaisâng naw a, A siemtu che Pathien i theinghil bawk.

DÂN PAHNINA 6:12

fîmkhur hle el ro; chuong naw chun, Aigupta rama inthawka suoka inthawka ṭhuoi suoktu cheu Lalpa chu theinghil el rawi in tih.

DÂN PAHNINA 8:11

“A thupêkhai, a thuruothai, a rorêlhai, vawisûna ka pêk cheu hi zâwm lovin Lalpa in Pathien chu theinghil khat rawi in tih, fîmkhur ro;

HEBRAIHAI 11:15

Chun, an suokna ram chu lungkham hai sien chu fena remchâng an hmu ngei ta ding a nih.

THUPUONGSUO 19:20

Chun, Sahrâng chu an man a, zâwlnei tehlêm-Sahrâng inchikna nei le a lim chibai bûktuhai a hlêmna hlak thilmak a mithmua thawtu kha-an man sa a. An pahni chun kâta kâng mei dîla chun a hringin an pei a.

THUPUONGSUO 20:9

Chun, hnuoi khang tieng dâpin a tungin an fe a, mi inthienghai le khuo ditumtak chu an inhuol ta a, chun, vâna inthawkin mei a hung tla a, anni chu a kânghmang ta a.