ISAI 49:8 - Pathien Lekhabu Inthieng (BSI)

⁸ Lalpa chun hieng ang hin a tih, “ Hun lâwmumah ka ngaithlâk che a, sandamna niah ka ṭhangpui che; ram inngîr ding le rochan ram râusan ta hnunghai annirawi chu inhluotir dingin ka humhim chein, mihai thuthlung dingin ka ruot che:

ISAI 49:8 ပူးပေါင်းရင်းမြစ်များ

2 SAMUEL 7:13

Ama chun ka hming dingin in bâwl a ta; chun, a ram lalṭhungpha chu kumkhuoa dingin suknghet ka tih.

INPÂKNA HLABU 2:8

Mi hni rawh, chuongchun, i rohluo dingin hnam tin pêng ka ti che a: Kâwlkil tâwp chenin i ro dingin pe bawk ka ti che.

INPÂKNA HLABU 69:13

Nisienlakhawm, aw Lalpa, kei chun chu hun lâwmumah, i kuomah a nih ka ṭawngṭâi chu; Aw Pathien, i ngilneina nasatak leiin, I sandamna thutak chun mi hung dawn rawh.

INPÂKNA HLABU 75:3

Hnuoi le a chunga um po pohai chu an intuihmang zo tah: Keiin a banhai chu ka phun a nih.

ISAI 26:3

I chunga lungril innghattu chu nang a ring che leiin, lungmuongtaka um dingin vêng i tih.

ISAI 27:3

Kei Lalpa hi a vêngtu ka nih; mitkhapkâr tinin tui buok ka ta, tukhawma an tâwk nawna dingin a sûn a zânin vêng ka tih.

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 42:1

Ka siehlaw, ka chel zing, ka ithlang, ka lungrilin a ilawm êm êm hi en ta u; a chungah ka thlarau ka sie tah: Jentailhai kuoma pêk dingin rorêlna thu la suok a tih.

ISAI 42:6

“Kei Lalpa hin felnain ka ko che, i kut chel ka ta, humhim ka ti che a, mihai thuthlung ding le, Jentailhai sukvartu dingin ka ruot che a nih:

ISAI 44:26

mâni siehlaw thu sukdet a, mâni palaihai remruot sukmuolsuotu, Jerusalem chungchâng thua, ‘Chutaka chun mi um nâwk an tih,’ titu le, Juda ram khawpuihai chungchâng thua, ‘Siemin um nâwk tâwl an ta, a sietna laihai chu siem ṭha nâwk ka tih,’ titu,

ISAI 49:19

I hmun se ta le rausan hnunghai le sukbohmang hnung thua chun tuhin a umhai ta ding chun i chîn talaw ngei ngei ding a ni si a; nangma lemtuhai kha hlatakah an um ta ding a nih.

ISAI 51:16

Chun, vân khi ka keiphar thei a, leihnuoi innghatsan chu ka phûm thei a, Zionhai kuomah, “Ka mihai in nih,” ka ti theina dingin ka thuhai chu i bauah ka sie a, ka kutin ka hum che a nih.

ISAI 51:3

Lalpa chun Zion chu a thlamuon ta si a; a hmun se tahai po po chu a thlamuon a, a thlalêr chu Eden angin a siem a, a ram ṭâwl chu Lalpa huon angin a siem bawk a; chutaka chun lâwmna le hlimna dâm, lâwmthu hrilna le hla sak ri dâm um a tih.

ISAI 54:3

Changtieng le vawitienga khawm în dar lien ding a ni si a; chuongchun, i chithlahai chun hnam tin chu roin hluong an ta, khawpui râusan hnungahai chun mîn umtir nâwk an tih.

ISAI 55:6

Hmu awla a um lai hin Lalpa chu zawng unla, a hnâi lai hin ko ro;

ISAI 57:13

I khêk pha chun i lâk khâwmhai chun sanhim raw se che; nisienlakhawm, anni rawi chu thliin lâng a ta, thuokin lên hmang vawng a tih; kei mi ringtu ruok chun ram hi nei a ta, ka tlâng inthieng hi hluong a tih.

ISAI 58:12

Chuongchun, nangmaa in- thawka la hung insieng dinghai chun hmun hlui se ta hnunghai chu rem nâwk an ta, suon tamtak lungphûm chu hung rem nâwk i tih, chuongchun, nang chu, ‘A sietna lai siem ṭhatu,’ ‘Mi umna dinga lampuihai siem ṭhatu,’ tîng an ti che.

ISAI 58:5

Chuong ang chu bu ngheina ka dit zâwng chûm a nih? Thielkuong anga a lu kûn ding le, a hnuoia saiip puon phaa vut phul ding am a nih? Chu chu bu ngheina le Lalpa ta dinga ni lâwmtlâk i ti ding am a nih?

ISAI 61:2

Lalpa lungawi kum thu le ei Pathien phubalâk ni thu hril ding dâm, lungngaihai po po thlamuon ding dâm,

ISAI 61:4

Chun, hmun hlui se tahai chu rem nâwk an ta, kha hmaa khuo râusana lo um tahai chu inngîr ṭha nâwk an ta, khawpui se tah, suon tamtak râusana um ta chu siem ṭha nâwk an tih.

ISAI 65:9

Chun, Jakoba inthawkin chi pakhat suksuok ka ta, Judaa inthawkin ka tlânghai hluotu ding chu suksuok bawk ka tih; chuongchun, ka mi thlanghai chun chu chu hluong an ta, ka siehlawhai chu chutaka chun um an tih.

MATTHAI 26:28

hi hi ka thisen, suolhai ngaidamna dinga mi tamtak ta dinga suok ding, thuthlungna chu a nih

2 KORINTH 6:2

“Hun lâwmumah ka ngaithlâk che a, Sandamna niah ka ṭhangpui che,” a ti si a. Ngai ta u, tu hi hun lâwmum chu a na; ngai ta u, tu hi sandamna ni chu a nih.

EPHESI 1:6

a lunginsietna ropuizie chu Dittaka a thlâwna a mi pêk chu inpâk dingin.

HEBRAIHAI 12:24

Isu thuthlung thar palai kuom dâm, thisen the, Abel thisen nêka ṭha lem hriltu kuom dâm tlung in ni lem.

HEBRAIHAI 5:7

Ama chun hnuoi taksa a put lai nihaia khan thinaa inthawka ama sandam theitu kuoma khan nasataka khêkin, mitthli tla pumin ṭawngṭainahai le hninahai ân hlân a, inzâ taka ân pekna leiin ngaithlâkin a um a,

HEBRAIHAI 8:6

Tu ruok hin chu thuthlung ṭha nâwkzuol palai a nizie ang peiin rawngbâwl sin ṭha lem a lo chang ta a, chu thuthlung chu thutiem ṭha lem chungahai siem a nih.