ISAI 5:7 - Pathien Lekhabu Inthieng (BSI)

⁷ Sipaihai Lalpa grêp huon chu Israel sûngkuo hi a na, Juda mihai hi a kûng ditumtak chu an ni si a; rorêlna fel a beisei a, nisienlakhawm, ngai ta, nêksâwrna a hung um ta lem a; felna a beisei a, nisienlakhawm, ngai ta, khêk ri a hung um ta lem a nih.

ISAI 5:7 ပူးပေါင်းရင်းမြစ်များ

INṬANNA 4:10

Lalpa chun, “Iengam i thaw leh? I sang thisen râwl chun hnuoia inthawkin a mi ko a nih.

2 SAMUEL 7:10

Chun, ka mi Israelhai ta dingin hmun ruot ka ta, anni ngei puol hmuna an um a, an insawn ta nawna dingin anni chu phun ka ta, kha hma ang khan mi rilohaiin sukrimsi ta naw ni hai a;

JOB LEKHABU (THE BOOK OF JOB) 34:28

Chuongchun, mi rimsi khêk ri chu ama kuom an intlungtir a, Chun, ama chun sukrimsia um khêk ri chu a lo hriet a.

INPÂKNA HLABU 147:11

Lalpa chun ama ṭituhai chunga chun lâwmna a nei hlak, A ngilneina beiseituhai chunga chun.

INPÂKNA HLABU 149:4

Lalpa chu a mihai chungah a lâwm si hlak a, Thuhnuoirawlhai chu sandamin sukmawi a tih.

INPÂKNA HLABU 80:15

A kûng i kut changtiengin a phun le, A kâu i ta dinga i sukhrât le hin.

FESUOKNA 3:7

Chun Lalpa chun, “Aiguptaa ka mihai rimsikzie chu feltakin ka hmu a, an sinthaw hotuhai sukrimsikna leia an khêkri khawm chu ka hriet a, an tuornahai chu ka hriet a,

THUVARHAI 21:13

Tukhawm mi pasie khêk ria a nahai suksêt chu, Ama khawm khêk ngei a ta, amiruokchu, ngai ni naw nih.

THUHRILTU 4:1

Chun, ka thlîr a, nisa hnuoia nêksâwrna thawa umhai po po chu ka hmu a; chun, nêksâwra umhai mitthlihai chu ka hmu bawk a; thlamuontu hrim an nei nawh; nêksâwrtuhai tienga chun thilthawtheina a um a, nisienlakhawm, anni chun thlamuontu hrim an nei nawh.

HLAHAI HLA 7:6

Aw hmangai, lâwm i umin, I hmêl a ṭhain, lung i sukâwi ngei de aw!

ISAI 1:21

Iengtiziea khawpui ringumtak chu nawchizawra inchang el am a ni le aw! Rorêl felnaa sipnu a ni hlak vei leh! Amaa chun felna a um hlak a, tu ruok hin chu tuolthattuhai an um lem ta hi.

ISAI 1:6

Kepha hnuoia inthawka lu chenin a dam lai hrim a um nawh; pawp dâm, vuok duk chur dâm, pânna hnâi la ruok an nih; chuong chu an hmetping naw a, an tuom bawk naw a, sahriek khawm an nâl bawk nawh.

ISAI 27:2

Chu nia chun, “Uoin grêp huon pakhat chu, chu chu chawimawiin hla sak ro.

ISAI 3:14

Lalpa chun a mihai upahai chunga le, an mi lienhai chunga chun ro rêl a tih. Lalpa Sipaihai Lalpa chun, “Nangni rawi hi in nih, grêp huon fa zotuhai chu;

ISAI 3:15

mi rimsihai kuoma inthawka sum lâk chu in inah a ni a um chu; iengtiziea ka mihai chu in namsâwr a, rimsihai hmai chu in râwtnawi am a ni leh?” a ta.

ISAI 3:17

Lalpa chun Zion naunuhai lusîpa chun pânna khir inumtir a ta; Lalpa chun an zamawhai khawm suklang a tih,” a ta.

ISAI 30:12

Chu lei chun, Israelhai Mi Inthieng chun hieng ang hin a hril a, “Hi hi thu hi in hmusit lei le nêksâwrna le kâwmawsietna in ring a, a chunga in innghat leiin;

ISAI 46:12

Lungril uong, felna hlata umhai, ka thu hi ngai ro; ka felna chu ka hung lâk hnai a, hlatakah um naw ni, ka sandamna khawmin sâwt riel naw nih;

ISAI 5:2

Ka idittak chun tlâng hnuoi ṭhatna takah grêp huon a nei a, a vêlin hnuoi a cho khur a; a lunghai chu a rût fai a, grêphrui ṭhatak chi a phun a, a laia chun in insâng a bâwl a, chutaka chun grêp sâwrna khur khawm a cho a; chun, grêp raa ra dingin a beisei a, nisienlakhawm, grêp suok elin a hung ra ta lem a.

ISAI 59:13

kan bawsiet dâm, Lalpa kan inphatsan dâm, kan Pathien zui pei lova kan nghatsan dâm, nêksâwr thu le hel thu kan hril dâm, khêl thu kan vawng a, lungrila inthawka kan hril suok hlak hi.

ISAI 59:14

Chuongchun, rorêlna chun hnungtieng a mîn nghatsan a, felna chun hlatakah a mi ngîrsan tah; thutak chu kawtthlêra chun a tlu zing si a, indikna hlak chu a lût thei naw a.

ISAI 59:4

Tukhawma thubuoi indiktakin an hril naw a, tukhawma indikna leh thubuoi an hril ngai nawh; thu teplo mei mei an ring a, khêl an hril hlak a; thil suksuolna an vawn a, khawhlona an nei hlak.

ISAI 62:5

Tlangvâlin nunghâk nuhmeia an nei hlak ang hin i naupasalhaiin nuhmeiah nei an ti che: mo neitu chu mo chunga a lâwm angin, i Pathien chu i chungah lâwm a tih.

JEREMIA 12:10

Berâmpu tamtakhai chun ka grêp huon chu an suksiet a, ka chan chu an ke hnuoiah an sirde a, ka chan inhawitak chu thlalêr ram râusanah an siem ta a.

JEREMIA 24:2

Leikhâwr pakhata chun theichang ṭhatak tak el, theichang hmin hmasa ang kha a um a; leikhâwr danga chun theichang setak tak el, fâk thei lo khawpa sie chu a um a.

JEREMIA 50:46

Babulon lâkna ria chun hnuoi chu ân thin a, hnamhai laia chun a khêk ri chu hrietin a um a,” tiin.

EZEKIEL 22:29

Chu ram mipuihai chun nêksâwrna an hmang a, inrûk an chîng bawk a; anih, tlasamhai le mi rimsihai chu an suklungngai a; mikhuol chu indik lotakin an nêksâwr a.

HOSEA 10:1

Israel chu grêp hrui inbuktak, ra hautak a nih; A ra tam hu ang peiin a maichâm a sukpung a, A ram ṭhatzie ang peiin lung inser phun ṭhatak tak a siem a,

MIKA 6:12

Chutaka mi hausahai chu pâwngnêknain an sip si a, chutaka chênghai chun khêl an hril a, an bau sûnga an lei chu mi hlêm hmang a nih.

MIKA 6:8

Aw mihriem, a ṭha chu ân entir ta che a nih; Lalpain a phût che chu ieng am a na? Indiktaka thaw le lunginsietna ngainat le i Pathien le thuhnuoirawltaka lêng hmunkhat chu a ni naw am a nih?

HABAKKUK 1:3

Iengdinga suolnahai hi i mîn hmutirin, Iengdinga lungngaina hi i mîn entir am a na? Suksietna le inpâwngnêkna chu ka hmaa hin a um a, Insuolna a um a, indona a hung suok hlak a nih.

ZEPHANIA 3:17

Lalpa i Pathien thilthawtheitak, sandamtu ding chu i sûnga chun a um a; Nang chu hlimnain lâwm a ti che a, a hmangainaa chun châwl a ta, Hla sakin nangmaa chun hlim a tih.

MATTHAI 23:23

“Nangni Dân inchûktirtu le Pharisai vervêkhai, in chung a rik! pudina dâm, mohuri dâm, zira dâm chu sâwma pakhat in pêk hlak a, dân thu pawimaw lem felna dâm, lunginsietna dâm, ringumna dâm chu in ngaitha si hlak; nisienlakhawm, chuong chu a nih in sawnnaw in thaw ding chu, a danghai chu thaw ṭhul chuong lovin.

LUKA 18:7

An chungah zai la daw hri sien khawm, a mi thlang, asûn azâna ama kotuhai phuba chu Pathienin a lâkpêk naw ding am a nih?

JOHAN 15:2

Ka zawmpui kâu ra naw taphawt chu a peihâwn hlak; a ra taphawt chu a sukthieng hlak, a ra tam nâwk zuolna dingin.

DÂN PAHNINA 15:9

‘Ngaidam kum, kum sarina chu a hung tlung ding a ni tah,’ tiin in unauhai chu hmu nuom lovin, iengkhawm pe nuom lovin in lungrila indik nawtaka ngaituona um lo dingin fîmkhur ro; chuong naw chun, ama chun in chungchâng thuah Lalpa ko a ta, i ta dingin suol hung ni rawi a tih.

JAKOB 5:4

Ngai ta u, in lova bu sîka inhlawfahai hlaw, hlêma in pêk naw kha, a khêk a, a sîktuhai lunginzing khêk ri khawm chu Mipuihai Lalpa naah a hung lût ta a.