ISAI 5:14 - Pathien Lekhabu Inthieng (BSI)

¹⁴ Chuleiin, Seol chun a châkna chu a lo suklien a, a bau chu inkhi ruollo khawpin a ka ta a, chuongchun, an ropuina dâm, an mipuihai dâm, an ropui bûr bûrna dâm, anni laia lâwmtaka umhai le chun an lût thla ta duol duol a.

ISAI 5:14 ပူးပေါင်းရင်းမြစ်များ

INPÂKNA HLABU 49:14

Berâm ruol angin Seol ta dinga ruot an na, Thina chu an vêngtu ning a ta, Zîngtieng chun mi indiktakhaiin an chungah thu nei an ta, An umna hrim hrim a um nawna dingin, an mawina chu Seol suksiet ding nîng a tih.

INPÂKNA HLABU 55:15

Thina an chungah hung tlung thut sienla, Khur sûnga chun a hringin fe thla raw hai se; Rîtlonahai chu an umnaa le an sûngahai an um si a.

THUVARHAI 1:12

Seol ang elin an hring pumin lem ei ta; Mi felhai ngei chu, vânsama fethlahai ang elin;

THUVARHAI 27:20

Seol le Abaddon chu an khawp ngai naw a, Mihriem mithai khawm chu an lungawi ngai nawh.

THUVARHAI 30:16

Thlân le, sul ching chu: Hnuoi, tuia tlai zo ngai lo, Chun, mei “A huntâwk,” ti ngai der lo chu.

ISAI 14:11

I ropui bûr bûrna chu Seola ṭhuoi thlâk a ni tah, i perkhuong inri bur burhai leh; chawkchawnâl chu i hnuoiah ân pha a, thil ngêhai chun ân khum ta che a ni hi,’ tiin.

ISAI 14:9

Hnuoi tienga inthawka Seol chu i hung tlung tuok ding chein, nangma leiin a buoi mur mur a nih; mithi, hnuoia ṭhuoituhai po po chu, nangma leiin a chawktho a, hnam tin lal po pohai chu an lalṭhungphaa inthawk chun a keitho tah.

ISAI 21:4

Ka lungril hi ân thuok hlawp hlawp a, thil râpthlâktakin a mi suklâu a; zântieng dei ka nghâkhla hlak kha ka ta dingin inthinnaah ân chang a,

ISAI 24:8

Khuongtêhai hlimna chu a re a, lâwmtaka umhai ri chu a dei ie, ṭingṭang hlim ri chu a re ie.

ISAI 30:33

Topheth pakhat chu inhma daia lo buotsai tah a ni si a, anih, lal ta ding chun siem zosa hieu a nih; inthûktak le lientakin a siem a, a thil sêkkhâwl chu mei le thing tamtak a nih; Lalpa thuok, kât vadung luong ang chun a sukkâng dur dur a.

EZEKIEL 7:12

A hun chu a hung tlung a, a ni chu a hung hnai tah; inchawtu chu hlim naw sienla, a zawrtu khawma pawiti bawk naw raw se; mi po po chungah lunginsenna chu a um si a.

DANIEL 5:30

Chu zân chun Kaldai lal Belsazzar chu thatin a um ta a.

NAHUM 1:10

Hling bawn anga umin an uoin dâwn chun chie hu hnêp angin um sienla khawm, bupâwl ṭâwl ang ela sukbohmang vawng nîng an tih.

HABAKKUK 2:5

Anih, chu nawa khawm uoin he chu bawsetu, Mi chapo, a ina um ngailo chu a nih; Ama chun a châkna chu hremhmun angin a suklien a, Ama chu thina ang a na, suktlai ruol a ni nawh. Chi po pohai chu a kuoma chun a kei khâwmin, Hnam po pohai chu a kuomah a lâk khâwm lem a nih.

MATTHAI 7:13

“Kawtkhâr chîna chun lût ro; bohmangnaa fena kawtkhâr chu a lien a, a lampui khawm a lien bawk a, chu tienga lût chu tam khawm an tam hle a nih.

LUKA 17:27

Noa lawngah a lût a, tui a hung lêt a, an rênga a sukhlum vawng ni kha a tlung hmakhat chun, an fâkin an dâwn a, nuhmei pasal an innei hlak.

LUKA 21:34

“Amiruokchu, fîmkhur ro, chuong naw chun, fâk khawp taluo leh, zu inrui leh, dam sûng khawsak ngaituo leh in lungril sip taluo hlau a ta, chu ni chun châng âwk angin kârlovin in chungah hung tlung phut a tih.