ISAI 49:20 - Pathien Lekhabu Inthieng (BSI)

²⁰ I nau în hmang hnunga i nau nei nâwkhai chun, ‘Hmun hi ka ta dingin a chîn taluo a, ka umna dingin hmun mi pe rawh,’ tiin i naah la hril an tih.

ISAI 49:20 ပူးပေါင်းရင်းမြစ်များ

2 LALHAI 6:1

Chun, zâwlneihai naupasalhai chun Elisa kuomah, “En ta hi, i hmaa kan ṭhung khâwmna hi kan ta dingin ân têp taluo a.

ISAI 29:23

An nau, ka kutsuokhai chu, anni laia an hmu chun, ka hming chu sukthieng lem tâng an tih; anih, Jakobhai Mi Inthieng chu sukthieng an ta, Israelhai Pathien chu ṭi tâng an tih.

ISAI 51:3

Lalpa chun Zion chu a thlamuon ta si a; a hmun se tahai po po chu a thlamuon a, a thlalêr chu Eden angin a siem a, a ram ṭâwl chu Lalpa huon angin a siem bawk a; chutaka chun lâwmna le hlimna dâm, lâwmthu hrilna le hla sak ri dâm um a tih.

ISAI 60:4

Tang la, i mit inlên vêl la, en rawh: an rêngin an inkhâwm a, i kuomah an hung a ni hi: i naupasalhai chu hlataka inthawkin hung an ta, i naunuhmeihai chu hung pawm an tih.

HOSEA 1:10

Nisienlakhawm, Israel mipuihai chu tuipuia phaiphin, inkhi ruol lo le tiem ruol lo zât nîng an ta; chun, an kuomah, “Ka mihai in ni nawh” tina hmun ngeia chun “Pathien hring nauhai in nih,” ti nîng a tih.

ZEKARIA 10:10

Aigupta rama inthawk khawmin anni chu hung ṭhuoi suok nâwk ka ta. Assuria rama inthawkin la khâwm nâwk ka tih; Gilead le Lebanon rama chun ṭhuoi lût ka ta; an ta dinga hmun indai naw hielin.

ZEKARIA 2:4

“Tlân la, hi tlangvâl kuoma hin, ‘mipui tam lei le ranruol leiin Jerusalem chu khuo kul um lohai anga hluo el nîng a tih,’ tiin hril rawh.

MATTHAI 3:9

“ ‘Abraham ei thlatu a nih annawm,’ tiin inngaituo naw ro; Pathienin hieng lunghai hi Abraham thlahai dingin ân ngirtir thei ti ka hril cheu hi.