ISAI 5:15 - Pathien Lekhabu Inthieng (BSI)

¹⁵ Mi chînhai chu sukkûnin an um a, mi lienhai chu suktlâwmin an um a, chapo mithai chu sukhnuoiin a um ta a;

ISAI 5:15 ပူးပေါင်းရင်းမြစ်များ

2 SAMUEL 22:28

Rinum tuor mihai chu sandam i ta, Mi chapohai ruok chu i suktlâwm theina dingin an chungah i mit a fu zing a.

INPÂKNA HLABU 131:1

Lalpa, ka lungril hi a chapo naw a ka mithai hi ân sâng bawk nawh; Thil ropuitakhaiah ka ṭhangsa ve ngai nawh, Ka ta dinga thilmak taluohaia khawm.

INPÂKNA HLABU 62:9

Mi inhnuoihai hi iengkhawm an ni naw a, mi insânghai khawm hi khêl an nih; Bûknaa chun an inkâng dai a, Iengkhawm ni lo nêk khawmin an zâng lem a nih.

FESUOKNA 9:17

Ka mihai chunga hin nang le nang inchawimawiin, anni chu i lân fetir naw rawp ding a ni maw?

THUVARHAI 30:13

Thla pakhat an um a, aw an mithai chu a vân sâng ngei de! An mit vunhai chu a tungin ân hlîm a.

ISAI 10:12

Chu lei chun Lalpa chun, Zion tlâng le Jerusalem chunga sinthaw ding po po a thaw zo pha chun, Assuria lal a lungril chapo ra le a mit chapo ropuina chu la hrem ka tih.

ISAI 10:33

Ngai ta, Lalpa, Sipaihai Lalpa chun, thil râpthlâktakin a kâuhai chu sât thlâng a ta, insângtak takhai chu phûrin um a tih, a dâwk bîkhai khawm chu râwt hnuoiin um a tih.

ISAI 13:11

Chun, khawvêl hi an suolna leiin hrem ka ta, mi rilohai chu an khawhlona leiin hrem bawk ka tih, chun, mi chapo ṭawng uongna chu sukbo ka ta, mi ṭium chapona chu sukhnuoi bawk ka tih.

ISAI 2:11

Mihriem inditnahai chu suktlâwmin um a ta, mihai chapona chu sukhnuoiin um a tih; chu nia chun Lalpa chau chu chawisângin um a tih.

ISAI 2:12

Sipaihai Lalpa ni chu inngaisâng le, chapo po po chunga le chawisânga um po pohai chunga chun a la um ding a ni si a; chuongchun, suktlâwmin um a tih;

ISAI 2:17

Mihriem inditnahai chu sukhnuoiin um a ta, mihai chapona chu suktlâwmin um bawk a tih; chu nia chun Lalpa chau chu chawisângin um a tih.

ISAI 2:9

Mi chînhai chu sukhnuoiin an um a, mi lienhai chu suktlâwmin an um bawk a, chuleiin, anni chu ngaidam naw rawh.

ISAI 37:23

Tu am i sukhmingsietin, i hrilsiet a? Tu chung âm i râwl i sukpuom a, i mit i suksâng? Israel Mi Inthieng chung ngeiah.

ISAI 37:29

Ka chunga i lunginsen lei le, i ṭawng mingemzie chu ka naa hin a hung lût tâk leiin ka hnâr inbûk chu i hnârah inbûk ka ta, ka thîrse chu i hmûrah inbûk bawk ka tih; i hungna lampui ngeia khan inkîrtir nâwk ka ti che, tiin

JEREMIA 5:9

Hieng thilhai lei hin ka hung hrem naw ding am a nih? Lalpa chun a tih; ka thlarau chun hieng ang hnam chunga hin phuba a lâk naw ding am a nih?

DANIEL 4:37

Tuhin, kei Nebukadnezzar hin vâna Pathien chu ka chawimawiin, ka chawisângin kân pâk a; a sinthawhai po po chu indikna a na, a lampuihai chu felna a nih; chun, chapoa fehai chu a sukhnuoi thei a nih.

ZEPHANIA 3:11

Chu nia chun i thil thawhai po po, ka chunga i bawsietnahai lei chun inzak ta naw ti ni a; nanga sûnga inthawkin nasataka nang chapopuituhai che chu ka lâk suok ding a ni ta si a; chuongchun, ka tlâng inthienga chun chapo ta ngai hrim hrim naw ti nih.

1 PETER 5:5

Chuong ang bawkin, nangni tleirâwl deuhai, upahai kuomah intuklût ro. Anih, in rêngin rawng inbâwltuo seng dingin thuhnuoirawlnain inthuom ro; Pathienin chapohai a kal a, inngaitlâwmhai ruok chu lunginsietna a pêk hlak si a.