ISAI 5:16 - Pathien Lekhabu Inthieng (BSI)

¹⁶ sipaihai Lalpa ruok chu rorêlnaa chawisângin a um ta lem a, Pathien, Mi Inthieng chu felnaa sukthiengin a um ta a.

ISAI 5:16 ပူးပေါင်းရင်းမြစ်များ

1 CHANCHIN SUINA 29:11

Aw Lalpa, ropuina dâm, thilthawtheina dâm, chawimawina dâm, hnena dâm, inlalna dâm i ta an na; hnuoi le vâna um po pohai chu i ta an ni vawng si a; Aw Lalpa, lalram chu nangma ta a na, mi po po chungah nang chu lu anga chawimawiin i um hi.

INPÂKNA HLABU 21:13

Aw Lalpa, i hrâtnaa chun chawimawiin um la, Chuongchun, i thilthawtheina inpâkin hla sak kan tih.

INPÂKNA HLABU 46:10

To unla, Pathien ka nih ti hi hre ro, Hnam tin lai chawimawiin um ka ta, hnuoia hin chawimawiin um ka tih.

INPÂKNA HLABU 9:16

Lalpa chun ân hriettir a, rorêlna chu a tirsuok ta a, Mi rilo chu ama kutsuok ngeia chun a âwk hlak.

ISAI 12:4

Chu nia chun hieng ang hin la hril in tih, “Lalpa kuoma chun lâwmthu hril unla, a thilthawhai chu mi tin kuomah inhriettir unla, a hming chu chawimawiin a um ti hril ro.

ISAI 2:11

Mihriem inditnahai chu suktlâwmin um a ta, mihai chapona chu sukhnuoiin um a tih; chu nia chun Lalpa chau chu chawisângin um a tih.

ISAI 2:17

Mihriem inditnahai chu sukhnuoiin um a ta, mihai chapona chu suktlâwmin um bawk a tih; chu nia chun Lalpa chau chu chawisângin um a tih.

ISAI 2:9

Mi chînhai chu sukhnuoiin an um a, mi lienhai chu suktlâwmin an um bawk a, chuleiin, anni chu ngaidam naw rawh.

ISAI 28:17

Rorêlna fel chu a suktlûnna hruiin hmang ka ta, felna chu a dârmûmkhaiah hmang ka tih, riel chun inhumhimna khêl thuhai chu dêng hmang vawng a ta, tuihai chun inbîkhmangna chu chîm tlum a tih.

ISAI 29:23

An nau, ka kutsuokhai chu, anni laia an hmu chun, ka hming chu sukthieng lem tâng an tih; anih, Jakobhai Mi Inthieng chu sukthieng an ta, Israelhai Pathien chu ṭi tâng an tih.

ISAI 30:18

Chuleiin, Lalpa chun a lunginsiet theina ding cheuin, nghâk a ta, chuleiin, a lainat theina ding cheuin chawimawiin um a tih; Lalpa chu rorêl felna Pathien a ni si a; ama nghâktuhai po po chu an hamṭha ie.

ISAI 33:10

Lalpa chun, “Tuhin chu tho ka ta, tuhin chu inthawk ka ta, tuhin chu chawisângin um tâng ka tih.

ISAI 33:5

Lalpa chu chawisângin a um tah; chungtienga khin a um si a; ama chun Zion chu rorêl felna le felnain a suksip tah.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti si a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 6:3

Chun, “Sipaihai Lalpa chu ân thieng ie, ân thieng ie, ân thieng ie, hnuoi pumpui chu a ropuinain a sip a,” tiin, an inkhêk tuo an inkhêk tuo hlak a.

ISAI 61:8

Kei Lalpa hin rorêlna fel ka ngaina hlak si a, khawhlotaka inram el hi ka theida hlak a, chuongchun, anni ka thungna chu titakmeuin an kuomah pêng ka tih, an kuomah kumkhaw thu thlung bawk ka tih.

ISAI 8:13

Sipaihai Lalpa, ama ngei chu in sukthieng ding a nih, ama chu in iṭi chu ni sienla, ama chu in iṭi chu ni raw se.

EZEKIEL 20:41

Hnamhai laia inthawka ka hung ṭhuoi suok pha cheu a, sukdara in umna ramhaia inthawka ka kei khâwm pha cheu chun riminhnik angin lâwm tâng ka ti cheu a, hnamhai mithmua ngei chun nangni chu sukthieng tâng ka ti cheu.

EZEKIEL 28:22

hieng hin ti la, Lalpa Pathien chun hieng hin a tih: Ngai ta, aw Sidon, ka dodâl che a nih, I sûnga chun ka ropuina suklang ka tih: Chuongchun, Lalpa ka nih ti mi hre tâng an tih, Amaa ka rorêlnahai chu ka sukpuitling a, Ama ka sukthieng pha chun;

EZEKIEL 28:25

“Lalpa Pathien chun hieng ang hin a tih; Israel sûngkuohai chu sukdara an umna hnamhai laia inthawka ka lâk khâwm a, hnamhai mithmu ngeia annia sukthienga ka um pha chun, ka siehlaw Jakob kuoma ka lo pêk tah, anni rama ngei khan chêng tâng an tih.

EZEKIEL 36:23

Chun, ka hming ropuitak chu, hnamhai laia sukpawrchea lo um tah, anni laia in lo sukpawrche ta chu sukthieng ka ta; chuongchun, hnamhai chun Lalpa chu ka nih, ti mi hre tâng an tih, Lalpa Pathien chun a tih; an mithmua nangnia sukthienga ka um pha chun.

EZEKIEL 38:16

ka mi Israelhai chu hung do i ta, sûmpuiin ram a hung tuom ding ang elin; chun, ni nuhnungahai chun aw Gog, an mithmu ngeia nangmaa sukthienga ka um phaa hnam tamtakhai chun an mi hriet theina dingin, ka ram chu indodâl tir ka ti che.

EZEKIEL 38:23

Chun, kei le kei inchawimawiin, insukthieng ka ta, hnam tamtakhai mithmua chun kei chu insukhmêlhriet ka ta; chun, Lalpa chu ka nih ti mi hre tâng an tih.

DANIEL 4:37

Tuhin, kei Nebukadnezzar hin vâna Pathien chu ka chawimawiin, ka chawisângin kân pâk a; a sinthawhai po po chu indikna a na, a lampuihai chu felna a nih; chun, chapoa fehai chu a sukhnuoi thei a nih.

LEVI DÂN 10:3

Chuongchun, Mosie chun Aron kuomah, “Hi hi a nih Lalpain, ‘A mi hnaituhaia chun inthiengin inlang ka ta, mipui po po hmaa chun chawimawiin um ka tih,’ tia a hril kha,” a ti a. Aron chu a to zing a.

NAMBAR 20:13

Hi hi Meriba tuihai chu a nih; chutaka chun Israel thlahai chu Lalpa chungah an chier rak a, ama chun a thienghlimzie a suklang tâk leiin,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:5

I lulul le i lungril ngar leiin, lungsenna le Pathien rorêlna feltak hung inlang ding nia ding chun i chungah lungsenna în khâwlkhâwm a ni lem a nih.

1 PETER 1:16

“Nangni in inthieng ding a nih, kei kân thieng si a,” ti ziek ang khan.

1 PETER 2:15

Hi hi Pathien dit zawng a ni si, mi invêthai thu hril var naw chu thil ṭha thawa in sêldawng hi;

1 PETER 3:15

Amiruokchu, in lungrilah Krista chu Lalah ruot ro; nangnia um in beiseina san chu ân dawn taphawt cheu chu dawn dingin inzosa rawp ro.

THUPUONGSUO 3:7

“Chun, Philadelphiaa kohran tirko kuoma chun hieng hin ziek rawh: “ ‘Mi inthieng, mi indiktak, David chabi nei, tu ikhâr lo dinga hawnga, tu ihawng lo dinga khârtu khan, hieng thu hi a hril a nih:

THUPUONGSUO 4:8

Chun, thilhring pali chu thla paruk seng nei, an pumin an sûng tieng chena mita sip an nih. “Lalpa Pathien Iengkimthawthei, Um ta le, um zing le hung um ding chu, Ân thieng ie, ân thieng ie, ân thieng ie,” tiin sûn le zân an châwl ngai nawh.