ISAI 49:19 - Pathien Lekhabu Inthieng (BSI)

¹⁹ I hmun se ta le rausan hnunghai le sukbohmang hnung thua chun tuhin a umhai ta ding chun i chîn talaw ngei ngei ding a ni si a; nangma lemtuhai kha hlatakah an um ta ding a nih.

ISAI 49:19 ပူးပေါင်းရင်းမြစ်များ

INPÂKNA HLABU 124:3

Kha lai khan anni chun ei hring pumin mi lem tâng an tih, Ei chunga an lung a chawk lai khan:

THUVARHAI 1:12

Seol ang elin an hring pumin lem ei ta; Mi felhai ngei chu, vânsama fethlahai ang elin;

ISAI 1:7

In ram chu rausanin a um zo a, in khuohai chu meiin a kâng zo a, in ram chu ram dang mihaiin in mithmu ngeiah an nei zo a, ram dang mihai suksiet angin a se zo tah.

ISAI 3:8

A ropuina mit chu suknuor dinga an ṭawng le an thilthawhai chu Lalpa do tieng a ni leiin Jerusalem chu a se zo a, Judahai chu an tlu zo tah a nih.

ISAI 49:17

I nauhai chu an inhmaw a; nangma sukbohmangtuhai che le, nangma suksetuhai chun suoksan an ti che.

ISAI 49:8

Lalpa chun hieng ang hin a tih, “ Hun lâwmumah ka ngaithlâk che a, sandamna niah ka ṭhangpui che; ram inngîr ding le rochan ram râusan ta hnunghai annirawi chu inhluotir dingin ka humhim chein, mihai thuthlung dingin ka ruot che:

ISAI 5:6

Sukrêm vawng ka ta; sâtderin um naw ni a, cho phitin um bawk naw nih; buor le hlohlingneihai mâwng lem a tih; sûmhai khawm a chungah ruo hrim hrim insûrtir lo dingin thu pe bawk ka tih.

ISAI 51:3

Lalpa chun Zion chu a thlamuon ta si a; a hmun se tahai po po chu a thlamuon a, a thlalêr chu Eden angin a siem a, a ram ṭâwl chu Lalpa huon angin a siem bawk a; chutaka chun lâwmna le hlimna dâm, lâwmthu hrilna le hla sak ri dâm um a tih.

ISAI 54:3

Changtieng le vawitienga khawm în dar lien ding a ni si a; chuongchun, i chithlahai chun hnam tin chu roin hluong an ta, khawpui râusan hnungahai chun mîn umtir nâwk an tih.

JEREMIA 30:16

Chuong lei chun nangma fazotu po pohai chu fâkzoin um an ta; i hmêlmahai po po chu, anni mi tin el chu salah intâng an tih; chun, nangma suksetu che chu suksietin um a ta; râllâka latu che po po chu râllâkah pe bawk ka tih.

JEREMIA 51:33

Sipaihai Lalpa Israel Pathien chun hieng hin a tih: “Babulon naunu chu hrizâwl bu chîl mêkna lai ang chu a nih; nakie sâwt nawtêah, ama ta dingin bu chil hun la hung tlung a tih,” tiin.

JEREMIA 51:44

Babulona Bêl chu hrem ka tih; a ilem tahai khawm chu a baua inthawkin hung la suokpêk ka tih; chuongchun, hnamhai chu ama kuoma chun luong hmunkhat ta ngai naw ni hai a, anih, Babulon kulbang chu chim a tih.

EZEKIEL 36:3

hril la, hieng hin ti rawh; Lalpa Pathien chun hieng hin a ti a nih; râusanah an lo siem ta che leiin le, sîr tina inthawk chun an lo lem ta che a, hnam la umhai ta dinga chan i ni theina dingin, thuhriltuhai hmûra chun i chuong a, mipuihai thuhril ṭha lo i lo ni tâk leiin;

ZEKARIA 10:10

Aigupta rama inthawk khawmin anni chu hung ṭhuoi suok nâwk ka ta. Assuria rama inthawkin la khâwm nâwk ka tih; Gilead le Lebanon rama chun ṭhuoi lût ka ta; an ta dinga hmun indai naw hielin.

ZEKARIA 2:11

Chun, chu nia chun hnam tamtakhai chu Lalpa tieng hung kawp an ta, ka mihai an hung ni ding a nih; chun, kei chu nangmaa chun chêng ka ta, chuongchun, sipaihai Lalpa chun i kuomah a mi hung tir a nih ti hre tâng i tih.

ZEKARIA 2:4

“Tlân la, hi tlangvâl kuoma hin, ‘mipui tam lei le ranruol leiin Jerusalem chu khuo kul um lohai anga hluo el nîng a tih,’ tiin hril rawh.

ZEKARIA 2:8

Lalpa chun hieng hin a tih: A ropuina ding ang peiin ama chun nangni suksetu cheu hnamhai kuoma chun a mi tir a; nangni tâwktu cheu chun ama mit naulêng a tâwk a ni si a: