ISAI 50:4 - Pathien Lekhabu Inthieng (BSI)

⁴ Mi sâwltak chu thua ka suksâwldam theina dingin Lalpa Pathien chun inchûktirhai lei a mi pêk a; ama chun tûk tinin a keihar a, inchûktirhaiin an hriet anga hre dingin ka na hi a keihar hlak.

ISAI 50:4 ပူးပေါင်းရင်းမြစ်များ

JOB LEKHABU (THE BOOK OF JOB) 4:4

I thuhai chun mi tlu ding khawm chu a lo chelngir a; Khûp zawihai khawm chu i lo sukdet hlak kha.

INPÂKNA HLABU 119:147

Varṭien chu ka khal a, ka khêk hlak a, I thuhai chu ka beisei hlak.

INPÂKNA HLABU 143:8

Zîngkâr chun i ngilneina thu mîn hriettir la, Nang ka ring si che a; Ka fena ding lampui chu mîn hriettir la; Ka lungril hi i kuomah ka sie tlat hlak si a.

INPÂKNA HLABU 40:7

Chu phingle chun keiin, “Ngai ta, ka hung ie, Lekhabu ziela chun ka thu ziek a nih:

INPÂKNA HLABU 45:2

Mihriem nauhai nêk hin i hmêl a ṭha lem a, Lunginsietna hi i hmûra chun buok a nih; Chuleiin, Pathienin kumkhuoa dingin mal a sâwm che a nih.

INPÂKNA HLABU 5:3

Aw Lalpa, zîngkâr chun ka râwl hi lo hre hlak i ta, Zîngkâr chun ka ṭawngṭâina chu i hmaa chun rêl fel diem ka ta, lo ngaiven hlak ka tih.

INPÂKNA HLABU 88:13

Aw Lalpa, kei ruok chun ka ko che a, Ka ṭawngṭaina chun zîngkâr tuok a ti che.

THUVARHAI 12:25

Mihriem lungrila inlungkhamna chun a sukkûn a, Thu ṭha ruok chun a suklâwm hlak.

THUVARHAI 15:23

Dawnna indik chun mi a suklâwm a, A huntaka thu a ni tak hril chu a va ṭha de!

THUVARHAI 25:11

A huntaka thu hril chu Tangkaraw leikhawrhaia rângkachak apple theirahai ang chu a nih.

ISAI 28:19

A luong tlang po leh la pei a ti cheu a; tûk tin tûk tinin, a sûn a zânin, a luong tlang âwm si a; thu incha umze hriet chu thil râpthlâk ruok nîng a tih,” tiin.

ISAI 28:9

Hrietna tieng chu tu hîm ân chûktir ding a ni leh? Thucha chu tu hîm ân hriettir ding a ni leh? Nene nêk bân chauhai le nêne innêktir ta lohai hîm an ni ding?

ISAI 35:5

Chu pha chun mitdelhai mit chu sukmengin um a ta, nasêthai na chu sukvarin um a tih.

ISAI 40:29

Châuhai kuoma chun thilthawtheina a pêk hlak a; hrâtna hrim nei nawhai chu a sukhrât hlak.

ISAI 50:10

Nangni laia Lalpa chu ṭi a, a siehlaw thuawi chu, tu am a na? Inthima lênga var hrim hrim nei naw chun Lalpa hming chu ring sienla, a Pathien chungah innghat raw se.

ISAI 54:13

I nauhai po po chu Lalpa inchûktirin um an ta, i nauhai lungmuongna chu nasatak nîng a tih.

ISAI 8:16

Inhriettirna thu ziel hi khuop la, dân thu hi ka inchûktirhai lai namin inchik rawh.

JEREMIA 1:9

Chun, Lalpa chun a kutin a hung ban a, ka bau chu a tâwk ta a; chun, Lalpa chun ka kuoma chun, “Ngai ta, i baua chun ka thuhai chu ka sie tah,

JEREMIA 31:25

Mi chauhai chu ka suktlai a, mi lungngai tinhai khawm chu ka sukhar bawk a.

EZEKIEL 46:13

Ni tin Lalpa ta dingin pumrawhmang thilinhlâna dingin berâmte kum khat mi demkailo buotsai i ta; zîngkâr tina dingin i buotsai ding a nih.

MATTHAI 11:28

“Nangni sininrim le phur rik phur po pohai, ka kuomah hung unla, keiin inchâwltir ka ti cheu.

MATTHAI 13:54

Chun, a umna khuo tieng chu a tlung a, an inkhawmna ina chun anni ân chûktir ta a; chuongchun, mak an ti hle a. “Hi mipa hin, hieng varna le, thilmak thaw theinahai hi, khâwlaia inthawka a hmu am a ni leh?

MATTHAI 22:46

Chun, tukhawmin bau khat khawma an dawn thei ta naw a; chu ni chena inthawk chu tukhawmin thu dang hrim hrim khawma an indawn ngam ta nawh.

LUKA 21:15

in hmêlma po poin an sêl thlâk thei nawna ding bau le varna ka pêk ding cheu a ni si a.

LUKA 4:22

Chun, an rêngin ama an inpâk a, a bausuok lunginsietna thu dâm chu mak an ti hle a. “Hi pa hi Josef naupa a ni naw am a nih?” an ta.

JOHAN 7:46

Manmihai chun, “Hi mipa thuhril ang hrim hin tukhawmin thu an hril ngai nawh,” an ta, an dawn a.

DÂN PAHNINA 18:17

Chun, Lalpa chun ka kuomah, ‘An thuhril chu an hril ṭha hle a.

DÂN PAHNINA 18:18

An unauhai laia inthawkin nangma ang zâwlnei siempêk ka ta; a bauah ka thuhai sieng ka ta, a kuoma thu ka pêk taphawt chu an kuomah hril a tih.