ISAI 5:13 - Pathien Lekhabu Inthieng (BSI)

¹³ Chuleiin, ka mihai chu, hrietna an nei naw leiin, sala ṭhuoiin an um ta a; an mi inzâumhai chu an phîng a ṭâm a, an mipuihai chu dangchârin an dang ân hil zo ta a.

ISAI 5:13 ပူးပေါင်းရင်းမြစ်များ

2 LALHAI 17:6

Hosea kum kuo ân lal kum chun Assuria lal chun Samari khuo chu a lâk a, Israel mihai chu Assuria rama chun a ṭhuoi a, Hala rama dâm, Gozan rama Habor vadunga dâm, Media mihai khuoa dâm ân umtir a.

THUVARHAI 10:21

Mi fel hmûrhai chun mi tamtak a châwm a, Invêt ruok chu hrietthiemna tlasamin a thi.

ISAI 1:3

Bâwngchal chun a pu a hriet a, sabengtung khawma a pu bupêkna a hriet bawk a, Israelhai ruok chun an hriet si naw a; ka mihai chun an ngaituo naw a nih,” tiin.

ISAI 1:7

In ram chu rausanin a um zo a, in khuohai chu meiin a kâng zo a, in ram chu ram dang mihaiin in mithmu ngeiah an nei zo a, ram dang mihai suksiet angin a se zo tah.

ISAI 23:9

Sipaihai Lalpa chun ropuina po po chapona chu sukmawi lo ding le, hnuoia mi inzaumhai po po hmusituma inumtir dingin a ruot a nih.

ISAI 27:11

A kauhai chu a vuoi pha chun thliekin um a ta, nuhmeihai hung an ta, raw el an tih; hriet theina hrim hrim nei naw mihai an ni si a; chuleiin, anni siemtu chun anni chu lunginsiet naw ni a, anni inngîrtu chun anni chu a ditin ditsak hrim hrim bawk naw nih.

ISAI 3:1

Ngai ta u, Lalpa, Sipaihai Lalpa chun, Jerusalem kuoma inthawk le, Judahai kuoma inthawk chun an ringpui le an ring tak, an ringpui bu po po le an ring tak tui po po chu, a lâkpêk mêk a ni hi;

ISAI 3:3

sâwmnga hotu le mi inzâum, remruottu le themthiem le ailâkthiem leh.

ISAI 44:19

Tukhawma an hriet suok nâwk naw a, “Ṭhenkhat chu meiah ka ti si a; anih; a aia khawm bei ka em nghe nghe a; sa khawm ka raw a, ka fâk si a, a mahla chu thil tirdakumah ka siem ding am a nih? Thinga mi bawkkhupin chibai ka bûk ding am a nih? ti dingin annia chun hrietna le hrietthiemna a um bawk nawh.

ISAI 49:21

Chuongchun, nang chun i lungrilin, ‘Hienghai hi tu mîn entir am an ni leh? Ka nauhai kân hmang a, mâni khâta sala invâk invâk ka ni si a; chuongchun, hienghai hi tuin am a châwm puitling tâwl leh? Ngai ta, ka khât chaua mâksanin ka um si a, hienghai hi khaw taka inthawka hung um am an ni leh?’ tîng i tih,” tiin.

ISAI 65:13

Chuleiin, Lalpa Pathien chun hieng ang hin a tih, “Ngai ta u, ka siehlawhai chun fâng an ta, nangni ruok chu phîngṭâmin um in tih: ngai ta u, ka siehlawhai chun dâwn an ta, nangni ruok chu dangchârin um in tih; ngai ta u, ka siehlawhai chu hlim an ta, nangni ruok chu inzak in tih:

JEREMIA 14:18

Ramhnuoiah ka va fe leh, kâwlhnâma thihai hmu a ni a! khawpui sûng ka lût leh, ṭâmnaa na tuorhai hmu a ni a! zâwlneihai le thiempuhai chu ram sûnga chun an invâk vêl a, hrietna nei si lovin,” tiin.

JEREMIA 14:3

A miṭhahai chun an nauhai chu tui chawi dingin an tir a, khurahai chun an hung a, tui hlak an hmu naw a; an tuitheihai chu a ruokin an kîr a, an inzakin an buoi a, an luhai chu an inkhum a.

JEREMIA 8:7

Anih, chunga vakâwl chun ama hun ruot chu a hriet a; vaṭhuhai, pelêuhai, vangalsânghai an hunah an hung tlung a, ka mihai ruok chun Lalpa thupêk an hriet nawh.

ṬAP HLA 4:9

Kawlhnâma thata umhai chu phîngṭâmnaa thata umhai nêkin an hamṭha lem a, Lo thlairahai tlâksamnaa vuoka umin, hieng hai hi an luong hmang si a.

EZEKIEL 7:12

A hun chu a hung tlung a, a ni chu a hung hnai tah; inchawtu chu hlim naw sienla, a zawrtu khawma pawiti bawk naw raw se; mi po po chungah lunginsenna chu a um si a.

HOSEA 4:6

Ka mihai chu hrietna tlâksam leiin sukbohmang an na, Hrietna chu i dit naw leiin kei khawma ka thiempu i ninaa inthawk chun dit naw ve tâng ka ti che. I Pathien dân chu i theinghil vei a, Kei khawmin i nauhai theinghil vêng ka tih.

AMOS 8:13

Chu nia chun nunghâk ṭha le tlangvâlhai chu dangchârin thidang an ta,

LUKA 19:44

i sûngah i nauhai le nang leh hnuoiah pei rak an ti che; i sûngah lung inthuo hrim hrim hla naw ni hai, an fang lai che i hriet naw leiin,” tiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:28

Chun, Pathien hriet an nuom naw leiin, thil mawi naw tak tak thaw dinga a dit naw zâwng lungril nei phalin Pathienin a nghatsan ta a;

2 PETER 3:5

Hieng hi an theinghil tehlêm hlak si; Tienlai khan Pathien thuin vânhai inumtir a ni a, hnuoi khawm tuia inthawka tuihaia siemin a lo um a;