ISAI 49:2 - Pathien Lekhabu Inthieng (BSI)

² ka bau hi kâwlhnâm ngeitak angin a siem a, a kuta chun a mi thuphmang a, thal nâwt tle varah a mi siem a, a thal bâwma chun a mi khum tlat a;

ISAI 49:2 ပူးပေါင်းရင်းမြစ်များ

INPÂKNA HLABU 91:1

Achunghnungtak inbîkna hmuna um chu, Iengkimthawthei hlima chun um zing a tih.

FESUOKNA 33:22

ka ropuinain a fe khêl lai che chun lungpui kak kârah sieng ka ti che a, ka kutin i hmai hlieng ka ti che;

ISAI 11:4

rimsihai chu feltakin ro rêlpêk lem a ta, hnuoia mi thuhnuoirawlhai ta ding chun thlierbîk nei lovin kâwkpêk bawk a tih; a bau hembâwk chun hnuoi hi vuong a ta, a hmûra thuok chun mi rilohai chu that a tih.

ISAI 42:1

Ka siehlaw, ka chel zing, ka ithlang, ka lungrilin a ilawm êm êm hi en ta u; a chungah ka thlarau ka sie tah: Jentailhai kuoma pêk dingin rorêlna thu la suok a tih.

ISAI 50:10

Nangni laia Lalpa chu ṭi a, a siehlaw thuawi chu, tu am a na? Inthima lênga var hrim hrim nei naw chun Lalpa hming chu ring sienla, a Pathien chungah innghat raw se.

ISAI 50:4

Mi sâwltak chu thua ka suksâwldam theina dingin Lalpa Pathien chun inchûktirhai lei a mi pêk a; ama chun tûk tinin a keihar a, inchûktirhaiin an hriet anga hre dingin ka na hi a keihar hlak.

ISAI 51:16

Chun, vân khi ka keiphar thei a, leihnuoi innghatsan chu ka phûm thei a, Zionhai kuomah, “Ka mihai in nih,” ka ti theina dingin ka thuhai chu i bauah ka sie a, ka kutin ka hum che a nih.

JEREMIA 1:18

Ngai ta, vawisûn hin ram po po hmaah, Juda lalhai chunga le, chutaka rorêltuhai chunga le, thiempuhai chunga le, chu rama mipuihai po po chunga chun dârsen banghai, thîr sûtpuihai le khawpui kul neiah ka siem che hi.

HOSEA 6:5

Chuleiin, zâwlneihai hmangin anni ka râwt a, Ka baua thuhaiin anni ka sukhlum a nih. I chunga rorêlnahai chu var fe suok pup pup ang hi a nih.

HABAKKUK 3:11

Nisa le thla chu an umnaa chun an ngîr zing a, I thalhai kâp suoka umhai vara le, I fei tle zawr zawr vara chun.

LUKA 23:46

Chun, Isu râwl inringtakin a khêk a, “Pa, i kutah ka thlarau kân kawltir,” a ta. Chu chu a ti zo chun a thlarau ân thla ta a.

EPHESI 6:17

Chun, sandamna lukhum le Thlarau ngûnhnâm (Pathien Thu chu) la unla, ṭawngṭaina le hnina tinrêngin,

HEBRAIHAI 4:12

Pathien thu hi a hring a, thil a thaw thei a, kâwlhnâm ngeituo ieng ang nêk khawmin a ngei a, hringna le thlarau, rulechâng le thlin kawi dar khawp hielin a sun thei a, lungrila ngaituo le tumhai hi a hriet nghâl thei a nih.

THUPUONGSUO 1:16

A kut chang tieng chun arasi pasari a chawi a; a baua inthawk chun kâwlhnâm ngeituo ngeitak a suok a, a hmêl chu nisa sat vânglai tak ang a nih.

THUPUONGSUO 19:15

Chun, a baua inthawkin kâwlhnâm ngeitak a suok a, chu chu hnam tin a sâtna ding a nih; chun, thîr hmawlin an ro rêl a ta; Pathien Iengkimthawthei lunginsen nasatna grêp sâwrna khura chun sir sâwr a tih.

THUPUONGSUO 2:12

“Chun, Pergamosa kohran tirko kuoma chun hieng hin ziek rawh: “ ‘Kâwlhnâm ngeituo ngeitak neitu khan hieng thu hi a hril a nih:

THUPUONGSUO 2:16

Chuongchun, sim rawh, chuong naw chun i kuomah hung vak ka ta, ka baua kâwlhnâm chun anni hung do ka tih.