ISAI 49:23 - Pathien Lekhabu Inthieng (BSI)

²³ Chun, lalhai chu i nauhai pawmtuhai nîng an ta, an lalnuhai khawm chu i nauhai pawmtunu nîng an tih; anni chun hmaia hnuoi sikin chibai bûk an ti che a; i kea pilvut chu liek an tih; chuongchun, kei hi Lalpa ka ni hung hre el i tih; a mi nghâktuhai chu muolphoin um naw ni hai.

ISAI 49:23 ပူးပေါင်းရင်းမြစ်များ

INṬANNA 27:29

Mi chi tum tumin i rawng bâwl hai sienla, Hnam tum tumin chibai bûk raw hai se che. I unauhai lai lalah um la, I nu nauhaiin chibai bûk raw hai se che. Ṭawngsie inphurtu che taphawt chu ṭawngsephurin um sienla, Malsâwmtu che chu malsâwmin um raw se,” a ti a.

INṬANNA 43:26

Josef chu a inah a hung phingleh, an lawmman hung chawi chu in sûngah a kuomah an chawi lût a, hnuoi sikin chibai an bûk tâwl a.

INPÂKNA HLABU 138:4

Aw Lalpa, hnuoia lal po po chun lâwmthu hril an ti che, I baua thu suokhai chu an hriet si a.

INPÂKNA HLABU 25:3

Anih, nangma nghâktu hrim hrim chu tukhawm muolphoin um naw ni hai, A san um lova vervêktaka thawtuhai ruok chu muolphoin um an tih.

INPÂKNA HLABU 34:22

Lalpa chun a siehlawhai hringna chu ân tlan hlak a, Amaa ringna innghattuhai chu pakhat khawm thiemnaw chang um naw ni hai.

INPÂKNA HLABU 68:31

Aiguptaa inthawkin mi lienhai hung suok an ta, Ethiopiahai chu an kut Pathien tienga phar dingin inhmâwng an tih.

INPÂKNA HLABU 69:6

Aw Lalpa, sipaihai Pathien, nangma nghâktuhai chu keia leiin muolpho naw hai sienla, Aw Israelhai Pathien, nangma zawngtuhai che chu keima leiin sukzakin um naw raw hai se.

FESUOKNA 6:7

Ka mihai ni dingin lâng ka ti cheu a, in ta dingin Pathien ni bawk ka tih; chun, Aigupta mihai rikphurna hnuoia inthawka la suoktu cheu, in Pathien Lalpa ka nih ti hre tâng in tih.

ISAI 14:1

Lalpa chun Jakob rawi chu lunginsiet a ta, Israelhai chu thlangin anni rama ngei chun a lân umtir ding a ni si a; chun, ram dang mihai chun anni chu hung zâwm an ta, Jakob sûnghai chu chel tlat an tih.

ISAI 14:2

Chun, chi tin chun anni ṭhuoi an ta, an hmun ding chu intlun an tih; chuongchun, Israel sûnghai chun Lalpa rama chun anni chu suokpaahai le suoknuahai la nei an tih; anni sala mantuhai chu salah la man an ta, anni suknawmnatuhai chunga chun ro la rêl an tih.

ISAI 25:9

Chun, chu nia chun, “Ngai ta u, hi hi ei Pathien a ni hi, ama hi ei nghâk zing a; chuongchun, ama chun mi sandam a tih: hi hi Lalpa chu a ni hi; ama hi ei nghâk zing a, a sandamnaa chun hlimin lâwm ei tih,” tîng an tih.

ISAI 26:8

Anih, Aw Lalpa, i rorêlna lampuia chun kan nghâk zing che a, kan hringna dit zâwng chu i hming tieng le i hriet zingna tieng hi a nih.

ISAI 29:22

Chuleiin, Lalpa, Abraham intlantu chun, Jakob sûnghai chungchâng thuah hieng ang hin a tih, “Jakobhai chu tuhin chu muolpho ta naw ni hai a, an hmai chu dâng ta bawk naw ni.

ISAI 41:20

Lalpa kut chun chuong chu a thaw a nih ti le Israelhai Mi Inthieng chun a siem a ni ti an hmu a, an hriet a, an ngaituo a, an hrietthiem sengna dingin.

ISAI 43:10

“In mi hriet a, in mi ring a, ama chu ka nih ti in mi hriet theina dingin nangni hi a mi hrietpuituhai in nih; ka siehlaw ka ithlang khawm chu,” Lalpain a tih, “Ka um hma chun pathien hrim hrim inngîr an um naw a, ka um hnunga khawm um bawk naw ni hai.

ISAI 45:14

Lalpa chun hieng ang hin a tih, “Aigupta sininrimhai le, Ethiopia sumdâwng mi le Sabeanhai mi insângtakhai chu in kuom tieng hung an ta; in taah um tâng an tih; nangni chu zui an ti cheu, khaidiet bunin a nih an hung ding chu; chuongchun, bawkkhupin chibai bûk an ti cheu a: ‘Pathien chu nangnia hin a um ngei el, a dang hrim hrim an um nawh, Pathien dang hrim an um nawh,’ tiin in kuomah lunginsiet hnîng an tih,” tiin.

ISAI 45:17

Israelhai ruok chu kumkhaw sandamnaah, Lalpa sandamin um an tih: chatuon chen khawmin muolphoin inzak naw ti niu.

ISAI 49:7

Lalpa Israelhai intlantu le an Mi Inthieng chun, nasataka hmusita um le hnamhai iten, rorêltuhai siehlaw kuoma chun hieng ang hin a hril, “Lalpa ringum, Israelhai Mi Inthieng, nangma thlangtu lei khan lalhaiin hmûng an ta, tho an tih; mi lienhai khawma chibai bûk an tih,” tiin.

ISAI 50:7

Lalpa Pathien chun a mi ṭhangpui ding a ni si a; chuleiin, kân zak ngai naw a; chuleiin, meitâwklung ang tlatin ka ngha hlak, muolpho naw ning ti ka hriet.

ISAI 52:15

hnam tamtakin maktîng an tih; lalhaiin a kuoma chun an bau lân chîp an ta, an kuoma hril ngai lo chu la hmûng an ta, naa an hriet ngai naw chu an ngaithiem ding a nih.

ISAI 52:6

Chuleiin, ka mihai chun ka hming hrieng an tih; ngai ta, keima hi ka nih,” tiin.

ISAI 60:14

Chun, nangma sukrimsituhai naupasalhai chu kûnin i kuomah hung an ta; nangma hmusittuhai po po chu chibai bûkin i kepha hnuoiah kûn an tih; nang chu, “Lalpa khawpui, Israelhai Mi Inthieng Zion,” tîng an ti che.

ISAI 60:16

Chun, hnam tin nênetui fâwp i ta, lalhai nêne khawm nêng i tih; kei Lalpa hi nangma sandamtu le nangma intlantu, Jakobhai Mi Hrât chu ka nih ti la hre bawk i tih.

ISAI 60:3

Chuongchun, hnam tin chu i var tieng chun hung an ta, lalhai khawm i hung suok varna tieng chun hung bawk an tih.

ISAI 62:2

Chuongchun, hnam tinin i felna chu hmûng an ta, lal po poin i ropuina chu hmu bawk an tih; chun , hming thar, Lalpa bauin ân put ding chun ko an ti che.

ISAI 64:4

Tienlaia inthawk tah mihaiin, nangma chau naw chu, anni nghâktuhai ta ding thawpêk hlaktu Pathien an hriet ngai si naw a, nain an hriet ngai naw a, mit khawma an hmu ngai bawk nawh.

EZEKIEL 37:6

Nangnia chun thahai sieng ka ta, taksain in chungah hung sukbit ka tih, chun, vunin inkhum ka ti cheu, nangnia chun thuok sieng ka ta hung hring in tih; chun, Lalpa chu ka nih ti mi hre tâng in tih,” a ta.

JOEL 2:27

Chun, Israelhai lai hin ka um ti le, Lalpa in Pathien ka na, tu dang khawm an um nawh ti hrieng in tih; ka mihai chu muolpho nâwk ta naw ni hai.

MIKA 7:17

Rûl angin pilvut liek an ta; hnuoia bawkinvâka fehai angin an umna kuoa inthawk chu inthin pumin hung an ta; Lalpa ei Pathien kuoma chun ṭi pumin hung an tih; nangma leiin an ṭi ding a nih.

NAMBAR 11:12

Hieng mipuihai po po hi ka nauhai bêk am an nih? An pi le an puhai ṭawng inkhâma pêk i tiem rama ṭhuoi lût dingin, ‘Nau pawmtuin nênê ne lai a pawm angin i ângsûngah pawm rawh,’ i mi ti ding ela ka ṭhuoi suok tâwl am an nih?

MATTHAI 25:16

Chun, talent nga dawngtu chu chuonghai chun a va sumdâwng nghâl ta a, talent nga dang a sukdawk ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:11

Pathien Lekha Thuin, “Tûkhawm ama ring taphawt chu muolpho naw ni hai,” a ti a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:5

Chun, Thlarau Inthieng ei kuoma a mi pêk khan Pathien hmangaina chu ei lungrilah a hung buok ta leiin beiseina chun a mi sukbeidawng naw a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:33

“Ngai ta, Ziona chun Tlûkna lung le, Dangna lungpui ka sie a; Tûkhawm ama ring taphawt chu Muolpho naw ni,” tia ziek ang khan.

1 PETER 2:6

Chuleiin, Pathien Lekha Thua chun, “Ngai ta u, Ziona chun a kia lung pawimaw tak, thlang le hlutak ka rem a nih, Ama ringtu chu muolpho naw ni,” ti a chuong a nih.

THUPUONGSUO 3:9

Ngai ta, Setan inkhâwmna inhai laia mi, Juda tak ni lova, khêl hrila Juda intihai laia mi chu, ka tir ding a nih, ngai ta, i ke bulah chibai hung inbûktir ka ta, ka hmangai che ti inhriettir bawk ka tih.